Sigingo 1:13 - Mbeti ti Nzapa - Tënë so amu fini

¹³ Tongaso azo ti Ezipte asara pasi na ala si ala ga tongana angbaa.

Sigingo 1:13 Iomraidhean Croise

Tongo nda ti aye 15:13

KOTA GBIA atene na Abram: “Ayeke nzoni mo hinga so ahale ti mo ayeke gue ande ti duti na mbeni kodro so ayeke ti ala pepe. Fade azo ayeke mu ala na ngbaa si azo ni ayeke sara pasi na ala na ya ti ngu ngbangbo osio.

1 Agbia 12:14

Lo kiri tënë na azo ni alingbi na wango so amaseka amu na lo, lo tene: “Babâ ti mbi azia lani nengo kungba na ndö ti go ti ala. Ti mbi, fade mbi yeke zia na ndö ti go ti ala kungba so ane ahon ndoni. Babâ ti mbi apika ala lani na zaza. Ti mbi, fade mbi yeke pika ala na fimbo so wen ayeke na yanga ni.”

2 Mbai 10:11

Babâ ti mbi azia lani nengo kungba na ndö ti go ti ala. Ti mbi, fade mbi yeke zia na ndö ti go ti ala kungba so akiri ane ahon ndoni. Babâ ti mbi apika ala lani na zaza. Ti mbi, fade mbi yeke pika ala na fimbo so wen ayeke na yanga ni.’ ”

Abia (Psaumes) 105:25

Lo sara si be ti azo ti Ezipte aga nde si ala ke azo ti lo; ala sara ye na azo ti kua ti lo na lege ti mayere.

Sigingo 1:14

Ala sara si dutingo ti azo ti Israel aga ngangu na lege ti angangu kua ti ngbaa: sarango potopoto ti pika na biriki, gbotongo abiriki nga na sarango akua kue ti yaka; so ti tene, azo ti Ezipte asara pasi mingi na azo ti Israel na lege ti sarango angangu kua nde nde.

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Awayango-sandaga 25:43

Ala sara ngangu komandema na ndö ti ala pepe. Tongaso laa ala yeke fa atene, ala yeke kpe mbeto ti mbi Nzapa ti ala.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.