Ruth 4:2 - Mbeti ti Nzapa - Tënë so amu fini

² Booz airi ambeni *kangba ti kodro ni, li ti ala baleoko titene ala duti na tere ti lo. Tongaso ala ga aduti.

Ruth 4:2 Iomraidhean Croise

1 Agbia 21:8

Yezabel asara ambeti na iri ti Akab, lo kpo *nzoroko ti gbia na ndö ni si lo tokua ambeti ni na *akangba nga na akota zo ti gbata so Nabot ayeke lango daa.

Sigingo 21:8

Tongana wa ti lo avo lo fade titene lo ga wali ti lo si be ti wa ti lo ni akiri anzere na lo pepe, lo lingbi ti zia lege na babâ ti ngbaa-wali ni ti kiri ti vo lo. Me lo lingbi ti ka lo na mbeni wande pepe, so ayeke tongana handango wali ni laa.

Amato 31:23

Azo ti kodro ane koli ti lo mingi, tongana lo yeke duti na ya ti bongbi ti *akangba ti kodro ni.

Abia ti demango tere 5:14

Akangba akiri asi na ya ti bongbi ti lekengo atënë ti azo ti kodro pepe. Amaseka-koli akiri ahe bia na mozoko pepe.

Awatokua 6:12

Ala pusu azo ni, *akangba na awafango-ndia titene be ti ala aso. Na pekoni, ala gue, agbu Étienne na ngangu si ala gue na lo na gbe ti azo ti *Kota Bongbi ti Fango Ngbanga ti azuife.

Ndia ti fani use ni 25:7

Me tongana koli ni aye ti mu wali ti ita ti lo ni pepe, fade wali ni ayeke gue ti baa *akangba so ayeke duti na yanga ti gbata; lo yeke tene na ala, lo tene: “Kogara ti mbi ake ti sara titene iri ti ita ti lo angba na Israel; lo ke ti sara kua ti lo ti kogara na tere ti mbi.”

Ndia ti fani use ni 29:10

awali ti ala na amolenge ti ala, ataa awande so aduti na popo ti ala na ya ti bâbâ si kua ti ala ayeke ti de keke wala ti to ngu na ala, azo ti Israel.

Ndia ti fani use ni 31:28

Fadeso ala bongbi na tere ti mbi *akangba kue nga na amakonzi ti amara ti ala. Fade mbi yeke bi tënë so na mê ti ala, yayu na sese ayeke ma tënë so mbi tene.