Sigingo 10:22 - Mbeti ti Nzapa - Tënë so amu fini

²² Moïse ayoro maboko ti lo na nduzu si na ya ti lango ota, ndo avuko pitipiti ahon ndoni na kodro ti Ezipte kue.

Sigingo 10:22 Iomraidhean Croise

Mbeti ti Job 5:14

Na kota lâ, ala tengbi na vukongo ndo; na bekombite, ala yeke tatara ndo, mo baa mo tene, bi laa.

Abia (Psaumes) 105:28

Nzapa atokua vukongo ndo si ndo avuko pitipiti na ya ti kodro ni; zo oko ake tënë ti lo pepe.

Sigingo 20:21

Azo ni aluti yongoro, me Moïse ague nduru na tere ti mbinda so avuko vukongo si Nzapa ayeke daa so.

Ésaïe 8:22

Na pekoni, ala yeke baa ndo na sese: gi ye ti ngangu na vukongo ndo, vukongo ndo so ayeke zia kota mbeto na be ti zo, vukongo ndo so avuko pitipiti.

Ezekiel 32:7

Na ndembe so fini ti mo ayeke hunzi, mbi yeke kanga le ti nduzu, mbi yeke sara si le ti atongoro avuko, mbi yeke sara si mbinda akanga le ti lâ si nze akiri ti su pepe.

Ezekiel 32:8

Ndali ti mo, mbi yeke sara titene aye so kue ayeke su na le ti nduzu avuko vukongo, mbi yeke sara si ndo avuko pitipiti na kodro ti mo. So tënë ti yanga ti Kota Gbia NZAPA laa.

Joël 2:2

Lango ni ayeke lango ti vukongo ndo, lango so ndo avuko pitipiti; lango ti ambinda na lango ti vuko mbinda. Baa, agbadola gbani gbani ayeke ga, ala yeke na ngangu, ala yeke tongana vukongo ndo so ayeke mu ndö ti ahoto kue. Ade zo abaa mara ti ye tongaso laoko pepe, zo ayeke kiri ti baa ni laoko pepe, ngbii asi na azo so ayeke du ala gbanda na peko, yongoro kâ.

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Amos 4:7

“So angba na ala nze ota titene ala to nda ti fâ ale ti kobe ti ala, mbi laa, mbi gbanzi ngu-Nzapa na ala. Mbi sara si ngu-Nzapa apika na mbeni gbata si na mbeni gbata, ngu ni apika pepe. Mbi sara si ngu-Nzapa apika na ndö ti mbeni yaka si mbeni yaka angba na holengo ni, ngbanga ti so ngu ayeke daa pepe.

Ndia ti fani use ni 4:11

Na lango ni so, ala ga nduru, ala luti na gbe ti hoto ni; hoto ni kue ayeke gi wâ: menga ti wâ ni alondo ngbii asi na le ti nduzu, taa na ya ti guru so avuko pitipiti nga na ngbongboro mbinda.

Ndia ti fani use ni 5:22

So ayeke atënë so KOTA GBIA atene na ala na kota go, na ya ti wâ, na ya ti guru ti wâ nga na ya ti ngbongboro mbinda. Lo tene atënë ni na ala so kue abongbi na gbe ti hoto; lo zia mbeni tënë nde na ndö ni pepe. Na pekoni, lo su atënë ni na le ti akpangbara têne use si lo mu ni na mbi.

Aye so Nzapa afa 16:10

Oku ange ni atuku ye ti ya ti kopo ti lo na ndö ti mbata ti gbia so nyama ni ayeke duti daa. Ndo avuko pitipiti na ndö ti kodro so nyama ni ale-gbia daa. Azo ate menga ti ala ndali ti pasi so ala yeke baa.