Ruth 2:7 - Mbeti ti Nzapa - Tënë so amu fini

⁷ Lo hunda e titene lo ro ale ti kobe so alondo na ya ti agba ni si atuku na sese na peko ti azo ti fango ale ti kobe. Ti londo na ndembe so lo si na ndaperere so ngbii asi fadeso, lo ngba gi na nduzu; lo wu tere ti lo gi kete na gbe ti da.”

Ruth 2:7 Iomraidhean Croise

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Amato 18:23

Wayere ayeke tene tënë na vorongo tere; me zo ti mosoro ayeke kiri tënë ngangu ngangu.

Amato 22:29

Mo baa mbeni zo so ayeke sara kua ti lo nzoni? Fade lo yeke ngba ti sara kua na asenge zo pepe, me lo yeke gue ti sara kua na agbia.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Matthieu 5:3

“Ti ala nzoni, ala so ahinga atene, ye ti yingo atia ala, ngbanga ti so *Kodro-gbia ti yayu ayeke ti ala!

Rome 12:11

Ala sara sopo pepe, me ala mu ngangu ti ala kue ti sara na kua ti *Kota Gbia; ala sara kua ni na be ti ala kue.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

Efeze 5:21

Ala ma yanga na popo ti ala ndali ti mbeto ti Christ so ayeke na be ti ala.

Ruth 2:2

Ruth, zo ti mara ti Moab, atene na Noemi: “Mbi ye ti gue na yaka. Tongana mbeni zo asara nzoni be na mbi, fade mbi yeke ro ale ti kobe so atuku na sese na peko ti lo.” Noemi akiri tënë, atene: “Mo gue ma, molenge ti mbi!”

Ruth 2:21

Ruth, zo ti Moab atene: “Lo tene na mbi atene, fade mbi ngba na tere ti azo ti kua so ayeke fâ ale ti kobe ni so ngbii ala hunzi fango ale ti kobe ti yaka ni kue si.”

Ruth 2:6

Zo ni akiri tënë, atene: “Mbeni maseka-wali ti mara ti Moab laa; lo na Noemi laa alondo na sese ti Moab si aga.

Ruth 2:8

Tongaso Booz atene na Ruth: “Molenge ti mbi, ma tënë ti mbi nzoni. Mo gue, mo ro ale ti kobe na ya ti mbeni yaka nde pepe; ngba na ndo so, na tere ti awali so ayeke sara kua ti mbi.