Ruth 4:12 - Mbeti ti Nzapa - Tënë so amu fini

¹² Ayeke nzoni KOTA GBIA asara si na lege ti maseka-wali so, mo du amolenge gbani gbani si azo ti sewa ti mo alingbi na azo ti sewa ti Peres, so Tamar adu na Juda.”

Ruth 4:12 Iomraidhean Croise

Tongo nda ti aye 38:29

Me molenge ni so akiri agboto maboko ti lo si ita ti lo asigigi. Tongaso wali so ayeke mu molenge na tere ti awali so atene: “Mara ti zingo lege ti nyen laa mo zi na ngangu tongaso so?” Ala di iri ti lo Peres.

Tongo nda ti aye 46:12

Amolenge ti Juda ti koli ayeke so: Er, Onan, Shela, Peres na Zera. Er na Onan akui ti ala gi na kodro ti Kanaan. Amolenge ti Peres ti koli ayeke so: Hesron na Hamul.

1 Mbai 2:4

Tamar, wali ti molenge ti Juda adu na Juda amolenge-koli use: Peres na Zera. Tongaso amolenge ti Juda kue ayeke oku.

Malashii 2:15

Mbeni zo so li ti lo ayeke daa kete asara mara ti ye tongaso pepe. Gi mbeni zo oko si asara ando ni; me lo sara ni ngbanga ti nyen? Lo sara ni ngbanga ti so lo yeke gi ti wara molenge so Nzapa atene tënë ti mungo lo na lo so. Ala sara hange! Ala bata fini ti ala. Zo oko abuba lege ti mbuki ti lo na wali ti lo ti maseka pepe!

Matthieu 1:3

Juda adu Peres na Zera – mama ti ala ayeke Tamar. Peres adu Hesron; Hesron adu Ram;

Ruth 4:18

So ayeke molongo ti iri ti *ahale ti Peres: Peres adu Hesron;

1 Samuel 2:20

Heli asara tufa na ndö ti Elkana na wali ti lo, atene: “Ayeke nzoni KOTA GBIA asara si mo na wali so akiri adu amolenge na peko ti molenge so ala mu na KOTA GBIA so.” Na pekoni, Elkana na wali ti lo akiri na da ti ala.