Ruth 4:11 - Mbeti ti Nzapa - Tënë so amu fini

¹¹ Akangba na azo ti kodro so kue ayeke na ndo so azo ayeke leke ka tënë daa so atene: “Een, e kue laa, e yeke na tere ti tënë ni. Ayeke nzoni *KOTA GBIA asara si wali so ayeke li na ya ti da ti mo so aga tongana Rachel na Lea, so gi ala use asara si sewa ti Israel aga kota so. Ayeke nzoni mo wara mosoro mingi na ya ti kodro ti Efrata, iri ti mo awu amu ya ti kodro ti Betlehem kue.

Ruth 4:11 Iomraidhean Croise

Tongo nda ti aye 23:10

Efron ayeke duti na popo ti amba ti lo, azo ti mara ti Het. Efron akiri tënë na Abraham na le ti azo ti mara ti Het nga na azo so kue ayeke na yanga ti gbata ni, atene:

Tongo nda ti aye 24:60

Asewa ti Rébecca asara tufa na ndö ti lo, atene: “Ita ti e, ayeke nzoni mo ga mama ti azo kutu kutu! Ayeke nzoni *ahale ti mo amu agbata ti azo so ake ala.”

Tongo nda ti aye 29:16

Andaa Laban ayeke na amolenge-wali use: iri ti kozo molenge ni Lea; iri ti ngambe ni Rachel.

Tongo nda ti aye 29:25

So ndo ahan awe, Jacob abaa so Lea laa. Lo hunda Laban, lo tene: “Nyen laa mo sara na mbi tongaso? Mbi sara kua na mo ndali ti Rachel pepe? Mo handa mbi ngbanga ti nyen?”

Tongo nda ti aye 29:32

Lea amu ngo, lo du molenge-koli si lo di iri ti lo Ruben, ngbanga ti so lo tene: “KOTA GBIA abaa vundu ti be ti mbi awe. Fadeso koli ti mbi ayeke ye mbi.”

Tongo nda ti aye 35:23

Amolenge ti Lea ayeke so: Ruben, kozo molenge ti Jacob, Siméon, Lévi, Juda, Isakar na Zabulon.

Tongo nda ti aye 35:24

Amolenge ti Rachel ayeke so: Joseph na Benjamin.

1 Agbia 21:8

Yezabel asara ambeti na iri ti Akab, lo kpo *nzoroko ti gbia na ndö ni si lo tokua ambeti ni na *akangba nga na akota zo ti gbata so Nabot ayeke lango daa.

1 Mbai 2:51

Salma, so asara si gbata ti Betlehem abaa gigi. Haref, so asara si kodro ti Bet-Geder abaa gigi.

Abia (Psaumes) 132:6

E ma a tene, sanduku ti *mbuki ayeke na Efrata; e wara ni nduru na Yaar.

Amato 14:1

Wali ti ndara ayeke leke sewa ti lo nzoni; me wali ti buba ayeke buba ya ti sewa, lo wani.

Amato 31:23

Azo ti kodro ane koli ti lo mingi, tongana lo yeke duti na ya ti bongbi ti *akangba ti kodro ni.

Jérémie 32:10

Mbi su mbeti ti vongo yaka ni, mbi kpo nzoroko ti mbi na ndö ni na le ti azo so mbi iri ala ti duti na tere ni. Na pekoni, mbi zia nginza ni na ndö ti kilo ti hinga nengo ni.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Matthieu 2:6

‘Mo Betlehem, mo so mo yeke na sese ti Juda, mo yeke biani kete kodro pepe na popo ti akota kodro ti Juda, ngbanga ti so, na ya ti mo, fade mbeni gbia ayeke sigigi ti fa lege na azo ti Israel, azo ti Nzapa.’ ”

Ndia ti fani use ni 25:7

Me tongana koli ni aye ti mu wali ti ita ti lo ni pepe, fade wali ni ayeke gue ti baa *akangba so ayeke duti na yanga ti gbata; lo yeke tene na ala, lo tene: “Kogara ti mbi ake ti sara titene iri ti ita ti lo angba na Israel; lo ke ti sara kua ti lo ti kogara na tere ti mbi.”

Ndia ti fani use ni 25:9

fade wali ni ayeke ga nduru na lo na le ti akangba ni, lo yeke zi pâpä ti kogara ti lo si lo yeke tuku ngu ti yanga na le ti lo. Na pekoni, lo yeke tene: “Koli so ake ti leke da ti ita ti lo, ye so alingbi titene a sara na lo laa!”

Ruth 1:2

Iri ti koli so ayeke Elimelek; iri ti wali ti lo ayeke Noemi; iri ti amolenge ti lo ti koli use ayeke Malon na Kilion. Ala yeke azo ti kete mara ti Efrata na kodro ti Betlehem, na sese ti Juda. Ala si na sese ti Moab si ala sara kodro kâ.