Sigingo 10:26 - Mbeti ti Nzapa - Tënë so amu fini

²⁶ Na ndö ni kue, e yeke gue na anyama ti e. Nyama ti e oko ayeke ngba ge pepe. Na popo ti anyama so laa e yeke mu ambeni na sandaga na KOTA GBIA, Nzapa ti e. Me kozoni si e yeke si kâ, anyama so e lingbi ti mu na KOTA GBIA, e hinga ni pepe.”

Sigingo 10:26 Iomraidhean Croise

Sigingo 10:25

Moïse atene: “Anyama so e yeke mu na *sandaga nga na sandaga so a yeke gbi ni kue na wâ na KOTA GBIA, Nzapa ti e, mo wani laa mo yeke mu ni na e?

Sigingo 10:9

Moïse akiri tënë: “E kue laa e yeke gue, amaseka na ambakoro, akoli na awali, ataba na angasa ti e nga na abagara ti e. Biani, alingbi e sara matanga ndali ti KOTA GBIA.”

Sigingo 12:32

Ala mu nga abagara ti ala, ataba na angasa ti ala, tongana ti so ala tene so, ala hon! Na pekoni, ala hunda na Nzapa ti ala ti sara tufa na ndö ti mbi.”

Sigingo 8:27

KOTA GBIA asara ye alingbi na ye so Moïse ahunda: asioni vuma ni ahon yongoro na tere ti Faraon, na tere ti azo ti gbe ti lo nga na tere ti azo ti kodro ti lo. Mbeni vuma oko angba pepe.

Amato 3:9

Mo ne KOTA GBIA na mungo na lo aye ti mo; mo mu na lo akozo le ti kobe ti mo.

Ésaïe 23:18

Me aye so gbata ni ayeke wara nga na futa ti lo, a yeke zia ni nde ndali ti KOTA GBIA. A yeke bongbi ni pepe, a yeke bata ni pepe. Aye so lo wara so, a yeke vo na kobe na azo so ayeke duti na dawa ti KOTA GBIA, ala te ya ti ala asi; a yeke vo nga na apendere bongo na ala.

Osée 5:6

Fade ala yeke mu ataba ti ala na abagara ti ala ti gue ti gi KOTA GBIA, me ala yeke wara lo pepe; KOTA GBIA azi tere ti lo na ala awe.

Zakarii 14:20

Na lango ni so, ye so a kanga na go ti ambarata si ayeke toto so, fade a yeke su mbeti na ndö ni, atene: “Ye so a zia nde ndali ti KOTA GBIA”. Atawa ti ya ti kota da ti KOTA GBIA, fade ayeke ga tongana kopo na dawa ti gbalaka, kopo so a yeke zia mene daa ti fi na tere ti aye.

2 Korente 8:5

Ye so ala sara ayeke kota ahon ye so e zia be ti e fade ti ku titene ala sara ni: ala mu tere ti ala wani kozoni na *Kota Gbia si na pekoni, ala mu tere ti ala na e tongana ti so Nzapa aye.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.