Sigingo 13:12 - Mbeti ti Nzapa - Tënë so amu fini

¹² Tongana ala si kâ, fade ala yeke mu na KOTA GBIA amolenge-koli so azi lege ti dungo ni na mama ti ala nga na amolenge ti nyama so azi lege ti dungo ni na mama ti ala. Ala kue ayeke ti KOTA GBIA.

Sigingo 13:12 Iomraidhean Croise

Néhémie 10:36

Na ngu oko oko nga, e yeke ga na akozo le ti kobe ti yaka ti e nga na akozo le ti keke ti e na ya ti kota da ti Nzapa.

Néhémie 10:37

E yeke ga na akozo molenge ti e nga na akozo molenge ti anyama ti e, tongana ti so Ndia afa. E yeke ga nga na akozo molenge ti abagara ti e, akozo molenge ti ataba na ti angasa ti e na ya ti kota da ti Nzapa ti e; e yeke mu ala na awayango-sandaga so ayeke sara kua na ya ti kota da ti Nzapa.

Sigingo 13:1

KOTA GBIA atene na Moïse:

Sigingo 13:2

“Akozo molenge-koli so kue ayeke na Israel, ala so azi lege ti dungo ni na mama ti ala, mo zia ala nde ndali ti mbi. Biani, akozo molenge-koli ti zo na akozo molenge-koli ti nyama ayeke ti mbi.”

Sigingo 22:28

“Ale ti kobe ti ala na ale ti vinye ti ala, ti mbi mbage ni, ala ku kungo pepe ti ga na ni na mbi. “Fade ala zia nde ndali ti mbi kozo molenge ti ala ti koli.

Sigingo 22:29

“Fade ala sara gi mara ti ye so na kozo molenge ti bagara ti ala nga na kozo molenge ti taba ti ala. Fade molenge ti nyama ni ayeke ngba na tere ti mama ti lo lango mbarambara; na lango miombe ni, ala mu lo na mbi.

Sigingo 34:19

“Amolenge so kue azi lege ti dungo ni na mama ti ala ayeke ti mbi. Ataa akozo molenge-koli ti nyama, ataa akozo molenge-koli ti taba wala ti ngasa, fade ala yeke mu ala na mbi.

Sigingo 34:20

Me tongana ayeke kozo molenge ti lele, fade ala yeke sanze lo na kete taba wala na kete ngasa. Tongana ala sanze lele ni pepe, fade ala pete go ti lo, ala fâ lo. Me ti akozo molenge-koli ti ala azo, fade ala yeke kiri ti vo ala vongo. “Fade zo ayeke ga na ya ti da ti mbi maboko senge pepe.

Ezekiel 16:20

Jérusalem, amolenge-koli na amolenge-wali so mo du ala na mbi, mo ya ala na sandaga na ayanda ni titene ala ga kobe ti ala! Sarango ye ti ndumba ti mo alingbi lani na mo pepe?

Ezekiel 44:30

Akozo pendere kobe ti ayaka ti ala, nga na anzoni ye so kue ala ya na Nzapa ayeke ga ye ti awayango-sandaga. Anzoni farini ti ala, fade ala yeke mu ni na awayango-sandaga. Tongaso si tufa aga na ya ti da ti ala.

Awayango-sandaga 27:26

“Akozo molenge ti koli so kue nyama adu, zo alingbi ti zia ni nde ndali ti KOTA GBIA pepe. Biani, kozo molenge ti bagara, ti taba wala ti ngasa aga ye ti KOTA GBIA awe.

Wungo ti azo 18:15

Ti hunzi na ni, akozo molenge-koli ti zo na ti nyama so azo ti Israel amu na mbi, ayeke ga ti ala. Me akozo molenge-koli ti zo na ti nyama so ayeke *sioni, fade ala yeke sara titene a futa ngere ni.

Wungo ti azo 3:12

“Mbi wani laa mbi soro azo ti mara ti Lévi na popo ti azo ti Israel kue titene ala mu plase ti akozo molenge-koli, akozo molenge-koli kue so azi lege ti dungo na mama ti ala. Azo ti mara ti Lévi ayeke azo ti mbi.

Wungo ti azo 3:13

Na ndembe so lani mbi sara si akozo molenge-koli ti azo ti Ezipte akui, na ndembe so laa mbi mu akozo molenge-koli ti azo ti Israel ti zia ala nde ndali ti mbi; ataa akozo molenge-koli ti zo wala ti nyama, ala yeke ti mbi. Mbi laa mbi yeke KOTA GBIA.”

Wungo ti azo 8:17

Biani, akozo molenge ti azo ti Israel kue ayeke ti mbi, ataa akozo molenge ti zo wala ti nyama. Na ndembe so lani mbi sara si akozo molenge-koli ti azo ti Ezipte akui, na ndembe so laa mbi zia akozo molenge-koli ti azo ti Israel nde ndali ti mbi.

Nzoni Tënë so Luc asu na mbeti 2:23

Ala sara ye ni alingbi na tënë so a su na ya ti mbeti ti Ndia ti Kota Gbia: “Molenge-koli so kue azi lege ti dungo ni na mama ti lo, fade a yeke zia lo nde ndali ti Kota Gbia.”

Ndia ti fani use ni 15:19

Moïse atene: Ala azo ti Israel, fade ala yeke mu akozo molenge-koli ti abagara ti ala, ti ataba na ti ngasa ti ala, ala zia ni nde ndali ti *KOTA GBIA Nzapa ti ala. Ala yeke mu kozo molenge ti koli-bagara ti fâ na yaka pepe, ala yeke fâ kua ti tere ti kozo molenge ti taba pepe.