Ruth 2:8 - Mbeti ti Nzapa - Tënë so amu fini

⁸ Tongaso Booz atene na Ruth: “Molenge ti mbi, ma tënë ti mbi nzoni. Mo gue, mo ro ale ti kobe na ya ti mbeni yaka nde pepe; ngba na ndo so, na tere ti awali so ayeke sara kua ti mbi.

Ruth 2:8 Iomraidhean Croise

2 Agbia 5:13

Azo ti kua ti lo aga nduru na tere ti lo si ala tene na lo: “Kota zo, tongana wayanga-Nzapa ahunda fade na mo ti sara mbeni ye ti ngangu, ka mo sara ni pepe? So lo tene na mo: ‘Mo sukula tere ti mo si fade tere ti mo aga *nzoni so, mo ke ngbanga ti nyen?’ ”

Awayango-sandaga 19:9

“Tongana ala yeke fâ ale ti kobe ti yaka ti ala, alingbi ala fâ ale ti kobe so ayeke na yanga ti yaka ni pepe. Fade ala yeke kiri ti fâ ale ti kobe so angba so pepe.

Matthieu 9:2

Ambeni zo amu mbeni koli so mbage ti tere ti lo abuba si aga na lo na Jésus. Koli ni ayeke lango na ndö ti kelekpa. Jésus abaa mabe ti azo ni si lo tene na koli so mbage ti tere ti lo abuba so, lo tene: “Kanga be ti mo, molenge ti mbi! A zi siokpari ti mo awe!”

Matthieu 9:22

Jésus abi le ti lo na peko, lo baa wali so si lo tene na lo: “Molenge ti mbi, de be ti mo! Mabe ti mo asoo mo awe.” Gi na ndembe ni so, kobela ti wali ni akai.

Filipe 4:8

A-ita, ti hunzi na ni, alingbi ala zia be ti ala na ndö ti ye so ayeke taa-tënë, ye so ayeke ye ti nengo ni, ye so ayeke mbirimbiri, ye so ayeke nzoni kue, ye so zo alingbi ti ye ni, ye so zo alingbi ti gonda ni, ye so kue ayeke nzoni mingi, ye so zo alingbi ti tene nzoni tënë ni na le ti azo.

Ruth 2:7

Lo hunda e titene lo ro ale ti kobe so alondo na ya ti agba ni si atuku na sese na peko ti azo ti fango ale ti kobe. Ti londo na ndembe so lo si na ndaperere so ngbii asi fadeso, lo ngba gi na nduzu; lo wu tere ti lo gi kete na gbe ti da.”

Ruth 2:9

Baa yaka so azo ayeke fâ ale ti kobe daa so nzoni. Mu peko ti awali so ayeke ro ale ti kobe so. Mbi tene na azo ti kua ti mbi titene ala zia mo kpoo. Tongana nzara ti ngu asara mo, fade mo gue, mo nyon ngu na ya ti ta so azo ti kua ti mbi ato ngu daa so.”

1 Samuel 3:16

Heli airi Samuel si atene na lo: “Samuel, molenge ti mbi.” Samuel ayeda atene: “Mbi laa.”

1 Samuel 3:6

KOTA GBIA akiri airi Samuel ti fani use ni, atene: “Samuel.” Samuel alondo ague na tere ti Heli si atene na lo: “Mbi laa; mo iri mbi?” Heli akiri tënë, atene: “Molenge ti mbi, mbi iri mo pepe; kiri, mo gue, mo lango.”