Sigingo 12:9 - Mbeti ti Nzapa - Tënë so amu fini

⁹ Ala yeke te kasa ni na fini ni pepe, wala ala to ni tongo pepe. Me ala yeke zö nyama ni zongo, ala yeke te li ni, na agere ni nga na ya ni kue.

Sigingo 12:9 Iomraidhean Croise

2 Mbai 35:13

Ala zö kete taba ti Pake ni zongo alingbi na tënë ti ndia si tanga ti anyama so a zia nde ndali ti Nzapa so, ala to ni na ya ti atawa, na ya ti ata ti sese nga na ya ti ambeni ta. Ala kangbi ni hio na azo ti Israel kue.

Sigingo 12:8

Na bi ni so, ala yeke zö kasa ti nyama ni zongo si ala te ni na mapa so a sara na mama ni pepe; ala yeke te nga kasa ni na pere so asee sengo.

Sigingo 29:13

Mo yeke mu mafuta so kue ayeke na tere ti akamba ti ya ti nyama ni, na mafuta so ayeke na tere ti be ni nga na aronyon use na mafuta so ayeke na tere ni, mo gbi kue na wâ na ndö ti gbalaka ni.

Sigingo 29:17

Mo yeke doroko nyama ni; mo yeke sukula akamba ti ya ti nyama ni na agere ni si mo yeke zia ni na ndö ti akasa ni nga na ndö ti li ti nyama ni.

Abia ti demango tere 1:13

Kâ na nduzu, KOTA GBIA atokua mbeni wâ; wâ ni ali na ya ti abio ti mbi. KOTA GBIA aleke mbeni gbanda ti gbu na gere ti mbi; gbanda ni agbu mbi, agboto mbi na peko. Mbi ga tongana wali so ye ahunzi na lo awe; lakue, tere ti mbi ayeke so gi songo.

Awayango-sandaga 1:9

Zo ni ayeke sukula akamba ti ya ti nyama ni na agere ti nyama ni. Na pekoni, wayango-sandaga ayeke zö aye ni kue na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Ndia ti fani use ni 16:7

Ala yeke to nyama ni si ala yeke te lo na ndo so KOTA GBIA Nzapa ti ala ayeke soro ni. Na ndade ni, na ndaperere, ala yeke kiri na ndo ti ala.