Sigingo 13:3 - Mbeti ti Nzapa - Tënë so amu fini

³ Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Sigingo 13:3 Iomraidhean Croise

Tongo nda ti aye 15:16

Fade amolenge ti mo ti molongo osio ni, ahale ti mo ayeke kiri ge, ngbanga ti so na ngoi ni so, ade sioni ti azo ti mara ti Amori ahon ndoni pepe.”

1 Agbia 8:42

– biani, azo ni ayeke ma tënë ti kota iri ti mo, tënë ti ngangu ti maboko ti mo, maboko ti mo so mo yoro – tongana lo ga na mbage ti kota da so ti sambela mo,

1 Mbai 16:12

Ala, *ahale ti Israel, zo ti kua ti KOTA GBIA, ala, ahale ti Jacob, ala so KOTA GBIA asoro ala, ala dabe ti ala na aye ti kpene so lo sara; ala dabe ti ala na aye ti dongo be so lo sara, na atënë ti fango ngbanga so asigigi na yanga ti lo.

Néhémie 1:10

KOTA GBIA, e yeke azo ti kua ti mo, e yeke azo ti mo! E laa mo zi e na gbe ti ngbaa na lege ti kota ngangu ti mo nga na lege ti ngangu ti maboko ti mo.

Néhémie 9:10

Mo sara aye ti dongo be na aye ti kpene na tere ti Faraon na azo ti kua ti lo, nga na tere ti azo ti kodro ti lo kue, ngbanga ti so mo hinga lege ti sarango ye ti ala so ala sara na baba na tere ti akotara ti e. Mo sara si iri ti mo awu si angba ti wu laso.

Abia (Psaumes) 105:5

Ala, *ahale ti Abraham, zo ti kua ti KOTA GBIA, ala, ahale ti Jacob, ala so KOTA GBIA asoro ala, ala dabe ti ala na aye ti kpene so lo sara; ala dabe ti ala na aye ti dongo be so lo sara, na atënë ti fango ngbanga so asigigi na yanga ti lo.

Abia (Psaumes) 114:1

Na ngoi so azo ti Israel alondo na Ezipte ti sigigi, na ngoi so *ahale ti Jacob alondo na popo ti azo so ayeke tene mbeni yanga ti kodro nde,

Abia (Psaumes) 136:11

lo mu azo ti Israel na popo ti ala, lo sigigi na ala. – Biani, nzoni be ti lo angba kpu na kpu!

Abia (Psaumes) 136:12

lo sara so na lege ti ngangu ti maboko ti lo, na lege ti maboko ti lo so lo yoro. – Biani, nzoni be ti lo angba kpu na kpu!

Abia (Psaumes) 89:14

Maboko ti mo ayeke ngangu mingi, mo yeke ngangu, mo yo maboko ti mo ti koli na nduzu!

Sigingo 12:15

KOTA GBIA akiri atene na Moïse na Aaron: “Na ya ti lango mbarambara, fade ala yeke te mapa so a sara na mama ni pepe. Gi na kozo lango ni, ala zi mama ti mapa na ya ti ada ti ala. Ti londo na kozo lango ni ti si na mbarambara lango ni, zo so ate mapa so a sara na mama ni, fade a yeke tumba lo na popo ti azo ti Israel.

Sigingo 12:17

“Fade ala yeke bata lango ti matanga ti Mapa so a sara na mama ni pepe so, ngbanga ti so na lango ni so laa mbi sara si ala sigigi na kodro ti Ezipte, na lege ti molongo ti mara ti ala. Ala yeke bata lango so ngu na ngu; ndia so ayeke ngba ngu na ngu ndali ti *ahale ti ala ti angoi kue.

Sigingo 12:19

Na ya ti lango mbarambara, alingbi a wara mama ti mapa na ya ti ada ti ala pepe. Zo so ate mapa so a sara na mama ni, ataa lo yeke wande wala lo yeke molenge ti kodro, fade a yeke tumba lo na ya ti bongbi ti azo ti Israel.

Sigingo 12:2

“Nze so ayeke duti ande kozo nze ti ala. Nze so laa ayeke duti kozo nze ti ngu oko oko.

Sigingo 12:41

Na peko ti ngu ngbangbo osio na baleota so, taa gi na lango ni so, azo ti KOTA GBIA asigigi na ya ti kodro ti Ezipte na lege ti molongo ti amara ti ala.

Sigingo 12:42

Na ndembe so KOTA GBIA azi azo ti lo na kodro ti Ezipte asigigi na ala, na bi ni kue, lo baa ndo na ndö ti ala. Bi ni so ayeke ti KOTA GBIA. Legeoko nga, na bi ni so, alingbi ahale ti Israel ti angoi kue alango pepe.

Sigingo 12:8

Na bi ni so, ala yeke zö kasa ti nyama ni zongo si ala te ni na mapa so a sara na mama ni pepe; ala yeke te nga kasa ni na pere so asee sengo.

Sigingo 13:14

Gbanda, tongana amolenge ti ala ahunda ala, atene: ‘Nda ti ye so ala sara so ayeke nyen?’ Fade ala kiri tënë na ala, atene: ‘Na ngangu ti maboko ti KOTA GBIA, lo sara si e sigigi na Ezipte, ndo so lani e yeke angbaa daa so.

Sigingo 13:9

Na lege ti ngangu ti maboko ti KOTA GBIA laa, lo zi ala na Ezipte, lo sigigi na ala. Fade matanga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Matanga ni ayeke dabe ti ala so, ala lingbi ti fa *Ndia ti KOTA GBIA na azo.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Sigingo 20:8

“Alingbi mo dabe ti mo na *lango ti wungo tere, mo zia ni nde ndali ti mbi.

Sigingo 23:15

Kozo matanga ni ayeke matanga ti Mapa so a sara na mama ni pepe. Na nze ti Abib, na ya ti lango mbarambara, mapa so a sara na mama ni pepe, ala yeke te ni alingbi na yanga so mbi mu na ala. Biani, na nze ti Abib laa ala sigigi na Ezipte. Fade zo ayeke ga na ya ti da ti mbi maboko senge pepe.

Sigingo 3:20

Tongaso, mbi yeke yoro maboko ti mbi ti pika sese ti Ezipte na lege ti aye ti kpene nde nde. Na pekoni, gbia ni ayeke zia lege na ala titene ala gue.

Sigingo 34:18

“Alingbi ala sara matanga ti Mapa so a sara na mama ni pepe: na ya ti lango mbarambara na nze ti Abib, fade ala yeke te mapa so a sara na mama ni pepe alingbi na yanga so mbi mu na ala. Biani, lani na nze ti Abib laa ala sigigi na Ezipte.

Sigingo 6:1

KOTA GBIA atene na Moïse: “Fafadeso, mo yeke baa ye so mbi yeke sara na Faraon. Na lege ti ngangu ti maboko ti mbi, mbi yeke sara si lo zia lege na azo ti Israel ti gue. Na lege ti ngangu ti mbi, mbi yeke sara si lo tumba ala na ya ti kodro ti lo!”

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Sigingo 7:4

Me lo yeke ma ala pepe. Tongaso, mbi yeke fâ ngbanga ti ngangu na ndö ti azo ti Ezipte si mbi yeke zi azo ti mbi, azo ti Israel, na kodro ti Ezipte ti sigigi na ala na lege ti molongo ti amara ti ala oko oko.

Jérémie 34:13

“Tënë so KOTA GBIA, Nzapa ti Israel atene ayeke so: Mbi nga, mbi na akotara ti ala, e sara mbuki na ndembe so mbi sara si ala sigigi na sese ti Ezipte, ndo so ala yeke lani angbaa daa. Mbi tene na akotara ti ala ni, mbi tene:

Daniel 9:15

“Kota Gbia Nzapa ti e, na lege ti ngangu ti maboko ti mo, mo sara si azo ti mo asigigi na sese ti Ezipte; nilaa iri ti mo awu ngbii asi laso. Me e ke yanga ti mo, e sara siokpari.

Matthieu 10:12

Tongana ala li na ya ti mbeni da, ala bara azo ni.

Nzoni Tënë so Luc asu na mbeti 22:19

Na pekoni, lo mu mapa, lo mu singila na Nzapa, lo fâ ya ni, lo mu na ala si lo tene: “So ayeke tere ti mbi so mbi mu ndali ti ala. Ala sara ye so ti dabe ti ala na mbi.”

1 Korente 11:24

lo mu singila na Nzapa, lo fâ ya ni si lo tene: “So ayeke tere ti mbi so mbi mu ndali ti ala. Ala sara ye so ti dabe ti ala na mbi.”

1 Korente 5:8

Tongaso, e sara matanga ti Pake ni na ngbene mama ti mapa pepe, so ti tene na asiokpari na aye ti sioni; me e sara matanga ni na mapa so asara na mama ni pepe, so ti tene na vurungo be nga na tenengo taa-tënë.

Efeze 1:19

ala hinga nga so lo yeke ngangu mingi, ngangu ti lo ayeke sara ye mingi na ya ti fini ti e, azo ti lo. Gi na ngangu so laa

Ndia ti fani use ni 13:10

Alingbi ala fâ lo fango. Mo so zo ni aye ti handa mo so, mo laa mo yeke mu têne ti bo na zo ni kozoni. Na pekoni, fade tanga ti azo ni ayeke bo lo nga.

Ndia ti fani use ni 13:11

Fade mo yeke bo zo ni na têne si lo yeke kui, ngbanga ti so lo gi lege ti handa mo titene mo ke KOTA GBIA Nzapa ti mo so asara si mo sigigi na Ezipte, ndo so lani mo yeke ngbaa daa.

Ndia ti fani use ni 13:5

Ala mu gi peko ti KOTA GBIA Nzapa ti ala oko, alingbi ala kpe gi mbeto ti lo oko. Ala sara ye alingbi gi na atënë ti ndia ti lo, ala ma gi lo oko, ala sara kua gi na lo oko, ala ngba gi na tere ti lo oko.

Ndia ti fani use ni 13:6

Alingbi a fâ wayanga-nzapa ni so, wala zo ti bango aye na ya ti bango-li so, ngbanga ti so lo pusu ala ti ke KOTA GBIA Nzapa ti ala, lo so lo sara si ala sigigi na sese ti Ezipte, lo so lo zi ala na ndo so ala yeke lani angbaa daa. Zo ni aye titene ala mu mbeni lege nde na ti so KOTA GBIA Nzapa ti ala amu yanga na ala titene ala tambula daa. Lege so fade ala yeke zi sioni ye na popo ti ala laa.

Ndia ti fani use ni 15:15

Ayeke nzoni ala dabe ti ala so ala wani, ala yeke ando angbaa na sese ti Ezipte si KOTA GBIA Nzapa ti ala azi ala. Ndani laa, mbi yeke mu yanga so na ala laso.

Ndia ti fani use ni 16:1

Moïse atene: Na nze ti Abib, fade ala yeke sara *matanga ti Pake ndali ti *KOTA GBIA Nzapa ti ala, ngbanga ti so na nze so laa KOTA GBIA Nzapa ti ala asara si ala sigigi na sese ti Ezipte na bi.

Ndia ti fani use ni 16:12

Ayeke nzoni ala dabe ti ala so ala wani, ala yeke ando angbaa na sese ti Ezipte. Fade ala yeke bata andia ti lo si ala yeke sara ye alingbi na ni.

Ndia ti fani use ni 16:3

Na ndembe ti matanga ni, mapa so a sara na mama ni, fade ala yeke te ni pepe. Na ya ti lango mbarambara, ala yeke te gi mapa so a sara na mama ni pepe, ngbanga ti so ala sigigi na loro na sese ti Ezipte. Tongana ala yeke te mapa ti ye ti vundu so, ala yeke dabe ti ala na lango so ala sigigi na sese ti Ezipte; ala yeke dabe ti ala na ni na lango ti fini ti ala kue.

Ndia ti fani use ni 24:18

Ayeke nzoni ala dabe ti ala so ala yeke ando angbaa na sese ti Ezipte si *KOTA GBIA Nzapa ti ala azi ala na gbe ti ngbaa ni. Ndani laa, mbi mu yanga na ala ti sara ye alingbi na andia so.

Ndia ti fani use ni 24:22

Ayeke nzoni ala dabe ti ala so ala yeke ando angbaa na sese ti Ezipte. Ndani laa mbi mu yanga na ala ti sara ye alingbi na andia so.

Ndia ti fani use ni 26:8

KOTA GBIA asara si e sigigi na sese ti Ezipte na lege ti ngangu ti maboko ti lo nga na lege ti maboko ti lo so lo yoro; na lege ti akota ye ti ziango mbeto na be ti zo, na lege ti aye ti kpene nga na lege ti aye ti dongo be.

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Ndia ti fani use ni 5:15

Mo dabe ti mo so, ando mo yeke ngbaa na Ezipte si KOTA GBIA Nzapa ti mo asara si mo sigigi na lege ti ngangu ti maboko ti lo nga na lege ti maboko ti lo so lo yoro. Ndani laa, KOTA GBIA Nzapa ti mo amu yanga na mo titene mo bata lango ti wungo tere.

Ndia ti fani use ni 5:6

“Mbi yeke KOTA GBIA Nzapa ti mo; mbi laa mbi sara si mo sigigi na sese ti Ezipte, ndo so mo yeke lani ngbaa daa.

Ndia ti fani use ni 6:12

Tongaso, ala sara hange titene be ti ala agirisa na KOTA GBIA pepe, lo so lo sara si ala sigigi na sese ti Ezipte, ndo so ala yeke lani angbaa daa so.

Ndia ti fani use ni 6:21

Fade ala yeke kiri tënë na ala, atene: “Ando, e yeke angbaa ti gbia Faraon na sese ti Ezipte; me KOTA GBIA asara si e sigigi na ya ti kodro ni na lege ti kota ngangu ti lo.

Ndia ti fani use ni 7:8

Me KOTA GBIA aye ala, lo ye ti sara ye so lo deba yanga ti lo lani daa na akotara ti ala. Nilaa, na lege ti ngangu ti maboko ti lo, lo sara si ala sigigi na sese ti Ezipte, ndo so lani ala yeke angbaa daa. Lo zi nga ala na gbe ti komandema ti Faraon, gbia ti Ezipte.

Ndia ti fani use ni 8:14

Tongana ala wara aye tongaso, ala sara hange si ala ga azo ti baba pepe; be ti ala agirisa na KOTA GBIA Nzapa ti ala pepe, lo so lo sara si ala sigigi na Ezipte, ndo so lani ala yeke angbaa daa.

Ndia ti fani use ni 9:12

Na pekoni, KOTA GBIA atene na mbi: “Mo londo ge, mo zu hio, ngbanga ti so azo ti mo so mo sara si ala sigigi na Ezipte so, ala sara siokpari so ayeke sioni mingi. Lege so lani mbi fa na ala, ala do ni hio azia awe. Ala mu lôro, ala kporo ni si asara na mbeni yanda!”

Josué 24:17

Biani, KOTA GBIA Nzapa ti e laa asara si e sigigi, e na akotara ti e na Ezipte, ndo so lani e yeke angbaa daa. Lo sara akota ye ti kpene so le ti e kue abaa ni; lo bata e na ndembe so kue e yeke tambula na lege na gango ni, na popo ti amara so kue e hon na ya ti akodro ti ala.

Awafango-ngbanga 2:12

Ala do KOTA GBIA, Nzapa ti akotara ti ala azia, lo so lo sara si ala sigigi na kodro ti Ezipte so. Ala gue, avoro ambeni nzapa nde so ayeke anzapa ti azo so alango nduru na ala. Ala kuku na gbe ti anzapa ni si ala zia ngonzo na be ti KOTA GBIA.

Awafango-ngbanga 6:8

KOTA GBIA atokua na ala mbeni wayanga-Nzapa; lo tene na ala: “Tënë so KOTA GBIA, Nzapa ti Israel atene ayeke so: ‘Mbi laa mbi sara si ala sigigi na sese ti Ezipte, mbi laa mbi zi ala na ndo so ala yeke lani angbaa daa.