Sigingo 1:7 - Mbeti ti Nzapa - Tënë so amu fini

⁷ Azo ti Israel adu gbani si ala wu ahon ndoni, ngangu ti ala ayeke gue guengo na nduzu; ala si singo na ya ti kodro ni.

Sigingo 1:7 Iomraidhean Croise

Tongo nda ti aye 1:20

Nzapa atene: “Ayeke nzoni aye so ayeke na fini asi singo na ya ti angu si andeke ahuru na ndö ti sese, na le ti nduzu.”

Tongo nda ti aye 1:28

Nzapa asara tufa na ndö ti ala si lo tene na ala: “Ala du, ala wu mingi, ala mu ndö ti sese kue, ala sara titene aye ti sese kue aduti na gbe ti ala! Ala sara komandema na ndö ti asusu ti ya ti kota ngu-ingo, na ndö ti andeke ti nduzu, na ndö ti anyama so kue ayeke hara harango na sese!”

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Tongo nda ti aye 13:16

Mbi yeke sara titene ahale ti mo aga mingi tongana fuku ti sese; tongaso, zo so alingbi ti diko fuku ti sese, fade lo lingbi ti diko ahale ti mo.

Tongo nda ti aye 15:5

Na pekoni, KOTA GBIA amu Abram, asigigi na lo si atene na lo: “Baa ndo na le ti nduzu, mo diko atongoro tongana mo lingbi ti diko ni.” Lo kiri lo tene na Abram: “Fade *Ahale ti mo ayeke ga mingi mingi tongaso.”

Tongo nda ti aye 17:16

Mbi yeke sara tufa na ndö ti lo. Mbi yeke sara titene lo du molenge-koli na mo. Mbi yeke sara tufa na ndö ti lo. Lo yeke ga tara ti azo ti amara nde nde. Ambeni hale ti lo ayeke ga ande agbia ti amara nde nde.”

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

Tongo nda ti aye 26:22

Lo londo na ndo so, lo gue, lo zi mbeni du ti ngu ni nde. Ti so papa alondo ndali ni pepe. Lo di iri ti du ti ngu ni Rehobot. Lo tene na be ti lo, lo tene: “Fadeso KOTA GBIA amu na e kota ndo. Aye ti e kue ayeke gue na legeni na ya ti kodro ni.”

Tongo nda ti aye 26:4

Mbi yeke sara titene ahale ti mo awu mingi tongana atongoro ti le ti nduzu; mbi yeke mu asese so kue na ala. Fade a yeke sara tufa na ndö ti amara ti ndö ti sese kue na lege ti ahale ti mo.

Tongo nda ti aye 28:14

Fade ahale ti mo ayeke wu mingi tongana fuku ti sese. Ala yeke mu ndö ti sese ni kue, na mbage ti Do, na mbage ti To, na mbage ti Banga, nga na mbage ti Mbongo. Fade a yeke sara tufa na ndö ti amara ti dunia kue na lege ti mo, na ahale ti mo.

Tongo nda ti aye 35:11

Nzapa akiri atene na lo: “Mbi yeke Nzapa so ngangu ti mbi ahon angangu kue. Mo du amolenge, ala wu mingi. Fade mbeni mara na amara mingi ayeke baa gigi na lege ti mo. Fade agbia ayeke sigigi na ya ti mo.

Tongo nda ti aye 46:3

Nzapa atene: “Mbi yeke Nzapa, Nzapa ti babâ ti mo. Sara mbeto ti gue na Ezipte pepe. Kâ, mbi yeke sara titene mbeni kota mara abaa gigi na lege ti mo.

Tongo nda ti aye 47:27

Azo ti Israel aduti na Ezipte, na sese ti Goshen. Kâ, ala wara aye, ala du, ala wu mingi mingi.

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

Tongo nda ti aye 48:4

Lo tene na mbi: ‘Baa, mbi yeke sara titene mo du ande amolenge, ala wu mingi. Mbi yeke sara titene azo ti amara mingi mingi abaa gigi na lege ti mo. Mbi yeke mu sese so na *ahale ti mo na peko ti mo si angba ti ala biani kpu na kpu.’

Tongo nda ti aye 9:1

Nzapa asara tufa na ndö ti Noe na amolenge ti lo; lo tene na ala: “Ayeke nzoni ala du, ala wu mingi, ala mu ndö ti sese kue.

Néhémie 9:23

Mo sara si *ahale ti ala awu mingi tongana atongoro ti yayu. Mo sara si ala li na sese so mo hunda ando na akotara ti ala titene ala gue, amu ni si aga ti ala.

Abia (Psaumes) 105:24

Nzapa asara si azo ti lo awu mingi si ala ga ngangu ahon awato ti ala.

Abia (Psaumes) 107:38

Lo yeke sara tufa na ndö ti ala, lo yeke sara si ala wu mingi si wungo ti anyama ti ala akiri aga kete pepe.

Sigingo 1:12

Me tongana a yeke sara pasi na ala mingi, ala kiri awu ahon ndoni si ala mu ndo mingi. Ndani laa be ti azo ti Ezipte ato nda ti ke azo ti Israel si ala sara mbeto ti ala.

Sigingo 12:37

Na pekoni, azo ti Israel alondo na Ramses ti gue na Sukot. Wungo ti akoli so angba ngangu ayeke nduru na saki ngbangbo omene; a diko awali, amolenge na ambakoro pepe.

Sigingo 5:5

Faraon atene: “Fadeso, azo so aga gbani awe; ala ye titene azo ni azia kua ti ala?”

Ezekiel 16:7

Na pekoni, mbi sara si mo wu tongana pere ti yaka. Mo mai, mo kono, mo ga pendere ahon ndoni; me ti mo asigigi, kua ti tere ti mo asigigi. Me bongo ayeke na tere ti mo pepe, mo yeke taa ndumbu.

Awatokua 13:17

Nzapa ti azo ti Israel asoro akotara ti e. Lo sara si li ti azo ni awu mingi na ndembe so ala yeke wande na kodro ti Ezipte. Na pekoni, na lege ti ngangu ti lo, lo sara si ala londo na Ezipte asigigi.

Ndia ti fani use ni 10:22

Na ndembe so akotara ti ala ague na sese ti Ezipte, wungo ti ala ayeke ando balembarambara senge. Fadeso, KOTA GBIA Nzapa ti ala asara si ala wu gbani gbani tongana atongoro ti le ti nduzu.

Ndia ti fani use ni 26:5

Zo so aga na akobe ni ayeke tene na le ti KOTA GBIA, atene: “Kotara ti mbi ayeke ando zo ti mara ti Aram so ayeke si ge, asi kâ. Lo gue na sese ti Ezipte, lo sara kodro kâ; azo so amu peko ti lo ayeke mingi pepe. Na pekoni, ala ga kota mara, ngangu mara nga na mara so awu mingi.