Sigingo 10:7 - Mbeti ti Nzapa - Tënë so amu fini

⁷ Azo ti gbe ti Faraon atene na lo: “Zo so ayeke ngba tongana kuku ti gbungo e ngbii asi lawa? Zia lege na azo ti Israel titene ala gue, avoro KOTA GBIA, Nzapa ti ala. Kodro ti Ezipte ayeke gue ti buba laa; ade mo hinga ni pepe?”

Sigingo 10:7 Iomraidhean Croise

Abia (Psaumes) 107:34

sese so kobe ale daa nzoni aga sese ti ingo ndali ti sioni ti azo ti kodro ni.

Sigingo 12:33

Azo ti Ezipte abaa atene, ala yeke kui kue. Nilaa ala hunda na azo ti Israel ti londo na kodro ti ala hio ti hon.

Sigingo 23:33

Alingbi azo ni asara kodro na ndo ti ala pepe, tongaso pepe, fade azo ni ayeke handa ala titene ala sara siokpari so ake mbi. Biani, tongana ala azo ti mbi, ala voro anzapa ti azo ni, fade vorongo anzapa ni ayeke ga tongana kuku ndali ti ala.”

Sigingo 7:5

Na ndembe so mbi yeke yoro maboko ti mbi na ndö ti Ezipte si mbi yeke zi azo ti Israel na popo ti ala ti sigigi na ala, na ndo so laa azo ti Ezipte ayeke hinga atene, mbi laa mbi yeke KOTA GBIA.”

Sigingo 8:19

Mbi yeke zi azo ti mbi na ya ti ye ti vundu so ayeke si na azo ti mo so. Ye ti kpene so ayeke si kekereke.’ ”

Amato 29:6

Siokpari ti zo ti sioni ayeke gbu lo tongana kuku; me zo ti mbirimbiri ayeke na ngia si lo yeke dodo na ngia.

Zo ti bongbingo azo 7:26

Ye so mbi baa ayeke so: wali so ayeke tongana kuku ti gbu zo ayeke sioni mingi ahon kuâ. Be ti lo ayeke tongana gbanda. Maboko ti lo ayeke tongana kamba so ayeke gbu mo. Zo so asara ye so anzere na be ti Nzapa ayeke kpe na maboko ti wali ni. Me zo ti siokpari ayeke ti na ya ti maboko ti lo.

Ésaïe 14:20

Me fade a yeke lu kuâ ti mo na popo ti ala pepe, ngbanga ti so mo buba kodro ti mo, mo fâ azo ti mo. Fade a yeke kiri ti di iri ti sioni mara ti mo oko pepe.

Ésaïe 51:9

Zingo, zingo hio si! Maboko ti *KOTA GBIA, mo fa ngangu ti mo! Zingo tongana ti so mo sara ando, tongana ti so mo sara na ngoi ti azo ti giriri. Mo laa mo fâ ando Rahab pepe? Mo laa mo kpo ando kota sioni nyama so akpa ngunde so pepe?

Jérémie 48:4

Kodro ti Moab ati awe! A ma amolenge ti lo so adekongo ngangu.

Jérémie 51:8

Me gi hio tongaso, Babilone ati, ya ti lo afâ kue. “Ayeke nzoni ala he bia ti totongo kuâ ndali ti lo. Ala zia mafuta na le ti aka ti lo; e hinga pepe, fade tere ti lo ayeke ga nzoni!”

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

1 Korente 7:35

Mbi yeke tene tënë so ndali ti nzoni ti ala wani, me mbi ye ti zia kuku na dawa ti ala pepe; mbi ye titene ala sara ye so ayeke na legeni mbirimbiri si ala mu be ti ala kue na Kota Gbia, gi na lo oko.

Josué 23:13

ayeke nzoni ala hinga biani atene, fade KOTA GBIA, Nzapa ti ala ayeke ngba ti tumba azo ti mara so na dawa ti ala pepe. Amara ni ayeke ga tongana gbanda wala kuku ti gbungo ala, wala tongana zaza so a yeke pika na ndö ti peko ti ala, wala tongana ki na le ti ala. Na ndani, ala yeke hunzi kue na ndö ti nzoni sese so KOTA GBIA, Nzapa ti ala amu na ala.

1 Samuel 18:21

Saul atene na be ti lo, atene: “Fade mbi yeke mu na lo Mikal titene lo ga tongana kuku si azo ti Filistii alingbi ti zia maboko na ndö ti David.” Nilaa, fani use, Saul atene na David: “Laso, mo yeke ga kogara ti mbi.”

1 Samuel 5:11

Azo ti Ekron nga airi agbia kue ti azo ti Filistii ti bongbi si ala tene na ala: “Ala mu sanduku ti mbuki ti Nzapa ti Israel akiri na ni na ndo so lani ayeke daa. Tongaso si afâ e na azo ti gbata ti e kue pepe.” Biani, mbeto ti kuâ asara ala, ngbanga ti so maboko ti KOTA GBIA asara ngangu na ala mingi.