Sigingo 12:19 - Mbeti ti Nzapa - Tënë so amu fini

¹⁹ Na ya ti lango mbarambara, alingbi a wara mama ti mapa na ya ti ada ti ala pepe. Zo so ate mapa so a sara na mama ni, ataa lo yeke wande wala lo yeke molenge ti kodro, fade a yeke tumba lo na ya ti bongbi ti azo ti Israel.

Sigingo 12:19 Iomraidhean Croise

Sigingo 12:15

KOTA GBIA akiri atene na Moïse na Aaron: “Na ya ti lango mbarambara, fade ala yeke te mapa so a sara na mama ni pepe. Gi na kozo lango ni, ala zi mama ti mapa na ya ti ada ti ala. Ti londo na kozo lango ni ti si na mbarambara lango ni, zo so ate mapa so a sara na mama ni, fade a yeke tumba lo na popo ti azo ti Israel.

Sigingo 12:20

Mapa so a sara na mama ni, alingbi ala te ni pepe. Na ndo so kue ala yeke lango daa, fade ala yeke te mapa so a sara na mama ni pepe.”

Sigingo 12:43

KOTA GBIA atene na Moïse na Aaron: “Baa ndia ti sarango *matanga ti Pake ayeke so: ‘Wande oko alingbi ti te kobe ti matanga ti Pake pepe.

Sigingo 12:48

Tongana mbeni wande so aduti na ndo ti ala aye ti sara matanga ti Pake ti KOTA GBIA, alingbi ala fâ akoli na amolenge-koli ti sewa ti lo na ganza. Na pekoni, lo lingbi ti duti na ya ti matanga ni; lo yeke tongana zo ti Israel so a du lo na ya ti kodro ni. ‘Zo so afâ ganza pepe, lo lingbi ti te kobe ni pepe.’ ”

Sigingo 13:3

Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Sigingo 13:7

Na ya ti alango so kue, fade ala yeke te mapa so a sara na mama ni pepe. Na ya ti sese ti ala kue, mapa so a sara na mama ni, wala mama ti mapa, alingbi a wara ni na ndo ti ala pepe.

Sigingo 23:15

Kozo matanga ni ayeke matanga ti Mapa so a sara na mama ni pepe. Na nze ti Abib, na ya ti lango mbarambara, mapa so a sara na mama ni pepe, ala yeke te ni alingbi na yanga so mbi mu na ala. Biani, na nze ti Abib laa ala sigigi na Ezipte. Fade zo ayeke ga na ya ti da ti mbi maboko senge pepe.

Sigingo 30:33

Zo so atara ti sara mara ti mafuta so si lo zia ni na tere ti mbeni senge zo, fade a yeke tumba lo na ya ti bongbi ti azo.’ ”

Sigingo 34:18

“Alingbi ala sara matanga ti Mapa so a sara na mama ni pepe: na ya ti lango mbarambara na nze ti Abib, fade ala yeke te mapa so a sara na mama ni pepe alingbi na yanga so mbi mu na ala. Biani, lani na nze ti Abib laa ala sigigi na Ezipte.

Awayango-sandaga 23:5

“Na lango baleoko na osio ti kozo nze ni, na lakui, fade ala yeke sara *matanga ti Pake ndali ti mbi KOTA GBIA.

Wungo ti azo 9:13

Me tongana mbeni zo aga *sioni pepe si lo ke ti sara matanga ti Pake, ataa so lo gue na mbeni tambula pepe, fade a yeke tumba lo na ya ti bongbi ti azo ti Israel, ngbanga ti so lo ya sandaga na KOTA GBIA pepe na lango ni so a fa. Fade ngbanga ti sioni ti zo ni ayeke kiri na li ti lo wani.

Ndia ti fani use ni 16:3

Na ndembe ti matanga ni, mapa so a sara na mama ni, fade ala yeke te ni pepe. Na ya ti lango mbarambara, ala yeke te gi mapa so a sara na mama ni pepe, ngbanga ti so ala sigigi na loro na sese ti Ezipte. Tongana ala yeke te mapa ti ye ti vundu so, ala yeke dabe ti ala na lango so ala sigigi na sese ti Ezipte; ala yeke dabe ti ala na ni na lango ti fini ti ala kue.