Sigingo 12:51 - Mbeti ti Nzapa - Tënë so amu fini

⁵¹ Taa gi na lango ni so, KOTA GBIA azi azo ti Israel na kodro ti Ezipte asigigi na ala na lege ti molongo ti amara ti ala.

Sigingo 12:51 Iomraidhean Croise

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

1 Agbia 6:1

Salomon ato nda ti sara kota da ti *KOTA GBIA na ngu ngbangbo osio na balemiombe na peko ti so azo ti Israel asigigi na sese ti Ezipte. Na ngoi so Salomon ato nda ti akua ni so, andaa lo to nda ti le-gbia na Israel asara ngu osio awe. Akua ti sarango kota da ni ato nda ni na nze ti Ziv, so ti tene na use nze ti ngu ni.

2 Mbai 14:12

Asa na aturugu ti lo atumba peko ti ala ngbii asi na Gerar. Aturugu ti Etiopii akui gbani gbani, mbeni zo oko ti ala angba na fini pepe, ngbanga ti so KOTA GBIA na aturugu ti lo anika ala. Azo ti Juda agbu gba ti aye na peko ti bira ague na ni.

Abia (Psaumes) 114:1

Na ngoi so azo ti Israel alondo na Ezipte ti sigigi, na ngoi so *ahale ti Jacob alondo na popo ti azo so ayeke tene mbeni yanga ti kodro nde,

Abia (Psaumes) 136:11

lo mu azo ti Israel na popo ti ala, lo sigigi na ala. – Biani, nzoni be ti lo angba kpu na kpu!

Sigingo 12:41

Na peko ti ngu ngbangbo osio na baleota so, taa gi na lango ni so, azo ti KOTA GBIA asigigi na ya ti kodro ti Ezipte na lege ti molongo ti amara ti ala.

Sigingo 12:50

Azo ti Israel kue asara ye ni alingbi gi na yanga so KOTA GBIA amu lani na Moïse na Aaron.

Sigingo 13:1

KOTA GBIA atene na Moïse:

Sigingo 16:1

Bongbi ti azo ti Israel kue alondo na Elim, ala si na benyama ti Sin na lango baleoko na oku ti use nze ni, na peko ti so ala sigigi na kodro ti Ezipte. Sin ayeke na popo ti Elim na hoto ti Sinai.

Sigingo 19:1

Na kozo lango ti ota nze ni, na peko ti so azo ti Israel asigigi na Ezipte awe, ala si na benyama ti Sinai.

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Sigingo 6:26

Aaron na Moïse laa KOTA GBIA amu yanga na ala, atene: “Ala zi azo ti Israel asigigi na Ezipte, na lege ti molongo ti amara ti ala oko oko.”

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Sigingo 7:4

Me lo yeke ma ala pepe. Tongaso, mbi yeke fâ ngbanga ti ngangu na ndö ti azo ti Ezipte si mbi yeke zi azo ti mbi, azo ti Israel, na kodro ti Ezipte ti sigigi na ala na lege ti molongo ti amara ti ala oko oko.

Awayango-sandaga 23:43

Tongaso si ahale ti ala kue ahinga atene, na ngoi so mbi mu akotara ti ala na sese ti Ezipte mbi sigigi na ala, ala lango ando na gbe ti akpangba. Mbi laa mbi yeke KOTA GBIA, Nzapa ti ala.”

Amos 2:10

Kozoni, mbi mu ala, azo ti Israel na kodro ti Ezipte mbi sigigi na ala, mbi fa lege na ala na ya ti benyama ngu baleosio titene ala gue, amu kodro ti mara ti Amori titene aga ti ala.

Mishe 6:4

Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Wungo ti azo 23:22

Nzapa asara si ala sigigi na kodro ti Ezipte; lo yeke na kota ngangu tongana ti ngbä.

Wungo ti azo 26:4

“Fade ala yeke diko wungo ti akoli so kue ngu ti ala alingbi baleuse wala ahon baleuse alingbi na yanga so KOTA GBIA amu na Moïse.” Amara ti azo ti Israel so alondo lani na Ezipte asigigi ayeke so:

Wungo ti azo 33:1

So ayeke akapa ti tambula ti azo ti Israel, ngbene ye so ala londo na Ezipte na lege ti amolongo ti ala, na gbe ti komandema ti Moïse na Aaron.

Awatokua 13:17

Nzapa ti azo ti Israel asoro akotara ti e. Lo sara si li ti azo ni awu mingi na ndembe so ala yeke wande na kodro ti Ezipte. Na pekoni, na lege ti ngangu ti lo, lo sara si ala londo na Ezipte asigigi.

Ndia ti fani use ni 16:1

Moïse atene: Na nze ti Abib, fade ala yeke sara *matanga ti Pake ndali ti *KOTA GBIA Nzapa ti ala, ngbanga ti so na nze so laa KOTA GBIA Nzapa ti ala asara si ala sigigi na sese ti Ezipte na bi.

Ndia ti fani use ni 4:37

Ndali ti so lo ye akotara ti ala, nilaa lo soro ala, *ahale ti ala; lo wani, lo sara si ala sigigi na sese ti Ezipte na lege ti kota ngangu ti lo.

Josué 24:5

Aninga na pekoni, mbi tokua Moïse na Aaron si mbi sara si akpale nde nde ati na ndö ti azo ti Ezipte. Na pekoni, mbi sara si ala azo ti Israel, ala londo na Ezipte, ala sigigi.

Jude 1:5

Ataa so ala hinga ni kue awe, mbi ye ti dabe ti ala daa: ando, Kota Gbia amu azo ti Israel na kodro ti Ezipte, lo sigigi na ala si lo soo ala; me na pekoni, lo sara si azo so ake tënë ti lo akui.