Sigingo 12:27 - Mbeti ti Nzapa - Tënë so amu fini

²⁷ Fade ala kiri tënë na ala, atene: ‘So ayeke *sandaga ti Pake ndali ti KOTA GBIA laa. Na ndembe so azo ti Israel ayeke lani na Ezipte, KOTA GBIA asara ye ti ngangu na kodro ni, me lo hon hongo na ndö ti ada ti e, lo luti pepe; lo bata asewa ti e.’ ” Tongaso azo ti Israel akuku akpo li ti ala na sese ti voro KOTA GBIA.

Sigingo 12:27 Iomraidhean Croise

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

2 Mbai 20:18

Yosafat akuku, akpo li ti lo na sese. Azo ti Jérusalem kue na azo ti Juda akuku nga na sese na dawa ti KOTA GBIA ti voro lo.

2 Mbai 29:30

Na pekoni, gbia Ezekias na amakonzi atene na azo ti mara ti Lévi ti he bia ti sepela KOTA GBIA na lege ti abia so David na Asaf, zo ti bango nda ti aye aleke ando so. Azo ti mara ti Lévi asepela KOTA GBIA na ngia, na pekoni ala kuku, akpo li ti ala na sese.

Néhémie 8:6

Esdras amu singila na KOTA GBIA, lo so lo yeke kota Nzapa. Azo kue ayo maboko ti ala na nduzu si ala tene: “Amen, Amen!” Na pekoni, ala kuku, akpo li ti ala na sese ti voro KOTA GBIA.

Abia (Psaumes) 44:1

Bia ti azo ti Kore; bia so ayeke ndali ti makonzi-bia. Bia ti fango ye na zo.

Abia (Psaumes) 78:5

Lo mu komandema na azo ti Jacob, lo lu ndia na Israel. Lo mu yanga na akotara ti e ti fa ye ni na amolenge ti ala.

Sigingo 10:2

Tongaso, fade mo lingbi ti fa na amolenge ti mo nga na amolenge ti amolenge ti mo peko ti ye ti ngangu so mbi sara na azo ti Ezipte nga na aye ti kpene so mbi sara na kodro ti ala. Fade ala azo ti Israel, ala yeke hinga atene, mbi laa mbi yeke KOTA GBIA.”

Sigingo 12:11

Lege so ala yeke te na nyama ni ayeke so: ala kanga kamba na ndö ti bongo ti ala, ala yu poro na gere ti ala, ala gbu keke na maboko ti ala. Ala te ni na loro. So ayeke *matanga ti Pake so ala yeke sara ndali ti mbi, KOTA GBIA laa.

Sigingo 12:23

Fade KOTA GBIA ayeke hon na ya ti Ezipte kue ti sara ye ti ngangu na kodro ni. Me tongana lo yeke baa mene so ayeke na tere ti akadere ti yanga ti da nga na tere ti kadere ti nduzu, fade lo yeke hon hongo, lo yeke zia lege pepe na kpale ti bubango ndo ti li na ya ti da ti ala ti fâ ala.

Sigingo 12:28

Na pekoni, ala kiri si ala to nda ti sara ye ni; ala sara ni alingbi gi na yanga so KOTA GBIA amu lani na Moïse na Aaron.

Sigingo 13:14

Gbanda, tongana amolenge ti ala ahunda ala, atene: ‘Nda ti ye so ala sara so ayeke nyen?’ Fade ala kiri tënë na ala, atene: ‘Na ngangu ti maboko ti KOTA GBIA, lo sara si e sigigi na Ezipte, ndo so lani e yeke angbaa daa so.

Sigingo 13:8

Na lango ti matanga so, fade ala yeke fa nda ti tënë so na amolenge ti ala, atene: ‘E sara matanga so ndali ti ye so KOTA GBIA asara na e na ndembe so e sigigi na kodro ti Ezipte.’

Sigingo 34:25

“Mapa so a sara na mama ni, fade ala yeke bongbi ni na sandaga ti anyama ti ga na ni na mbi pepe. Nyama so a mu na sandaga ndali ti *matanga ti Pake, ala yeke bata ni, ti londo na bi ngbii asi na ndaperere pepe.

Sigingo 34:8

Hio tongaso, Moïse akuku, akpo li ti lo na sese ti voro KOTA GBIA.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

1 Korente 5:7

Ala zi angbene mama ti mapa titene ala ga *nzoni! Tongaso, fade ala yeke ga tongana fini farini so a gbu ya ni si a zia mama ti mapa daa pepe. Biani, ala ga tongana fini farini so a gbu ya ni awe, ngbanga ti so Christ ayeke taba ti *Pake ti e so a mu lo na *sandaga awe.

Ndia ti fani use ni 16:2

Na popo ti anyama ti ala, ala yeke mu abagara, ataba na ngasa si ala yeke ya ni na *sandaga na KOTA GBIA na lango ti matanga ti Pake ni. Ala yeke sara matanga ni na ndo so lo yeke soro titene iri ti lo aduti daa.

Ndia ti fani use ni 16:5

Ala lingbi ande pepe ti mu sandaga ti Pake na ya ti mbeni gbata nde so KOTA GBIA Nzapa ti ala amu na ala.