Ruth 2:3 - Mbeti ti Nzapa - Tënë so amu fini

³ Tongaso Ruth ague, asi na mbeni yaka si lo yeke ro ale ti kobe na peko ti azo ti fango ale ti kobe. Pasa ti lo, yaka so lo si daa ayeke yaka ti Booz, zo ti sewa ti Elimelek.

Ruth 2:3 Iomraidhean Croise

2 Samuel 1:6

Maseka-koli ni atene: “Mbi yeke luti na li ti hoto ti Gilboa; mbi ye ti baa, mbi baa Saul aba na ndö ti likongo ti lo. Apusu ti mbarata na azo ti kpengo na ambarata aga nduru nduru na lo.

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

2 Agbia 8:5

Gehazi angba ti fa na gbia tënë ti molenge so lani akui si Élisée akiri lo na fini so. Gi na ndembe so lo ngba ti tene tënë, mo ye ti baa, mama ti molenge ni asi si lo hunda na gbia titene a kiri na lo da ti lo nga na yaka ti lo. Gehazi atene: “Babâ gbia, baa wali ni laa! Baa molenge ti lo so lani Élisée akiri lo na fini so laa!”

Matthieu 10:29

Azo ayeke ka akete ndeke use ndali ti kete le ti nginza oko pepe? Tongana Nzapa Babâ ti ala ayeda pepe, mbeni ndeke oko alingbi ti ti na sese pepe.

Nzoni Tënë so Luc asu na mbeti 10:31

Mbeni wayango-sandaga aga ahon na lege ni so, lo baa koli so si lo ngoro na mbage, lo hon ti lo.

2 Tesalonike 3:12

Azo tongaso, e mu yanga na ala si e mu wango na ala na iri ti Kota Gbia Jésus Christ: ala duti kpoo, ala sara kua ti ala si ala te kobe ti peko ti kua ti ala wani.

Ruth 2:2

Ruth, zo ti mara ti Moab, atene na Noemi: “Mbi ye ti gue na yaka. Tongana mbeni zo asara nzoni be na mbi, fade mbi yeke ro ale ti kobe so atuku na sese na peko ti lo.” Noemi akiri tënë, atene: “Mo gue ma, molenge ti mbi!”

Ruth 2:4

Na pekoni, Booz alondo na Betlehem asi. Lo bara azo ti fango ale ti kobe ni, lo tene: “KOTA GBIA aduti na ala-oo!” Azo ti fango ale ti kobe ni abara lo, atene: “KOTA GBIA asara tufa na ndö ti mo-oo!”