Ruth 3:1 - Mbeti ti Nzapa - Tënë so amu fini

¹ Mbeni lâ, Noemi, kogara ti Ruth atene na lo: “Molenge ti mbi, mbi ye ti gi lege titene dutingo ti mo aga nzoni.

Ruth 3:1 Iomraidhean Croise

Tongo nda ti aye 40:14

Me tongana mo baa nzoni kâ, mo dabe ti mo na mbi. Mbi gbu gere ti mo, sara nzoni be na mbi. Mo tene tënë ti mbi na mê ti Faraon si mo zi mbi na da ti kanga so.

Abia (Psaumes) 128:2

Mo wani, mo yeke te ye ti peko ti kua ti maboko ti mo. Mo yeke duti nzoni si aye ti mo kue ayeke ga nzoni.

1 Korente 7:36

Fadeso, tongana mbeni maseka-koli na mbeni maseka-wali so aleke tënë ti mungo tere, lo baa so lo lingbi ti sara sioni na maseka-wali ni, tongana nzara ti maseka-wali ni ahon ndö ti lo si lo leke na be ti lo ti mu lo ti ga wali ti lo, alingbi lo sara tongana ti so be ti lo aye; lo sara siokpari pepe. Ala use kue alingbi ti mu tere senge.

Ndia ti fani use ni 4:40

Alingbi ala sara ye alingbi na aye so ndia ti lo afa nga na atënë ti yanga ti lo so mbi yeke fa na ala laso. Tongana ala sara ye alingbi na ni, fade ala na ahale ti ala ayeke baa nzoni; gigi ti ala ayeke yo na ya ti kodro so KOTA GBIA Nzapa ti ala amu na ala kpu na kpu.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

1 Timothée 5:8

Tongana mbeni zo abata azo ti lo na legeni pepe si lo hinga ti bata taa azo ti sewa ti lo na legeni pepe, lo zia lege ti mabe awe. Sioni ti lo ahon sioni ti azo so ake ti ma na be.

Ruth 1:9

Ayeke nzoni KOTA GBIA asara titene zo oko oko amu koli si lo duti nzoni na da ti koli ni.” Na pekoni, Noemi agbu ala na ya ti maboko ti lo, lo su ngbangba ti ala ti hon. Me akogara ti lo ni ati na toto.

Ruth 2:23

Tongaso Ruth angba gi na tere ti awali so ayeke sara kua ti fango ale ti kobe ti Booz; lo ro ale ti kobe ni ngbii ngoi ti fango ale ti kobe so iri ni *orze na ale ti *ble ahunzi. Ruth angba ti lango na ndo ti kogara ti lo.

Ruth 3:2

Fadeso, mo hinga, mo tene, Booz ayeke mbeni zo ti sewa ti e. Lani mo sara kua na tere ti awali so asara kua na lo. Na bi so, lo yeke gue na le ti lakere ti pe ya ti ale ti *orze ti lo.