Sigingo 10:6 - Mbeti ti Nzapa - Tënë so amu fini

⁶ Ala yeke si singo na ya ti ayangbo ti mo, na ya ti ada ti azo ti gbe ti mo kue nga na ya ti ada ti azo ti Ezipte kue. Ye ni ayeke duti mbeni kota kpale so, ngbene ye na ngoi ti akotara ti mo ngbii asi fadeso, zo ade ti baa ni laoko pepe.’ ” Na pekoni, Moïse alondo na ndo ti Faraon, asigigi.

Sigingo 10:6 Iomraidhean Croise

Sigingo 10:11

Mbi ke awe! Gi akoli laa ayeke gue ti voro KOTA GBIA; ye so ala yeke gi laa.” Na pekoni, a tumba ala titene ala londo na ndo ti Faraon.

Sigingo 11:6

Na ya ti kodro ti Ezipte kue, fade toto ayeke hon ndoni. Mara ti toto tongaso ade ti duti daa laoko pepe; mara ti toto tongaso ayeke kiri ti duti daa laoko pepe.

Sigingo 11:8

Moïse akiri atene: Na ndembe ni so, fade azo ti gbe ti mo so ayeke ge so ayeke ga na mbage ti mbi, ala yeke kuku ti kpo li ti ala na sese na gbe ti mbi si ala yeke tene na mbi, atene: ‘Hon kâ, mo na azo so kue amu peko ti mo so!’ Na pekoni, mbi yeke hon.” Tongaso Moïse alondo na ndo ti Faraon, lo sigigi na ngonzo ti wâ na be ti lo.

Sigingo 8:21

Faraon airi Moïse na Aaron si lo tene na ala: “Ala gue, amu *sandaga na Nzapa ti ala, me gi na ya ti kodro so!”

Sigingo 8:3

Me azo ti mazi ti Ezipte asara gi mara ti ye so na lege ti mazi ti ala. Ala nga asara si akongba asigigi amu ya ti kodro ni kue.

Sigingo 9:18

Ndani laa, kekereke gi na oko ngbonga so, mbi yeke sara titene *pembe ti bekpa atuku ngangu ngangu. Mara ti ye tongaso ade ti si laoko pepe na Ezipte, ngbene ye so kodro ni abaa gigi ngbii asi fadeso.

Sigingo 9:24

Pembe ti bekpa atuku, bekpa asungba abongbi na pembe ti bekpa si atuku ngangu ngangu. Ngbene ye so Ezipte abaa gigi si aga mara, azo ti kodro ni ade ti baa mara ti tukungo ti pembe ti bekpa tongaso laoko pepe.

Joël 2:2

Lango ni ayeke lango ti vukongo ndo, lango so ndo avuko pitipiti; lango ti ambinda na lango ti vuko mbinda. Baa, agbadola gbani gbani ayeke ga, ala yeke na ngangu, ala yeke tongana vukongo ndo so ayeke mu ndö ti ahoto kue. Ade zo abaa mara ti ye tongaso laoko pepe, zo ayeke kiri ti baa ni laoko pepe, ngbii asi na azo so ayeke du ala gbanda na peko, yongoro kâ.

Joël 2:9

Ala mu ya ti gbata kue, ala yeke kpe loro na ndö ti agbagba ti bira, ala yeke ko na li ti ada; ala yeke li na ya ti ada na le ti afenetere tongana azo ti nzi.

Ahebro 11:27

Na lege ti mabe, Moïse alondo na kodro ti Ezipte ti hon; mbeto ti ngonzo ti gbia asara lo pepe. Lo ka yingo, mo baa mo tene, Nzapa so zo ayeke baa lo pepe so, lo yeke baa lo.