Ruth 1:22 - Mbeti ti Nzapa - Tënë so amu fini

²² Lege so laa Noemi na Ruth, wali ti molenge ti lo, zo ti Moab, alondo na sese ti Moab, ti kiri na Betlehem. Ala si na Betlehem na ndembe so azo ato nda ti fango ale ti *orze.

Ruth 1:22 Iomraidhean Croise

2 Samuel 21:9

Gbia azia ala na maboko ti azo ti Gabaon si azo ti Gabaon akanga kamba na go ti ala na nduzu na li ti mbeni hoto na dawa ti KOTA GBIA. Azo ni mbarambara kue akui legeoko. Azo ti Gabaon afâ ala lani na ya ti akozo lango ti fango ale ti *orze.

Awayango-sandaga 23:10

Mo tene na azo ti Israel, mo tene: “Tongana ala si ande na ya ti kodro so mbi yeke mu na ala si ala yeke fâ ale ti kobe ti ala, fade ala yeke mu akozo gba ti le ti kobe ni, ala ga na ni na wayango-sandaga.

Awayango-sandaga 23:11

Wayango-sandaga ayeke ya ni na mbi KOTA GBIA lango oko na peko ti matanga ti wungo tere, tongaso, mbi yeke yeda na ala.

Ruth 2:23

Tongaso Ruth angba gi na tere ti awali so ayeke sara kua ti fango ale ti kobe ti Booz; lo ro ale ti kobe ni ngbii ngoi ti fango ale ti kobe so iri ni *orze na ale ti *ble ahunzi. Ruth angba ti lango na ndo ti kogara ti lo.

Ruth 2:6

Zo ni akiri tënë, atene: “Mbeni maseka-wali ti mara ti Moab laa; lo na Noemi laa alondo na sese ti Moab si aga.