Sigingo 13:21 - Mbeti ti Nzapa - Tënë so amu fini

²¹ KOTA GBIA wani laa ayeke tambula na dawa ti ala. Na kota lâ, lo yeke na ya ti ngbongboro mbinda ti fa lege na ala. Na bi, lo yeke na ya ti ngbongboro wâ ti za na tere ti ala. Tongaso ala lingbi ti tambula na kota lâ nga na bi.

Sigingo 13:21 Iomraidhean Croise

Néhémie 9:12

Na kota lâ, mo fa lege na ala na lege ti ngbongboro mbinda. Na bi, mo zia mbeni ngbongboro wâ ti za na lege ti ala.

Néhémie 9:19

Me na lege ti kota nzoni be ti mo, mo zia ala na ya ti benyama pepe: na kota lâ, mbinda so ayeke fa lege na ala ahon yongoro na tere ti ala pepe; ngbongboro wâ so ayeke za ti fa lege na ala ahon nga yongoro na tere ti ala pepe.

Abia (Psaumes) 105:39

Nzapa agbara ngbongboro mbinda ti bata ala; na bi, wâ ayeke za titene ala baa na ndo.

Abia (Psaumes) 68:7

Azo so aduti gi ala oko, Nzapa ayeke mu na ala sewa; lo yeke zi azo ti kanga si be ti ala ade. Me ti azo so ake yanga ti lo, ala ngba na ndo so ngu ayeke daa pepe.

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

Abia (Psaumes) 78:14

Na kota lâ, lo fa lege na ala na lege ti mbinda; na bi kue, lo fa lege na ala na lege ti zango ti wâ.

Abia (Psaumes) 99:7

Na ya ti ngbongboro mbinda, lo yeke tene tënë na ala; ala sara ye alingbi na aye so lo hunda na ala, nga na andia so lo mu na ala.

Sigingo 10:10

Faraon atene na ala: “Ala ye titene mbi zia lege na ala titene ala na asewa ti ala ague? Ayeke nzoni KOTA GBIA aduti na ala ma! Fadeso sioni tënë ti be ti ala asigigi polele awe!

Sigingo 16:10

Na ndembe so Aaron ayeke tene tënë na bongbi ti azo ti Israel kue, ala zia le ti ala na mbage ti benyama, mo ye ti baa, ala baa gonda ti KOTA GBIA asigigi na ya ti mbinda.

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

B. ti abia 3:6

Zo wa laa alondo na benyama si lo yeke ga tongana ngbongboro guru so? Zo wa laa asara na tere ti lo yombo ti *mire, ti dukani nga na ayombo ti azo ti dengo buze ti kodro wande so?

Wungo ti azo 10:34

Na kota lâ, tongana ala londo na ya ti bâbâ ti hon, ngbongboro mbinda ti KOTA GBIA ayeke hon na ndö ti li ti ala, na nduzu.

Wungo ti azo 14:14

Ala tene tënë ni na azo ti kodro so awe. Azo ni ahinga atene, mo KOTA GBIA, mo yeke na popo ti azo ti mo, mo yeke fa ka tere ti mo na ala. Mbinda ti mo ayeke luti na ndö ti ala; na kota lâ, mo yeke tambula na dawa ti ala na lege ti mbeni ngbongboro mbinda; na bi, mo yeke tambula na dawa ti ala na lege ti mbeni ngbongboro wâ.

Ndia ti fani use ni 1:33

Lani, lo laa lo yeke mu li ti tambula ni na ala ti gi ndo so ala lingbi ti sara bâbâ ti ala daa. Na bi, lo yeke na ya ti ngbongboro wâ ti za na lege so ala yeke tambula daa; na kota lâ, lo yeke na ya ti ngbongboro mbinda.

Ndia ti fani use ni 31:8

KOTA GBIA wani laa ayeke mu li ti tambula ni na mo, lo wani lo yeke na mo. Lo yeke do mo ti zia mo pepe, lo yeke zia mo oko pepe. Tongaso, alingbi mo sara mbeto pepe, mo sara si be ti mo awoko pepe.”