Sigingo 12:13 - Mbeti ti Nzapa - Tënë so amu fini

¹³ Me ti ada so ala yeke lango daa, mene ayeke duti tongana mbeni nzoroko ndali ti ala. Fade mbi yeke baa ni si mbi yeke hon hongo na ndö ti ada ni, mbi yeke luti pepe. Tongaso kpale so ayeke buba ndo ayeke wara ala pepe, na ndembe so mbi yeke fâ azo ti Ezipte.

Sigingo 12:13 Iomraidhean Croise

Tongo nda ti aye 17:11

Ganza ni ayeke mbeni ye so ayeke fa tënë ti mbuki so ayeke na popo ti mbi na ala.

Sigingo 12:11

Lege so ala yeke te na nyama ni ayeke so: ala kanga kamba na ndö ti bongo ti ala, ala yu poro na gere ti ala, ala gbu keke na maboko ti ala. Ala te ni na loro. So ayeke *matanga ti Pake so ala yeke sara ndali ti mbi, KOTA GBIA laa.

Sigingo 12:23

Fade KOTA GBIA ayeke hon na ya ti Ezipte kue ti sara ye ti ngangu na kodro ni. Me tongana lo yeke baa mene so ayeke na tere ti akadere ti yanga ti da nga na tere ti kadere ti nduzu, fade lo yeke hon hongo, lo yeke zia lege pepe na kpale ti bubango ndo ti li na ya ti da ti ala ti fâ ala.

Sigingo 12:7

Fade ala yeke mu mene ti nyama ni, ala sara na tere ti akadere ti yanga ti da nga na tere ti kadere ti nduzu ti da so a yeke te nyama ni daa.

Ezekiel 9:4

lo tene na lo: “Mo tambula na ya ti gbata ti Jérusalem kue. Ambeni zo ayeke na ya ti gbata ni so ayeke dema si ayeke toto ndali ti asioni ye so azo ayeke sara na ya ti gbata ni si zo alingbi ti baa na le ti lo fani use pepe so. Fade mo yeke su mbeni nzoroko na ndö ti le ti ala.”

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

Ahebro 11:28

Na lege ti mabe, Moïse azia na sese *matanga ti Pake. Lo mu yanga titene azo azia mene na tere ti keke ti yanga ti da ti ala si kpale ti bubango ndo andu akozo molenge-koli ti azo ti Israel pepe.

Josué 2:12

Fadeso, ala deba yanga ti ala na mbi na iri ti KOTA GBIA ti sara nzoni na mbi na asewa ti mbi, tongana ti so mbi sara nzoni na ala so. Ala sara mbeni ye ti fa na mbi biani

Josué 2:18

Baa ye so mo lingbi ti sara ayeke so: tongana e li ande na ya ti kodro ni, fade mo kanga bengba kamba so na fenetere so mo yoro e daa si mo zu e na gbeni so. Na pekoni, mo bongbi na ya ti da ti mo, babâ ti mo, mama ti mo, a-ita ti mo, na asewa ti mo kue.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.