Ruth 1:8 - Mbeti ti Nzapa - Tënë so amu fini

⁸ Me Noemi atene na akogara ti lo use, atene: “Ala kiri! Zo oko oko ague na ndo ti mama ti lo. Ayeke nzoni KOTA GBIA angba ti sara nzoni be na ala tongana ti so ala sara ando nzoni be na amolenge ti mbi so akui awe si ala sara nga na mbi so.

Ruth 1:8 Iomraidhean Croise

2 Samuel 2:6

Fadeso, ayeke nzoni KOTA GBIA abata tënë ti yanga ti lo nga na ye so ayeke mbirimbiri na ala. Mbi nga, fade mbi yeke sara nzoni ye na ala ndali ti nzoni ye so ala sara so.

Efeze 5:22

Awali, ala ma yanga ti akoli ti ala tongana ti so ala yeke ma yanga ti *Kota Gbia,

Kolose 3:18

Awali, ala ma yanga ti akoli ti ala; ye so azo ti *Kota Gbia alingbi ti sara laa.

Kolose 3:24

Ayeke nzoni ala hinga atene, Kota Gbia ayeke futa ande ala; so ti tene ala yeke wara anzoni ye so Kota Gbia ayeke bata ni ndali ti azo ti lo. Taa Gbia so ala yeke sara kua na lo ayeke Christ.

Ruth 1:5

Na pekoni, Malon na Kilion nga akui. Noemi angba gi lo oko; koli ti lo ayeke daa pepe, amolenge ti lo use kue ayeke daa pepe.

Ruth 1:7

Lo na akogara ti lo use kue alondo na ndo so ala yeke daa, ala mu lege ti kiri na sese ti Juda.

Ruth 1:9

Ayeke nzoni KOTA GBIA asara titene zo oko oko amu koli si lo duti nzoni na da ti koli ni.” Na pekoni, Noemi agbu ala na ya ti maboko ti lo, lo su ngbangba ti ala ti hon. Me akogara ti lo ni ati na toto.

Ruth 2:20

Noemi atene na Ruth: “KOTA GBIA so angba lakue ti sara nzoni be na azo so angba na fini nga na azo so akui awe, lo sara tufa na ndö ti koli so-oo.” Na pekoni, Noemi atene na Ruth: “Booz ayeke mbeni zo ti sewa ti e so popo ni ayo pepe, lo yeke mbeni zo so alingbi ti mu e, ti bata e.”

Ruth 3:10

Booz atene na lo: “Molenge ti mbi, KOTA GBIA asara tufa na ndö ti mo-oo. Ye so mo kiri mo sara so, ayeke nzoni ahon ti so mo sara kozoni. Mo kpe na peko ti amaseka-koli pepe, ataa azo ti mosoro wala azo ti mawa.