Sigingo 10:9 - Mbeti ti Nzapa - Tënë so amu fini

⁹ Moïse akiri tënë: “E kue laa e yeke gue, amaseka na ambakoro, akoli na awali, ataba na angasa ti e nga na abagara ti e. Biani, alingbi e sara matanga ndali ti KOTA GBIA.”

Sigingo 10:9 Iomraidhean Croise

Tongo nda ti aye 50:8

Azo ti sewa ti Joseph, a-ita ti lo ti koli, na azo ti da ti babâ ti lo kue ague. Ala zia gi akete molenge, angasa, ataba na abagara si angba na sese ti Goshen.

Sigingo 10:10

Faraon atene na ala: “Ala ye titene mbi zia lege na ala titene ala na asewa ti ala ague? Ayeke nzoni KOTA GBIA aduti na ala ma! Fadeso sioni tënë ti be ti ala asigigi polele awe!

Sigingo 10:26

Na ndö ni kue, e yeke gue na anyama ti e. Nyama ti e oko ayeke ngba ge pepe. Na popo ti anyama so laa e yeke mu ambeni na sandaga na KOTA GBIA, Nzapa ti e. Me kozoni si e yeke si kâ, anyama so e lingbi ti mu na KOTA GBIA, e hinga ni pepe.”

Sigingo 12:32

Ala mu nga abagara ti ala, ataba na angasa ti ala, tongana ti so ala tene so, ala hon! Na pekoni, ala hunda na Nzapa ti ala ti sara tufa na ndö ti mbi.”

Sigingo 12:37

Na pekoni, azo ti Israel alondo na Ramses ti gue na Sukot. Wungo ti akoli so angba ngangu ayeke nduru na saki ngbangbo omene; a diko awali, amolenge na ambakoro pepe.

Sigingo 12:38

Ambeni zo gbani gbani so ayeke ti amara nde nde amu peko ti ala si ala na ala ague. Ala gue na ataba, angasa na abagara; anyama ni awu ahon ndoni.

Sigingo 13:6

Na ya ti lango mbarambara, fade ala te mapa so a sara na mama ni pepe. Na lango mbarambara ni, fade ala sara matanga ndali ti KOTA GBIA.

Sigingo 3:18

“Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Sigingo 5:1

Na pekoni, Moïse na Aaron ague, awara gbia Faraon si ala tene na lo: “Tënë so KOTA GBIA, Nzapa ti Israel atene ayeke so: ‘Zia azo ti mbi ague na benyama si ala sara matanga kâ ti gonda na mbi.’ ”

Sigingo 5:3

Moïse na Aaron atene: “Nzapa ti ahebro asi na e. Zia lege na e titene e tambula na ya ti lango ota, e gue na benyama ti mu *sandaga na KOTA GBIA, Nzapa ti e. Tongaso pepe, fade lo yeke fâ e na lege ti sioni kobela ti bubango kodro wala na lege ti bira.”

Amato 3:9

Mo ne KOTA GBIA na mungo na lo aye ti mo; mo mu na lo akozo le ti kobe ti mo.

Zo ti bongbingo azo 12:1

Na ngoi so mo de maseka, ayeke nzoni mo dabe ti mo na lo so asara mo. Dabe ti mo na lo kozoni si alango ti pasi asi, so ti tene ngoi so fade mo yeke tene: “Dunia ni anzere na mbi oko pepe”.

Wungo ti azo 29:12

“Na lango baleoko na oku ti nze mbarambara ni, fade ala yeke bongbi tere ti ala ti voro *KOTA GBIA; kua so ala yeke sara ka lakue, ala sara ni pepe. Na ya ti lango mbarambara kue, ala yeke sara matanga na iri ti mbi, KOTA GBIA.

Efeze 6:4

Ala ababâ na amama, ala sara ye ti zia ngonzo na be ti amolenge ti ala pepe. Me ala bata amolenge ni nzoni, ala fa lege na ala si ala mu na ala wango so alingbi na tënë ti *Kota Gbia.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”