Ruth 1:21 - Mbeti ti Nzapa - Tënë so amu fini

²¹ So mbi londo ando na ndo so ti hon, aye asi singo na maboko ti mbi. KOTA GBIA asara si na kiringo ti mbi, mbi kiri maboko senge. Ala kiri airi mbi Noemi pepe, ngbanga ti so Nzapa so ngangu ti lo ahon angangu kue abi tënë na li ti mbi, lo sara si aye ti vundu mingi asi na mbi.”

Ruth 1:21 Iomraidhean Croise

Mbeti ti Job 1:21

si lo tene: “Mbi sigigi na ya ti mama ti mbi, tere ti mbi senge; mbi yeke kiri na ya ti sese, tere ti mbi senge. KOTA GBIA amu ye na mbi, KOTA GBIA akiri amu ye ti lo. Ayeke nzoni e mu singila na KOTA GBIA!”

Mbeti ti Job 10:17

Mo kiri mo tokua akpale na ndö ti mbi na peko ti tere, na peko ti tere; mo kiri mo sara ngonzo na tere ti mbi ahon ndoni; mo tokua aye ti ngangu na ndö ti mbi gbani gbani.

Mbeti ti Job 13:26

Mo de mbeti na tere ti mbi; asioni so mbi sara na ndembe so mbi de maseka, mo zia ni kue na li ti mbi.

Mbeti ti Job 16:8

Lo sara si ndö ti le ti mbi aga tongana ti mbakoro, lo sara si mbi nge; aye so laa abi tënë na li ti mbi si afâ ngbanga na li ti mbi.

Mbeti ti Job 30:11

Ndali ti so Nzapa azi ngangu ti mbi si lo zia kamene na le ti mbi, ala yeke sara ye ti be ti ala na mbi.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Ruth 1:13

fade ala yeke ku ande amolenge ni ngbii titene ala kono si ala mu ala? Ala yeke ke ti mu akoli ti ku ala? Amolenge ti mbi, tënë ni ayeke tongaso pepe. KOTA GBIA asara ngangu na mbi mingi; be ti mbi ayeke na vundu mingi ndali ti ala.”