Ruth 3:9 - Mbeti ti Nzapa - Tënë so amu fini

⁹ Lo hunda ndo, lo tene: “Mo yeke zo wa?” Ruth akiri tënë, atene: “Mbi Ruth, zo ti gbe ti mo laa. Mu mbi, mo bata mbi, ngbanga ti so ndia amu na mo lege ti mu mbi ti bata mbi na peko ti sewa ti mo.”

Ruth 3:9 Iomraidhean Croise

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Ruth 2:20

Noemi atene na Ruth: “KOTA GBIA so angba lakue ti sara nzoni be na azo so angba na fini nga na azo so akui awe, lo sara tufa na ndö ti koli so-oo.” Na pekoni, Noemi atene na Ruth: “Booz ayeke mbeni zo ti sewa ti e so popo ni ayo pepe, lo yeke mbeni zo so alingbi ti mu e, ti bata e.”

Ruth 3:10

Booz atene na lo: “Molenge ti mbi, KOTA GBIA asara tufa na ndö ti mo-oo. Ye so mo kiri mo sara so, ayeke nzoni ahon ti so mo sara kozoni. Mo kpe na peko ti amaseka-koli pepe, ataa azo ti mosoro wala azo ti mawa.

Ruth 3:12

Biani, ndia amu na mbi lege ti mu mo, ti bata mo. Me mbeni zo ti sewa ti e ayeke daa, popo ti sewa ni na koli ti mo ayo pepe. Lo laa lo lingbi ti baa lege ti mungo mo kozoni na mbi.

Ruth 3:8

Na be ti bi, Booz azingo na ngangu, lo mu tere ti lo na nduzu; lo baa mbeni wali ayeke lango na mbage ti gere ti lo.

Ruth 4:4

Nilaa, mbi ye ti tene tënë ni na mo. Tongana mo yeda, na le ti azo so kue ayeke ge so, nga na le ti akangba ti kodro ti e, mo vo ni, mo bata ni. Tongana mo ye ti vo ni ti bata ni, mo vo ni mo bata; tongana mo ye pepe, mo tene tënë ni na mbi si mbi hinga, ngbanga ti so mbeni zo nde alingbi ti vo ni ti bata ni pepe. Na peko ti mo, ayeke mbi.” Koli ni akiri tënë, atene: “Mbi laa mbi yeke vo ni.”

Ruth 4:6

Koli so alingbi fade ti mu Ruth ti bata lo so akiri tënë, atene: “Mbi lingbi ti mu Ruth titene lo ga wali ti mbi pepe, ngbanga ti fade mbi buba aye so mbi yeke zia na peko ti mbi. Mbi laa mbi lingbi fade ti mu lo biani, me mbi mu lege na mo ti mu lo, ngbanga ti so mbi lingbi ti mu lo pepe.”

1 Samuel 25:41

Abigail akuku akpo li ti lo na sese si lo tene: “Mbi, zo ti kua ti mo, mbi yeke ngbaa-wali; mbi ye ti sukula gere ti azo ti kua ti babâ ti mbi.”