Ruth 2:12 - Mbeti ti Nzapa - Tënë so amu fini

¹² Mbi sambela titene anzoni ye so mo sara so, KOTA GBIA akiri peko ni na mo. Ayeke nzoni KOTA GBIA, Nzapa ti Israel, so mo ga ti duti na gbe ti lo akiri peko ni kue na mo.”

Ruth 2:12 Iomraidhean Croise

Abia (Psaumes) 17:8

Bata mbi tongana mboma ti le ti mo, honde mbi na gbe ti maboko ti mo tongana ti so ndeke ayeke bata amolenge ti lo na gbe ti *kpangi ti lo.

Abia (Psaumes) 19:11

Aye ni kue ayeke nzoni mingi ahon lôro, ahon gba ti lôro ti nzoni ni; aye ni anzere ahon mafuta ti wotoro, anzere ahon mafuta ti wotoro ti nzoni ni.

Abia (Psaumes) 36:7

Mbirimbiri ti mo ayeke kota mingi ahon akota hoto; fango ngbanga ti mo alinda mingi tongana kota ngu-ingo. KOTA GBIA, mo yeke soo azo na anyama.

Abia (Psaumes) 57:1

Bia so ayeke ndali ti makonzi-bia. A he ni na go ti bia so iri ni: “Mo buba ye pepe.” Sambela ti ya ti be ti David. Lo he ni na ndembe so Saul atumba peko ti lo si lo kpe, lo honde tere ti lo na ya ti du ti têne.

Abia (Psaumes) 58:11

Fade tere ti zo ti mbirimbiri ayeke nzere tongana lo baa a kiri na azo ti sioni peko ti sioni ti ala; fade lo yeke tambula na ya ti mene ti ala.

Abia (Psaumes) 61:4

Biani, mo yeke ndo so mbi kpe daa ti bata tere ti mbi; mo yeke tongana ngangu gbagba so akanga lege na wato.

Abia (Psaumes) 63:7

Tongana mbi yeke na ndö ti gbogbo ti mbi, mbi yeke dabe ti mbi na mo, mbi yeke gbu li ti mbi na ndö ti mo na bi kue.

Abia (Psaumes) 91:4

Lo yeke bata mo na gbe ti maboko ti lo, mo yeke honde tere ti mo na gbe ti maboko ti lo tongana ti so molenge ti ndeke ayeke honde tere ti lo na gbe ti maboko ti mama ti lo. Batango tënë ti yanga ti lo so lo yeke bata ayeke tongana vala na kazaka ti wen so ayeke bata mo.

Amato 11:18

Futa so zo ti sioni awara ayeke senge ye; me zo so asara ye ti mbirimbiri, lo yeke wara nzoni ye na peko ni biani.

Amato 23:18

Biani, nzoni ye ayeke daa ndali ti gigi ti mo ti kekereke si ye so mo zia be ti mo ti ku, mo yeke ku ni gbaa pepe.

Jérémie 31:16

Me tënë so KOTA GBIA atene ayeke so: “Awe-oo! Kiri mo dema tere ti mo pepe! Kiri mo toto pepe! Fade mo yeke wara futa ti kua ti mo; so tënë ti yanga ti KOTA GBIA laa. Amolenge ti mo ayeke londo na ndo ti awato ti ala ti kiri.

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Matthieu 6:1

“Ala sara hange! Tongana ala sara nzoni kua ndali ti Nzapa, ala sara ni titene azo abaa ala pepe. Tongana ala yeke sara kua ni gi ndali ti le ti azo, fade Babâ ti ala so ayeke na yayu ayeke mu na ala futa ni pepe.

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.

2 Timothée 1:18

Ayeke nzoni Kota Gbia asara nzoni be na lo na lango ti ndani. Anzoni ye so lo sara na mbi na gbata ti Efeze, mo hinga tënë ni ahon tanga ti azo kue.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

Ahebro 11:26

Moïse atene na be ti lo atene, titene azo abaa ni tongana buba zo, tongana ti so ala sara na *Mesii, so ayeke kota ye mingi ahon amosoro ti kodro ti Ezipte. Moïse asara tongaso ndali ti so le ti lo angba na ndö ti futa so lo yeke wara ande.

Ahebro 11:6

Andaa, tongana zo ayeke na mabe pepe, lo lingbi ti ga nzoni na le ti Nzapa pepe, ngbanga ti so zo so aga nduru na Nzapa, alingbi lo hinga so, Nzapa ayeke daa biani si lo yeke mu anzoni ye na azo so ayeke gi lo.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

Ruth 1:16

Me Ruth akiri tënë, atene: “Mo gbu mbi na ngangu titene mbi kiri na ndo ti mbi si mbi zia gi mo oko pepe. Ndo so mo yeke gue ande daa, mbi nga, mbi yeke gue daa. Ndo so mo yeke lango ande daa, mbi nga, mbi yeke lango daa. Azo ti mo ayeke ga azo ti mbi; Nzapa ti mo ayeke ga Nzapa ti mbi.

Ruth 2:11

Booz akiri tënë, atene: “Aye so kue mo sara na mama ti koli ti mo na peko ti kuâ ti koli ti mo so, azo atene na mbi tënë ni; ala fa na mbi so mo zia babâ ti mo, na mama ti mo, na kodro so a du mo daa ti gue na popo ti azo so mo hinga ala kozoni pepe.

Ruth 2:13

Ruth atene: “Kota zo, mo ngba ti sara nzoni na mbi; mo sara si be ti mbi ade. Tënë so mo tene so agbu be ti mbi mingi; mbi so mbi lingbi nga na awali so ayeke sara kua na gbe ti mo lawa!”

Ruth 4:15

Fade lo yeke sara titene mo duti nzoni; lo laa lo yeke bata mo na ngoi so mo yeke ga kangba biani biani; molenge ni ayeke bata mo, ngbanga ti so wali ti molenge ti mo so aye mo mingi so laa adu lo. Wali ti molenge ti mo ni asara nzoni na mo ahon amolenge-koli mbarambara.”

1 Samuel 24:19

Laso, mo fa nzoni be ti mo na mbi awe. KOTA GBIA azia mbi na maboko ti mo titene mo fâ mbi, me mo fâ mbi pepe.

1 Samuel 24:20

Lakue, tongana mbeni zo awara wato ti lo, fade lo yeke zia wato ti lo ni ahon senge? Oko pepe! Ayeke nzoni KOTA GBIA akiri na mo peko ti nzoni so mo sara na mbi laso so.