Ruth 4:6 - Mbeti ti Nzapa - Tënë so amu fini

⁶ Koli so alingbi fade ti mu Ruth ti bata lo so akiri tënë, atene: “Mbi lingbi ti mu Ruth titene lo ga wali ti mbi pepe, ngbanga ti fade mbi buba aye so mbi yeke zia na peko ti mbi. Mbi laa mbi lingbi fade ti mu lo biani, me mbi mu lege na mo ti mu lo, ngbanga ti so mbi lingbi ti mu lo pepe.”

Ruth 4:6 Iomraidhean Croise

Tongo nda ti aye 38:8

Tongaso Juda atene na Onan: “Gue, mo na wali ti ita ti mo amu tere. Mo du molenge na lo titene iri ti ita ti mo angba na gigi.”

Awayango-sandaga 25:25

“Tongana mbeni mba ti ala aga wayere si lo lingbi ti ka mbeni mbage ti sese ti lo, fade mbeni zo ti sewa ti lo so songo ti ala ayo pepe, lo so a mu na lo lege ti vo sese ni alingbi ti kiri ti vo ni na maboko ti mba ti lo ni senge.

Ndia ti fani use ni 25:7

Me tongana koli ni aye ti mu wali ti ita ti lo ni pepe, fade wali ni ayeke gue ti baa *akangba so ayeke duti na yanga ti gbata; lo yeke tene na ala, lo tene: “Kogara ti mbi ake ti sara titene iri ti ita ti lo angba na Israel; lo ke ti sara kua ti lo ti kogara na tere ti mbi.”

Ndia ti fani use ni 25:8

Fade akangba ti gbata ni ayeke iri koli ni si ala yeke tene tënë na lo. Tongana lo ngba ti ke si lo tene: “Mbi ye ti mu lo ti ga wali ti mbi pepe”,

Ndia ti fani use ni 25:9

fade wali ni ayeke ga nduru na lo na le ti akangba ni, lo yeke zi pâpä ti kogara ti lo si lo yeke tuku ngu ti yanga na le ti lo. Na pekoni, lo yeke tene: “Koli so ake ti leke da ti ita ti lo, ye so alingbi titene a sara na lo laa!”

Ruth 2:20

Noemi atene na Ruth: “KOTA GBIA so angba lakue ti sara nzoni be na azo so angba na fini nga na azo so akui awe, lo sara tufa na ndö ti koli so-oo.” Na pekoni, Noemi atene na Ruth: “Booz ayeke mbeni zo ti sewa ti e so popo ni ayo pepe, lo yeke mbeni zo so alingbi ti mu e, ti bata e.”

Ruth 3:13

Mo lango na ndo so na bi so; kekereke na ndaperere, tongana lo ye ti mu mo ti bata mo, ayeke nzoni lo sara ni. Me tongana lo ye ti mu mo ti bata mo pepe, fade mbi mu mo, mbi bata mo. Tënë so mbi tene na mo so, mbi tene ni na le ti KOTA GBIA so ayeke na fini! Mo lango, ndo ahan si.”

Ruth 3:9

Lo hunda ndo, lo tene: “Mo yeke zo wa?” Ruth akiri tënë, atene: “Mbi Ruth, zo ti gbe ti mo laa. Mu mbi, mo bata mbi, ngbanga ti so ndia amu na mo lege ti mu mbi ti bata mbi na peko ti sewa ti mo.”