Ruth 4:4 - Mbeti ti Nzapa - Tënë so amu fini

⁴ Nilaa, mbi ye ti tene tënë ni na mo. Tongana mo yeda, na le ti azo so kue ayeke ge so, nga na le ti akangba ti kodro ti e, mo vo ni, mo bata ni. Tongana mo ye ti vo ni ti bata ni, mo vo ni mo bata; tongana mo ye pepe, mo tene tënë ni na mbi si mbi hinga, ngbanga ti so mbeni zo nde alingbi ti vo ni ti bata ni pepe. Na peko ti mo, ayeke mbi.” Koli ni akiri tënë, atene: “Mbi laa mbi yeke vo ni.”

Ruth 4:4 Iomraidhean Croise

Tongo nda ti aye 23:11

“Ma mbi si, kota zo! Tënë ni laa pepe! Mbi mu na mo yaka ni, na du ti têne ni senge senge. Na le ti azo ti kodro ti mbi laa mbi mu ni na mo. Lu kuâ ti wali ti mo daa.”

Tongo nda ti aye 23:18

aga ti Abraham laa. Na le ti azo ti mara ti Het na azo so ayeke na yanga ti gbata ni laa yaka ni aga ti Abraham.

Jérémie 32:25

Ka so gbata ni aga nduru ti ti na maboko ti azo ti Babilone awe so, ngbanga ti nyen si mo Kota Gbia NZAPA, mo mu yanga na mbi, mo tene: ‘Vo yaka ni, mo futa ngere ni na dawa ti azo so aduti na tere ni?’ ”

Rome 12:17

Tongana mbeni zo asara sioni na ala, ala kiri peko ni na lo pepe. Ala gi lege ti sara ye so ayeke nzoni na le ti azo kue.

2 Korente 8:21

Ye so agbu be ti e ayeke titene e sara ye mbirimbiri gi na le ti Kota Gbia oko pepe, me nga na le ti azo.

Ndia ti fani use ni 25:8

Fade akangba ti gbata ni ayeke iri koli ni si ala yeke tene tënë na lo. Tongana lo ngba ti ke si lo tene: “Mbi ye ti mu lo ti ga wali ti mbi pepe”,

Filipe 4:8

A-ita, ti hunzi na ni, alingbi ala zia be ti ala na ndö ti ye so ayeke taa-tënë, ye so ayeke ye ti nengo ni, ye so ayeke mbirimbiri, ye so ayeke nzoni kue, ye so zo alingbi ti ye ni, ye so zo alingbi ti gonda ni, ye so kue ayeke nzoni mingi, ye so zo alingbi ti tene nzoni tënë ni na le ti azo.

Ruth 2:20

Noemi atene na Ruth: “KOTA GBIA so angba lakue ti sara nzoni be na azo so angba na fini nga na azo so akui awe, lo sara tufa na ndö ti koli so-oo.” Na pekoni, Noemi atene na Ruth: “Booz ayeke mbeni zo ti sewa ti e so popo ni ayo pepe, lo yeke mbeni zo so alingbi ti mu e, ti bata e.”

Ruth 3:12

Biani, ndia amu na mbi lege ti mu mo, ti bata mo. Me mbeni zo ti sewa ti e ayeke daa, popo ti sewa ni na koli ti mo ayo pepe. Lo laa lo lingbi ti baa lege ti mungo mo kozoni na mbi.

Ruth 3:9

Lo hunda ndo, lo tene: “Mo yeke zo wa?” Ruth akiri tënë, atene: “Mbi Ruth, zo ti gbe ti mo laa. Mu mbi, mo bata mbi, ngbanga ti so ndia amu na mo lege ti mu mbi ti bata mbi na peko ti sewa ti mo.”