Ruth 4:10 - Mbeti ti Nzapa - Tënë so amu fini

¹⁰ Na ndö ni kue, mbi mu Ruth, zo ti Moab, wali ti Malon titene lo ga wali ti mbi. Tongaso si mbi sara titene iri ti Malon so akui angba na ndö ti aye so lo zia ni si a-ita ti lo agirisa iri ti lo pepe si iri ti lo angba nga na ndo so azo ayeke leke ka tënë daa so. Ala kue laa ayeke laso na tere ti tënë ni.”

Ruth 4:10 Iomraidhean Croise

Tongo nda ti aye 29:27

Mo hunzi yenga oko ti matanga ti mungo tere ti mo na lo so si. Na pekoni, a yeke mu na mo ngambe ni si mo kiri mo sara kua na mbi na ya ti ngu mbarambara.”

Tongo nda ti aye 38:9

Onan ahinga so fade molenge ni ayeke ande ti lo pepe. Nilaa tongana lo na wali ti ita ti lo ni ayeke duti, lo yeke tuku ngu ti tere ti lo na sese; tongaso si lo du molenge na iri ti ita ti lo pepe.

Abia (Psaumes) 109:15

Ayeke nzoni KOTA GBIA adabe ti lo na siokpari ti ala lakue, lo zi iri ti azo ni na ndö ti sese so biani biani!

Abia (Psaumes) 34:16

Le ti KOTA GBIA ayeke na ndö ti azo ti mbirimbiri, mê ti lo ayeke ma dekongo ti ala.

Amato 18:22

Zo so awara wali, andaa lo wara nzoni ye; so nzoni be laa KOTA GBIA asara na lo.

Amato 19:14

Na peko ti kuâ ti ala, ababâ ayeke zia da na nginza na amolenge ti ala, me KOTA GBIA laa ayeke mu wali ti ndara na zo.

Ésaïe 48:19

Ka *ahale ti mo ayeke ga tongana mbutu ti yanga ti kota ngu-ingo, ka amolenge ti ya ti mo ayeke ga tongana le ti mbutu; na dawa ti mbi, ka a zi iri ti ala pepe, a mingo iri ti ala pepe.”

Osée 12:12

Azo ti Galaad ayeke taa azo ti sarango sioni; mbeni zo ti ala akiri angba pepe. Na Gilgal, ala mu *sandaga ti akoli-bagara gbani gbani; me fadeso agbalaka ti ala ayeke tongana gba ti atêne na yaka.”

Osée 3:2

Tongaso, mbi ka na peko ti wali ti mbi ale ti nginza baleoko na oku nga na kilo ti *orze ngbangbo osio.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Malashii 2:14

Ala hunda ndo, atene: “Ye tongaso asi ngbanga ti nyen?” – Asi ngbanga ti ye tongaso: Na dawa ti KOTA GBIA laa zo oko oko amu tere na wali ti lo ti maseka; wali ni ayeke mba ti lo, lo na wali ni aga oko na lege ti *mbuki so ayeke na popo ti ala. Me zo ni abuba lege ti mbuki ni na wali ni awe!

Efeze 5:25

Akoli, ala ye awali ti ala tongana ti so Christ aye Eglize si lo ka tere ti lo ndali ti Eglize ni.

Ndia ti fani use ni 25:6

Kozo molenge-koli so wali ni ayeke du, fade a yeke zia iri ti wakuâ ni na ndö ti lo. Tongaso si iri ti wakuâ ni angba lakue na sese ti Israel.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

Josué 7:9

Fade azo ti Kanaan na azo ti kodro ni kue ayeke ma tënë ni; ala yeke bongbi ti ga na ndö ti e si ala yeke hunzi e kue. Nyen laa mo yeke sara ande ti fa atene, mo yeke kota?”

Ruth 4:9

Booz atene na akangba nga na azo ti kodro ni kue, atene: “Ala kue abaa so mbi lingbi ti wara na maboko ti Noemi aye ti peko ti Elimelek, ti Kilion na ti Malon.