Sigingo 1:21 - Mbeti ti Nzapa - Tënë so amu fini

²¹ lo mu na ala *ahale, ngbanga ti so ala kpe mbeto ti lo.

Sigingo 1:21 Iomraidhean Croise

1 Agbia 11:38

Tongana mo ma atënë so kue mbi yeke mu ande yanga na mo ti sarango ni, tongana mo tambula na lege so mbi yeke fa na mo, tongana mo sara ye so ayeke mbirimbiri na le ti mbi; mo sara ye alingbi na andia ti mbi nga na lege ti atënë ti yanga ti mbi tongana ti so David, zo ti kua ti mbi asara, fade mbi yeke na mo; mbi yeke sara titene ahale ti mo angba lakue na ndö ti mbata ti gbia na peko ti mo tongana ti so mbi sara na David. Fade mbi yeke mu na mo amara baleoko ti Israel.

1 Agbia 2:24

KOTA GBIA ayeke na fini! Fadeso, lo laa lo zia mbi na ndö ti mbata ti gbia ti babâ ti mbi David, lo sara si komandema ti mbi akpengba, lo mu zendo ti mungo komandema na mbi nga na *ahale ti mbi. Mbi deba yanga ti mbi awe: gi laso laso, a yeke fâ Adonia!”

Abia (Psaumes) 112:1

Aleluya! Ti lo nzoni, zo so ayeke kpe mbeto ti KOTA GBIA si atënë ti ndia ti *KOTA GBIA anzere na lo!

Abia (Psaumes) 127:1

A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

Abia (Psaumes) 127:3

Biani, amolenge ayeke taa mosoro na ya ti sewa, mosoro so KOTA GBIA ayeke mu na zo; amolenge ti ya ti zo ayeke futa so zo ayeke wara.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Sigingo 1:17

Me awali so ayeke mu molenge na tere ti awali akpe mbeto ti Nzapa; ala ke ti sara ye alingbi na yanga so gbia ti Ezipte amu na ala. Tongaso ala zia amolenge-koli angba na fini.

Amato 24:3

Na lege ti ndara si zo ayeke sara da; da ni ayeke luti mbirimbiri na lege ti hingango ndo ti lo;

Zo ti bongbingo azo 8:12

Zo ti siokpari alingbi ti sara sioni fani ngbangbo oko, ataa so kue lango ti fini ti lo angba ti gue yongoro. Me mbi hinga, mbi tene: “Azo so akpe mbeto ti Nzapa, fade ala yeke duti nzoni.

Jérémie 35:2

“Gue mo wara tere na azo ti kete mara ti Rekab; mo tene tënë na ala si mo gue na ala na ya ti kota da ti Nzapa, na ya ti mbeni kota kubu. Kâ, fade mo yeke mu na ala vin ti nyongo ni.”

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.