Ruth 2:4 - Mbeti ti Nzapa - Tënë so amu fini

⁴ Na pekoni, Booz alondo na Betlehem asi. Lo bara azo ti fango ale ti kobe ni, lo tene: “KOTA GBIA aduti na ala-oo!” Azo ti fango ale ti kobe ni abara lo, atene: “KOTA GBIA asara tufa na ndö ti mo-oo!”

Ruth 2:4 Iomraidhean Croise

Tongo nda ti aye 18:19

Mbi soro lo titene lo mu yanga na amolenge ti lo, na *ahale ti lo so kue ayeke ga na peko ti lo titene ala ma yanga ti KOTA GBIA; ala sara ye so ayeke mbirimbiri, na ye so ayeke na legeni. Tongaso si mbi KOTA GBIA, mbi yeke sara ande na Abraham aye so kue mbi tene tënë ti sarango ni ndali ti lo.”

Tongo nda ti aye 28:3

Ayeke nzoni Nzapa so ngangu ti lo ahon angangu kue asara tufa na ndö ti mo. Lo yeke sara titene mo du amolenge, ala wu mingi. Lo yeke sara titene azo ti amara mingi mingi abaa gigi na lege ti mo.

1 Mbai 2:51

Salma, so asara si gbata ti Betlehem abaa gigi. Haref, so asara si kodro ti Bet-Geder abaa gigi.

Abia (Psaumes) 118:26

– Ayeke nzoni KOTA GBIA asara tufa na ndö ti lo so aga na iri ti KOTA GBIA! E so e yeke na ya ti kota da ti KOTA GBIA so, e sara tufa na ndö ti ala.

Abia (Psaumes) 134:3

Ti londo na *Sion, ayeke nzoni KOTA GBIA so asara yayu na sese asara tufa na ndö ti mo.

Jérémie 31:23

Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “Tongana mbi sara titene kodro ti Juda na agbata ti Juda akiri na kozo ndo ti ala, tënë so azo ayeke kiri ti tene laa: ‘Ayeke nzoni KOTA GBIA asara tufa na ndö ti mo, hoto ti *Sion so mo yeke nde si mo yeke nzoni kue; mo yeke ndo ti mbirimbiri!’

Wungo ti azo 6:24

‘Ayeke nzoni KOTA GBIA asara tufa na ndö ti mo, lo bata mo!

Nzoni Tënë so Luc asu na mbeti 1:28

Ange ni asi na ndo so lo yeke daa si atene na lo: “Mbi bara mo-oo! Nzapa asara nzoni be na mo. *Kota Gbia ayeke na mo.”

2 Tesalonike 3:16

Ayeke nzoni *Kota Gbia wani, so siriri alondo na lo, amu na ala siriri lakue na ya ti aye kue! Ayeke nzoni Kota Gbia aduti na ala kue!

1 Timothée 6:2

Angbaa so awa ti ala ama na be, ala yeke a-ita ti ala azo ti Nzapa, me so laa amu lege na angbaa ni ti baa awa ti ala tongana asenge zo pepe. Me alingbi angbaa asara kua nzoni ahon ti kozoni, ngbanga ti so azo so ayeke baa nzoni na peko ti kua ti ala ni ayeke a-ita ti ala so ama na be si Nzapa aye ala mingi. Baa, ye so mo lingbi ti fa na azo si mo mu yanga na ala ti sara ni laa.

2 Timothée 4:22

Ayeke nzoni *Kota Gbia aduti na mo! Ayeke nzoni Nzapa asara nzoni be na ala!

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Awafango-ngbanga 6:12

Ange ti KOTA GBIA asi na lo si atene na lo: “KOTA GBIA ayeke na mo, kpengba turugu!”

Awafango-ngbanga 6:16

KOTA GBIA atene na lo: “Fade mbi yeke na mo; mo yeke kinda azo ti Madian, mo baa mo tene, gi zo oko laa mo kinda lo.”

Ruth 2:3

Tongaso Ruth ague, asi na mbeni yaka si lo yeke ro ale ti kobe na peko ti azo ti fango ale ti kobe. Pasa ti lo, yaka so lo si daa ayeke yaka ti Booz, zo ti sewa ti Elimelek.

Ruth 2:5

Booz ahunda zo so ayeke baa ndo na ndö ti azo ti fango ale ti kobe ni, atene: “So maseka-wali ti zo wa laa?”

Ruth 4:11

Akangba na azo ti kodro so kue ayeke na ndo so azo ayeke leke ka tënë daa so atene: “Een, e kue laa, e yeke na tere ti tënë ni. Ayeke nzoni *KOTA GBIA asara si wali so ayeke li na ya ti da ti mo so aga tongana Rachel na Lea, so gi ala use asara si sewa ti Israel aga kota so. Ayeke nzoni mo wara mosoro mingi na ya ti kodro ti Efrata, iri ti mo awu amu ya ti kodro ti Betlehem kue.

1 Samuel 17:37

David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”