Sigingo 13:10 - Mbeti ti Nzapa - Tënë so amu fini

¹⁰ Na ngu oko oko, fade ala sara ye alingbi na mbela so, gi na lango so a fa na ala.”

Sigingo 13:10 Iomraidhean Croise

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Sigingo 12:17

“Fade ala yeke bata lango ti matanga ti Mapa so a sara na mama ni pepe so, ngbanga ti so na lango ni so laa mbi sara si ala sigigi na kodro ti Ezipte, na lege ti molongo ti mara ti ala. Ala yeke bata lango so ngu na ngu; ndia so ayeke ngba ngu na ngu ndali ti *ahale ti ala ti angoi kue.

Sigingo 12:42

Na ndembe so KOTA GBIA azi azo ti lo na kodro ti Ezipte asigigi na ala, na bi ni kue, lo baa ndo na ndö ti ala. Bi ni so ayeke ti KOTA GBIA. Legeoko nga, na bi ni so, alingbi ahale ti Israel ti angoi kue alango pepe.

Sigingo 13:5

Tongana KOTA GBIA asara si ala si na kodro ti azo ti Kanaan, azo ti mara ti Het, ti Amori, ti Hivi nga na ti azo ti Yebus, fade ala yeke sara matanga so na ya ti nze so. Kodro so KOTA GBIA adeba yanga ti lo na akotara ti ala ti mu ni na ala laa; ngu ti me ti bagara na mafuta ti wotoro asi singo daa.

Sigingo 23:15

Kozo matanga ni ayeke matanga ti Mapa so a sara na mama ni pepe. Na nze ti Abib, na ya ti lango mbarambara, mapa so a sara na mama ni pepe, ala yeke te ni alingbi na yanga so mbi mu na ala. Biani, na nze ti Abib laa ala sigigi na Ezipte. Fade zo ayeke ga na ya ti da ti mbi maboko senge pepe.

Awayango-sandaga 23:6

“Na lango baleoko na oku ti oko nze ni, ala yeke sara matanga ti Mapa so a sara na mama ni pepe ndali ti mbi KOTA GBIA. Na ya ti lango mbarambara, ala yeke te mapa so a sara na mama ni pepe.