Sigingo 12:11 - Mbeti ti Nzapa - Tënë so amu fini

¹¹ Lege so ala yeke te na nyama ni ayeke so: ala kanga kamba na ndö ti bongo ti ala, ala yu poro na gere ti ala, ala gbu keke na maboko ti ala. Ala te ni na loro. So ayeke *matanga ti Pake so ala yeke sara ndali ti mbi, KOTA GBIA laa.

Sigingo 12:11 Iomraidhean Croise

2 Agbia 23:21

Gbia amu yanga so na azo ti kodro kue, atene: “Ala sara *matanga ti Pake ndali ti *KOTA GBIA, Nzapa ti ala alingbi na tënë so a su na ya ti mbeti ti *mbuki.”

Sigingo 12:13

Me ti ada so ala yeke lango daa, mene ayeke duti tongana mbeni nzoroko ndali ti ala. Fade mbi yeke baa ni si mbi yeke hon hongo na ndö ti ada ni, mbi yeke luti pepe. Tongaso kpale so ayeke buba ndo ayeke wara ala pepe, na ndembe so mbi yeke fâ azo ti Ezipte.

Sigingo 12:21

Moïse airi *akangba ti Israel kue si lo tene na ala: “Ala gue, amu kete taba wala kete ngasa ndali ti asewa ti ala, ala fâ ni ti sara na *matanga ti Pake.

Sigingo 12:27

Fade ala kiri tënë na ala, atene: ‘So ayeke *sandaga ti Pake ndali ti KOTA GBIA laa. Na ndembe so azo ti Israel ayeke lani na Ezipte, KOTA GBIA asara ye ti ngangu na kodro ni, me lo hon hongo na ndö ti ada ti e, lo luti pepe; lo bata asewa ti e.’ ” Tongaso azo ti Israel akuku akpo li ti ala na sese ti voro KOTA GBIA.

Sigingo 12:43

KOTA GBIA atene na Moïse na Aaron: “Baa ndia ti sarango *matanga ti Pake ayeke so: ‘Wande oko alingbi ti te kobe ti matanga ti Pake pepe.

Ésaïe 52:12

Ti so ni, ala yeke sigigi na loro pepe; ala yeke sigigi na ya ti kodro ni pepe tongana azo ayeke kpe kpengo, ngbanga ti so KOTA GBIA laa ayeke tambula na dawa ti ala; Nzapa ti Israel laa ayeke tambula na peko ti ala.

Ezekiel 45:21

“Na lango baleoko na osio ti kozo nze ni, fade ala yeke to nda ti sarango *matanga ti Pake. Matanga ni ayeke sara lango mbarambara; na matanga ni ala yeke te mapa so a sara na mama ni pepe.

Awayango-sandaga 23:5

“Na lango baleoko na osio ti kozo nze ni, na lakui, fade ala yeke sara *matanga ti Pake ndali ti mbi KOTA GBIA.

Wungo ti azo 28:16

“Na lango baleoko na osio ti kozo nze ni, fade ala yeke sara *matanga ti Pake ndali ti *KOTA GBIA.

Wungo ti azo 9:1

Na kozo nze ti use ngu ni, na peko ti so azo ti Israel asigigi na kodro ti Ezipte si ala yeke na ya ti benyama ti Sinai, *KOTA GBIA atene tënë na Moïse, lo tene:

Nzoni Tënë so Luc asu na mbeti 12:35

“Ala bata abongo ti kua ti ala na tere ti ala! Ala bata alamba ti ala na zango ni!

Nzoni Tënë so Luc asu na mbeti 15:22

Me babâ ni atene na azo ti kua ti lo: ‘Ala mu bongo so ayeke pendere ahon atanga ni kue aga na ni hio, ayu na lo, ala yoro bage na maboko ti lo, ala yu na lo poro.

Nzoni Tënë so Luc asu na mbeti 2:41

Na ya ti ngu oko oko, babâ na mama ti Jésus ayeke gue na Jérusalem ndali ti *matanga ti Pake.

Nzoni Tënë so Luc asu na mbeti 7:38

Lo luti na peko ti Jésus, nduru na tere ti lo. Lo yeke toto, ngu ti le ti lo ayeke yuru na ndö ti gere ti Jésus si lo yeke mbo ni na kua ti li ti lo; lo gbu gere ti Jésus si lo yeke tuku yombo ni na ndö ni.

1 Korente 5:7

Ala zi angbene mama ti mapa titene ala ga *nzoni! Tongaso, fade ala yeke ga tongana fini farini so a gbu ya ni si a zia mama ti mapa daa pepe. Biani, ala ga tongana fini farini so a gbu ya ni awe, ngbanga ti so Christ ayeke taba ti *Pake ti e so a mu lo na *sandaga awe.

Efeze 6:15

ala yu nzara ti fango Nzoni Tënë ti siriri tongana ti so zo ayeke yu poro ti hon na ndo kue.

Ndia ti fani use ni 16:1

Moïse atene: Na nze ti Abib, fade ala yeke sara *matanga ti Pake ndali ti *KOTA GBIA Nzapa ti ala, ngbanga ti so na nze so laa KOTA GBIA Nzapa ti ala asara si ala sigigi na sese ti Ezipte na bi.

Josué 5:10

Azo ti Israel asara bâbâ na Gilgal. Na lango baleoko na osio ti nze ni, na lakui, ala sara *matanga ti Pake na lando ti Jéricho.

1 Pierre 1:13

Ndani laa, ala leke be ti ala ti sara kua, le ti ala akpengba si ala zia be ti ala kue ti ku anzoni ye so ala yeke wara ande na ndembe so Jésus Christ ayeke si.