Sigingo 13:5 - Mbeti ti Nzapa - Tënë so amu fini

⁵ Tongana KOTA GBIA asara si ala si na kodro ti azo ti Kanaan, azo ti mara ti Het, ti Amori, ti Hivi nga na ti azo ti Yebus, fade ala yeke sara matanga so na ya ti nze so. Kodro so KOTA GBIA adeba yanga ti lo na akotara ti ala ti mu ni na ala laa; ngu ti me ti bagara na mafuta ti wotoro asi singo daa.

Sigingo 13:5 Iomraidhean Croise

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

1 Mbai 1:15

ti Hivi, ti Arki, ti Sini,

Sigingo 12:24

Ala na *ahale ti ala, fade ala yeke sara ye alingbi na ambela so kue; ambela ni ayeke ngba ndali ti ala kpu na kpu.

Sigingo 13:10

Na ngu oko oko, fade ala sara ye alingbi na mbela so, gi na lango so a fa na ala.”

Sigingo 13:11

Moïse akiri atene na azo ni, atene: “Fade KOTA GBIA ayeke sara si ala si na sese ti Kanaan; lo yeke mu sese ni na ala tongana ti so lo deba yanga ti lo na ala nga na akotara ti ala.

Sigingo 3:17

Nilaa mbi tene: Mbi yeke zi ala na sese ti Ezipte, ndo so ala yeke baa pasi daa mingi so, ti sigigi na ala. Mbi yeke gue na ala na sese ti azo ti Kanaan, azo ti mara ti Het, ti Amori, ti Perizi, ti Hivi na ti Yebus, *sese so ngu ti me ti bagara na mafuta ti wotoro asi singo daa.’

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Sigingo 32:13

Dabe ti mo na azo ti kua ti mo Abraham, Isaac na Jacob, ala so mo wani, mo deba yanga ti mo na ala, mo tene: ‘Fade mbi yeke sara titene *ahale ti ala awu tongana atongoro ti le ti nduzu. Sese so mbi mu zendo ni na ala, fade mbi yeke mu ni na ahale ti ala si aga ye ti ala kpu na kpu.’ ”

Sigingo 33:1

KOTA GBIA atene na Moïse: “Londo na ndo so, mo gue, mo na azo so mo zi ala na sese ti Ezipte, mo sigigi na ala so. Ala gue na sese so mbi deba yanga ti mbi na Abraham, Isaac na Jacob ti mu na *ahale ti ala so.

Sigingo 34:11

“Ye so mbi mu yanga daa na ala laso, ala sara ye mbirimbiri alingbi na ni. Mbi yeke tumba na dawa ti ala azo ti mara ti Amori, azo ti Kanaan, azo ti mara ti Het, ti Perizi, ti Hivi na ti Yebus.

Sigingo 6:4

Na pekoni, mbi sara *mbuki na ala; mbi mu zendo ti mu na ala sese ti Kanaan so ala duti ando daa tongana awande.

Sigingo 6:8

Na pekoni, mbi yeke sara titene ala li na ya ti kodro so mbi deba yanga ti mbi ti mu na Abraham, na Isaac nga na Jacob. Mbi yeke mu kodro ni na ala, azo ti Israel titene aga ti ala. Mbi laa mbi yeke KOTA GBIA!’ ”

Jérémie 11:5

Tongaso, zendo so mbi mu ando na akotara ti ala, fade mbi yeke sara ye alingbi na ni. Mbi deba ando yanga ti mbi ti mu na ala *kodro so ngu ti me ti bagara na mafuta ti wotoro asi singo daa, kodro ni laa ala yeke daa laso so.” Mbi kiri tënë: “Amen, KOTA GBIA!”

Jérémie 32:22

Mo deba yanga ti mo ando na akotara ti e ti mu na ala *kodro so ngu ti me ti bagara na mafuta ti wotoro asi singo daa; ye so mo sara ni laa.

Ezekiel 20:6

Na lango ni so, mbi yoro maboko ti mbi na nduzu, mbi deba yanga ti mbi na ala, mbi tene: fade mbi yeke sara si ala sigigi na sese ti Ezipte ti gue na mbeni kodro so mbi *bembe ni ando ndali ti ala; kodro ni ayeke pendere ahon akodro kue, *kodro so ngu ti me ti bagara na mafuta ti wotoro asi singo daa.

Awayango-sandaga 20:24

Mbi tene lani na ala azo ti Israel, mbi tene: ‘Ala laa ayeke mu ande sese ti amara ni titene aga ti ala. Mbi laa mbi yeke mu sese ni na ala titene aga ti ala: *sese so ngu ti me ti bagara na mafuta ti wotoro asi singo daa!’ Mbi laa mbi yeke KOTA GBIA, Nzapa ti ala so mbi zia ala nde na popo ti amara nde.

Wungo ti azo 11:12

Mbi laa, mbi mu ngo ti azo so kue? Mbi laa mbi du ala? Si mo tene na mbi: yo ala tongana ti so mama ti molenge ayeke yo kete molenge ti lo ti mu me na lo; mo yo ala ngbii asi na sese so mbi mu na akotara ti ala na lege ti zendo so.

Wungo ti azo 13:27

Ala tene na Moïse: “E gue, e si na kodro so mo tokua e daa. Biani, kodro ni ayeke *kodro so ngu ti me ti bagara na mafuta ti wotoro asi singo daa. Ala baa, ambeni le ti keke ti kodro ni laa.

Wungo ti azo 14:16

‘KOTA GBIA alingbi ti zia azo so pepe ti li na ya ti kodro so lo deba yanga ti lo lani ti mu na ala; ndani laa lo fâ ala kue na ya ti benyama.’

Wungo ti azo 14:30

Mbi deba yanga ti mbi lani ti mu na ala kodro ni titene ala duti daa. Mbi deba yanga ti mbi awe, fade ala yeke li na ya ti kodro ni pepe, gi Kaleb, molenge ti Yefune na Josué, molenge ti Nune.

Wungo ti azo 32:11

‘Azo so alondo na kodro ti Ezipte si asigigi, ala so ngu ti ala ayeke baleuse wala ahon baleuse, sese so mbi mu zendo ti mu na Abraham, Isaac na Jacob, fade ala yeke baa ni pepe. Biani, ala ke ti sara ye alingbi na tënë ti yanga ti mbi.

Ndia ti fani use ni 12:29

Moïse atene: Na dawa ti ala, fade *KOTA GBIA Nzapa ti ala, azo ti Israel, ayeke fâ azo ti amara nde so ala yeke li ande na sese ti ala. Ala yeke tumba amara ni si ala yeke duti na sese ni na peko ti azo ni.

Ndia ti fani use ni 19:1

Moïse atene: Ala azo ti Israel, fade *KOTA GBIA Nzapa ti ala ayeke zi ambeni mara nde na sese ni si lo yeke mu na ala sese ni. Ala yeke tumba amara ni si ala yeke lango na ya ti agbata ti amara ni nga na ya ti ada ti ala.

Ndia ti fani use ni 26:1

Moïse atene: Ala ga nduru ti li na sese so *KOTA GBIA Nzapa ti ala ayeke mu na ala titene aga ti ala. Tongana ala mu sese ni si ala duti daa awe,

Ndia ti fani use ni 7:1

Moïse atene: Fade *KOTA GBIA Nzapa ti ala ayeke gue na ala titene ala li na ya ti kodro so ala yeke mu ni titene aga ti ala. Lo yeke tumba gba ti amara nde na dawa ti ala, amara mbarambara so awu mingi si ala yeke ngangu mingi ahon ala: azo ti mara ti Het, ti Girgashi, ti Amori, ti Kanaan, ti Perizi, ti Hivi na ti Yebus.

Josué 24:11

Ala fâ ngu ti Jourdain si ala si na Jéricho. Azo ti Jéricho ni atiri bira na ala. Azo ti mara ti Amori, ala ti Perizi, ala ti Kanaan, ala ti Het, ala ti Girgashi, ala ti Hivi na ala ti Yebus nga atiri bira na ala. Me mbi zia azo ni kue na maboko ti ala, azo ti Israel.