Sigingo 12:22 - Mbeti ti Nzapa - Tënë so amu fini

²² Fade ala yeke mu maboko ti *izope, ala yoro na ya ti mene so ayeke na ya ti kota sembe, ala kpaka na tere ti akadere ti yanga ti da ni nga na tere ti kadere ti nduzu. Na pekoni, alingbi zo oko na popo ti ala alondo na ya ti da ti lo asigigi pepe ngbii ndo ahan si.

Sigingo 12:22 Iomraidhean Croise

Abia (Psaumes) 51:7

Baa, a du mbi na ya ti siokpari; gi so mbi de na ya ti mama ti mbi, mbi yeke zo ti sarango sioni.

Sigingo 12:7

Fade ala yeke mu mene ti nyama ni, ala sara na tere ti akadere ti yanga ti da nga na tere ti kadere ti nduzu ti da so a yeke te nyama ni daa.

Ésaïe 26:20

Azo ti mbi, ala gue na da ti ala, ala kanga yanga ti da ni na li ti ala. Ala honde tere ti ala na ya ti kete ngoi ngbii ngonzo ti KOTA GBIA ahon si.

Wungo ti azo 19:18

Mbeni zo so ayeke *nzoni ayeke mu mbeni maboko ti keke ti *izope, lo yeke yoro na ya ti ngu ni si lo yeke fi na tere ti da ti bongo so kuâ ni akui daa so. Lo yeke fi ngu ni na tere ti akungba ti ya ti da ti bongo ni kue nga na tere ti azo ti ya ti da ni kue. Lo yeke fi nga ni na tere ti zo so apika gere ti lo na abio ti kuâ, wala zo so apika gere ti lo na kuâ ti zo, wala na du ti kuâ.

Matthieu 26:30

Na peko ti so ala he bia ti gondango Nzapa awe, ala mu lege ti gue na hoto ti a-olive.

Ahebro 11:28

Na lege ti mabe, Moïse azia na sese *matanga ti Pake. Lo mu yanga titene azo azia mene na tere ti keke ti yanga ti da ti ala si kpale ti bubango ndo andu akozo molenge-koli ti azo ti Israel pepe.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Ahebro 9:1

Kozo *mbuki ayeke na andia so ayeke fa na azo lege ti vorongo Nzapa; ayeke nga na da ti vorongo Nzapa so azo aleke na ndö ti sese so.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.

Ahebro 9:19

Moïse ato mbela ando na azo ti Israel na atënë ti ambela oko oko kue alingbi na ndia. Na pekoni, lo mu mene ti akete bagara na ti akoli-ngasa, lo mu nga ngu, kete keke ti *izope nga na ambeni bengba kua ti tere ti taba, lo yoro aye ni na ya ti mene ni si lo wani, lo fi na tere ti mbeti ti *Ndia nga na tere ti azo kue.

Josué 2:19

Tongana mbeni zo alondo na ya ti da ti mo asigigi, fade tënë ti kuâ ti lo ayeke na li ti lo wani; tënë ni ayeke na li ti e pepe. Me tongana maboko ti mbeni zo ti e andu mbeni zo so mo na lo ayeke na ya ti da ti mo, tënë ti kuâ ti zo ni so ayeke na li ti e.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!