Sigingo 10:14 - Mbeti ti Nzapa - Tënë so amu fini

¹⁴ Agbadola ni amu ya ti Ezipte kue, ala duti na ndo kue. Ala wu ahon ndoni: kozoni, azo ti Ezipte ade ti baa mara ti gba ti agbadola tongaso laoko pepe; ala yeke kiri ti baa mara ni tongaso laoko pepe.

Sigingo 10:14 Iomraidhean Croise

1 Agbia 8:37

“Tongana kota nzara ati na ya ti kodro, tongana sioni kobela ti bubango kodro asi, tongana akobe ti yaka ahole si abuba kue, tongana agbadola na angadi atuku na ya ti kodro, tongana awato angoro agbata ti azo ti mo, azo ti Israel, ti mu na bira, wala mara ti sioni ye wa, wala mara ti kobela wa ati na ya ti kodro,

Abia (Psaumes) 78:46

Lo tokua angadi ti te ale ti kobe ti ala, lo tokua agbadola ti te aye ti peko ti kua ti ala.

Sigingo 11:6

Na ya ti kodro ti Ezipte kue, fade toto ayeke hon ndoni. Mara ti toto tongaso ade ti duti daa laoko pepe; mara ti toto tongaso ayeke kiri ti duti daa laoko pepe.

Sigingo 9:18

Ndani laa, kekereke gi na oko ngbonga so, mbi yeke sara titene *pembe ti bekpa atuku ngangu ngangu. Mara ti ye tongaso ade ti si laoko pepe na Ezipte, ngbene ye so kodro ni abaa gigi ngbii asi fadeso.

Amato 30:27

agbadola: ala yeke na gbia pepe, me ala yeke tambula na lege ti molongo ti ala;

Joël 1:7

Ala sara si akeke ti *vinye ti e ahole kue kue kue, ala buba akeke ti fige ti e kue. Ala zi poro ti tere ti akeke ni kue, ala kinda akeke ni na sese, amaboko ni ahole kue.

Ndia ti fani use ni 28:38

Fade ala fâ yaka si ala lu ale ti kobe daa mingi, me ala yeke wara ale ti kobe ni gi kete, ngbanga ti so agbadola ate ni kue awe.

Ndia ti fani use ni 28:42

Fade agbadola ayeke te akeke ti ala kue nga na akobe ti ayaka ti ala kue.