Sigingo 12:41 - Mbeti ti Nzapa - Tënë so amu fini

⁴¹ Na peko ti ngu ngbangbo osio na baleota so, taa gi na lango ni so, azo ti KOTA GBIA asigigi na ya ti kodro ti Ezipte na lege ti molongo ti amara ti ala.

Sigingo 12:41 Iomraidhean Croise

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

1 Agbia 6:1

Salomon ato nda ti sara kota da ti *KOTA GBIA na ngu ngbangbo osio na balemiombe na peko ti so azo ti Israel asigigi na sese ti Ezipte. Na ngoi so Salomon ato nda ti akua ni so, andaa lo to nda ti le-gbia na Israel asara ngu osio awe. Akua ti sarango kota da ni ato nda ni na nze ti Ziv, so ti tene na use nze ti ngu ni.

2 Mbai 14:12

Asa na aturugu ti lo atumba peko ti ala ngbii asi na Gerar. Aturugu ti Etiopii akui gbani gbani, mbeni zo oko ti ala angba na fini pepe, ngbanga ti so KOTA GBIA na aturugu ti lo anika ala. Azo ti Juda agbu gba ti aye na peko ti bira ague na ni.

Abia (Psaumes) 102:13

Me ti mo KOTA GBIA, mo yeke ngba gbia kpu na kpu si azo ti angoi kue ayeke dabe ti ala na mo.

Abia (Psaumes) 114:1

Na ngoi so azo ti Israel alondo na Ezipte ti sigigi, na ngoi so *ahale ti Jacob alondo na popo ti azo so ayeke tene mbeni yanga ti kodro nde,

Abia (Psaumes) 136:11

lo mu azo ti Israel na popo ti ala, lo sigigi na ala. – Biani, nzoni be ti lo angba kpu na kpu!

Sigingo 12:17

“Fade ala yeke bata lango ti matanga ti Mapa so a sara na mama ni pepe so, ngbanga ti so na lango ni so laa mbi sara si ala sigigi na kodro ti Ezipte, na lege ti molongo ti mara ti ala. Ala yeke bata lango so ngu na ngu; ndia so ayeke ngba ngu na ngu ndali ti *ahale ti ala ti angoi kue.

Sigingo 12:51

Taa gi na lango ni so, KOTA GBIA azi azo ti Israel na kodro ti Ezipte asigigi na ala na lege ti molongo ti amara ti ala.

Sigingo 13:14

Gbanda, tongana amolenge ti ala ahunda ala, atene: ‘Nda ti ye so ala sara so ayeke nyen?’ Fade ala kiri tënë na ala, atene: ‘Na ngangu ti maboko ti KOTA GBIA, lo sara si e sigigi na Ezipte, ndo so lani e yeke angbaa daa so.

Sigingo 13:16

Asandaga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Asandaga ni ayeke dabe ti ala na ngangu ti maboko ti KOTA GBIA, lo so lo zi ala na Ezipte lo sigigi na ala.”

Sigingo 13:3

Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Sigingo 13:9

Na lege ti ngangu ti maboko ti KOTA GBIA laa, lo zi ala na Ezipte, lo sigigi na ala. Fade matanga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Matanga ni ayeke dabe ti ala so, ala lingbi ti fa *Ndia ti KOTA GBIA na azo.

Sigingo 3:10

Fadeso, mbi yeke tokua mo. Gue na ndo ti gbia Faraon, mo zi azo ti Israel, azo ti mbi na sese ti Ezipte, mo sigigi na ala!”

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Sigingo 6:26

Aaron na Moïse laa KOTA GBIA amu yanga na ala, atene: “Ala zi azo ti Israel asigigi na Ezipte, na lege ti molongo ti amara ti ala oko oko.”

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Sigingo 7:4

Me lo yeke ma ala pepe. Tongaso, mbi yeke fâ ngbanga ti ngangu na ndö ti azo ti Ezipte si mbi yeke zi azo ti mbi, azo ti Israel, na kodro ti Ezipte ti sigigi na ala na lege ti molongo ti amara ti ala oko oko.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Awayango-sandaga 23:43

Tongaso si ahale ti ala kue ahinga atene, na ngoi so mbi mu akotara ti ala na sese ti Ezipte mbi sigigi na ala, ala lango ando na gbe ti akpangba. Mbi laa mbi yeke KOTA GBIA, Nzapa ti ala.”

Habakuk 2:3

Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi.

Wungo ti azo 23:22

Nzapa asara si ala sigigi na kodro ti Ezipte; lo yeke na kota ngangu tongana ti ngbä.

Wungo ti azo 33:1

So ayeke akapa ti tambula ti azo ti Israel, ngbene ye so ala londo na Ezipte na lege ti amolongo ti ala, na gbe ti komandema ti Moïse na Aaron.

Jean 7:8

Ala wani, ala gue na matanga ni! Mbi yeke gue ti mbi na matanga ni pepe, ngbanga ti so ngbonga ti mbi ade ti lingbi pepe.”

Awatokua 1:7

Jésus akiri tënë na ala: “So ayeke tënë ti ala pepe ti hinga ngoi ni na ndembe ni. Biani, Babâ oko laa aleke na be ti lo na lege ti komandema ti lo.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Ndia ti fani use ni 16:1

Moïse atene: Na nze ti Abib, fade ala yeke sara *matanga ti Pake ndali ti *KOTA GBIA Nzapa ti ala, ngbanga ti so na nze so laa KOTA GBIA Nzapa ti ala asara si ala sigigi na sese ti Ezipte na bi.

Ndia ti fani use ni 4:37

Ndali ti so lo ye akotara ti ala, nilaa lo soro ala, *ahale ti ala; lo wani, lo sara si ala sigigi na sese ti Ezipte na lege ti kota ngangu ti lo.

Josué 24:5

Aninga na pekoni, mbi tokua Moïse na Aaron si mbi sara si akpale nde nde ati na ndö ti azo ti Ezipte. Na pekoni, mbi sara si ala azo ti Israel, ala londo na Ezipte, ala sigigi.

Josué 5:14

Koli ni akiri tënë: “Mbi yeke na mbage ti zo oko pepe; me mbi yeke makonzi ti aturugu ti *KOTA GBIA. Gango ti mbi laa.” Tongaso Josué ati, lo kpo li ti lo na sese si lo tene: “Nyen laa kota zo ti mbi aye ti tene na mbi, zo ti gbe ti lo?”