Sigingo 12:6 - Mbeti ti Nzapa - Tënë so amu fini

⁶ Ala yeke bata nyama ni ngbii asi na lango baleoko na osio ti nze ni. Na lakui ti lango ni so, bongbi ti azo ti Israel kue ayeke fâ go ti nyama ni.

Sigingo 12:6 Iomraidhean Croise

2 Mbai 35:1

Yosias asara *matanga ti Pake ndali ti *KOTA GBIA na Jérusalem. Na lango baleoko na osio ti kozo nze ni, a fâ anyama ndali ti matanga ni.

Esdras 6:19

Azo so kue a gbu ala, a gue na ala na kodro wande si ala kiri so, ala sara *matanga ti Pake na lango baleoko na osio ti kozo nze ti ngu ti peko ni.

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Sigingo 12:17

“Fade ala yeke bata lango ti matanga ti Mapa so a sara na mama ni pepe so, ngbanga ti so na lango ni so laa mbi sara si ala sigigi na kodro ti Ezipte, na lege ti molongo ti mara ti ala. Ala yeke bata lango so ngu na ngu; ndia so ayeke ngba ngu na ngu ndali ti *ahale ti ala ti angoi kue.

Sigingo 12:18

Na kozo nze ni, na lango baleoko na osio ti nze ni, na lakui, fade ala yeke te mapa so a sara na mama ni pepe, ngbii asi na lakui ti lango baleuse na oko ti nze ni.

Sigingo 12:47

Fade bongbi ti azo ti Israel kue ayeke sara matanga ti Pake so.

Sigingo 16:1

Bongbi ti azo ti Israel kue alondo na Elim, ala si na benyama ti Sin na lango baleoko na oku ti use nze ni, na peko ti so ala sigigi na kodro ti Ezipte. Sin ayeke na popo ti Elim na hoto ti Sinai.

Sigingo 16:12

“Mbi ma kasango ndo ti azo ti Israel. Tene na ala, mo tene: ‘Na lakui so, fade ala yeke te nyama, kekereke na ndaperere, ala yeke te mapa ya ti ala asi si ala hinga atene, mbi laa mbi yeke KOTA GBIA, Nzapa ti ala.’ ”

Sigingo 19:1

Na kozo lango ti ota nze ni, na peko ti so azo ti Israel asigigi na Ezipte awe, ala si na benyama ti Sinai.

Sigingo 29:39

Ala yeke ya kozo taba ni na ndaperere si ala yeke ya use taba ni na lakui.

Sigingo 29:41

Ti use taba ni, ala yeke ya lo na lakui. Ala yeke ya gi mara ti sandaga tongana ti so ala sara na ndaperere so, nga na mara ti sandaga ti samba so ala sara so. So ayeke sandaga so fion ni anzere na mbi KOTA GBIA, sandaga so a gbi ni kue na wâ ndali ti mbi.

Ésaïe 53:6

E kue, e yeke lani tongana ataba so akangbi kirikiri, zo oko oko amu lege ti lo wani. Me KOTA GBIA asara si asioni ti e kue ati na ndö ti lo.

Ezekiel 45:21

“Na lango baleoko na osio ti kozo nze ni, fade ala yeke to nda ti sarango *matanga ti Pake. Matanga ni ayeke sara lango mbarambara; na matanga ni ala yeke te mapa so a sara na mama ni pepe.

Awayango-sandaga 23:5

“Na lango baleoko na osio ti kozo nze ni, na lakui, fade ala yeke sara *matanga ti Pake ndali ti mbi KOTA GBIA.

Wungo ti azo 28:16

“Na lango baleoko na osio ti kozo nze ni, fade ala yeke sara *matanga ti Pake ndali ti *KOTA GBIA.

Wungo ti azo 28:18

Na kozo lango ti matanga ni, ala yeke bongbi tere ti ala ti voro KOTA GBIA; kua so ala yeke sara ka lakue, ala sara ni pepe.

Wungo ti azo 9:11

Me azo ni so ayeke sara matanga ni na lango baleoko na osio ti use nze ni gi na lakui. A yeke te kete taba na mapa so asara na mama ni pepe nga na asengo pere.

Matthieu 27:20

Akota wayango-sandaga na *akangba apusu gba ti azo ni atene, ala hunda titene a zi Barabas si a fâ Jésus.

Matthieu 27:25

Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Marc 15:1

Gi na kota ndaperere, akota wayango-sandaga, *akangba, awafango-ndia na azo kue ti *Kota Bongbi ti Fango Ngbanga abongbi ti ma tere. Ala kanga Jésus, ague na lo si azia lo na maboko ti Pilate.

Marc 15:11

Me akota wayango-sandaga apusu gba ti azo ni titene ala hunda na Pilate ti zi na ala Barabas.

Marc 15:25

Na ngbonga gumbaya ti ndaperere laa ala kanga lo na ndö ti keke ti kroa.

Marc 15:8

Gba ti azo ni ague na ndo ti Pilate si ala hunda na lo titene lo sara ye so lo yeke sara lakue na ala so.

Nzoni Tënë so Luc asu na mbeti 23:1

Azo ni kue alondo si ala gue na Jésus na gbe ti Pilate.

Nzoni Tënë so Luc asu na mbeti 23:18

Me azo ni kue adekongo, atene: “Fâ koli so! Mo zi na e Barabas!”

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Awatokua 3:14

Lo so lo yeke nde, lo yeke nzoni kue si lo yeke mbirimbiri, ala ke lo si ala hunda titene Pilate azi na ala zo ti fango zo ti zia ngia na be ti ala.

Awatokua 4:27

“Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.

Josué 5:10

Azo ti Israel asara bâbâ na Gilgal. Na lango baleoko na osio ti nze ni, na lakui, ala sara *matanga ti Pake na lando ti Jéricho.