Ruth 3:2 - Mbeti ti Nzapa - Tënë so amu fini

² Fadeso, mo hinga, mo tene, Booz ayeke mbeni zo ti sewa ti e. Lani mo sara kua na tere ti awali so asara kua na lo. Na bi so, lo yeke gue na le ti lakere ti pe ya ti ale ti *orze ti lo.

Ruth 3:2 Iomraidhean Croise

Tongo nda ti aye 50:10

So ala si na ndö ti lakere ti Atad, so ayeke na mbage ti ngu ti Jourdain, ala luti si ala kiri atoto kuâ ni ngangu mingi. Joseph akiri asara mua ti babâ ti lo na ya ti lango mbarambara.

Ruth 2:1

Mbeni kogara ti Noemi ayeke daa, lo yeke sewa ti Elimelek, koli ti Noemi. Iri ti lo ayeke Booz; lo yeke mbeni kota zo so ayeke na mosoro mingi.

Ruth 2:8

Tongaso Booz atene na Ruth: “Molenge ti mbi, ma tënë ti mbi nzoni. Mo gue, mo ro ale ti kobe na ya ti mbeni yaka nde pepe; ngba na ndo so, na tere ti awali so ayeke sara kua ti mbi.

Ruth 3:1

Mbeni lâ, Noemi, kogara ti Ruth atene na lo: “Molenge ti mbi, mbi ye ti gi lege titene dutingo ti mo aga nzoni.

Ruth 3:3

Mo sukula ngu, mo zia yombo na tere ti mo, mo yu pendere bongo ti mo. Mo gue na le ti lakere ni; me mo fa tere ti mo na lo hio pepe, mo ku lo te, lo nyon si.