Ruth 1:20 - Mbeti ti Nzapa - Tënë so amu fini

²⁰ Noemi atene na ala: “Ala iri mbi Noemi pepe; me ala iri mbi Mara, so ti tene: ‘zo ti mawa’. Ala iri mbi zo ti mawa, ngbanga ti so Nzapa so ngangu ti lo ahon angangu kue asara si aye ti vundu mingi asi na mbi.

Ruth 1:20 Iomraidhean Croise

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Tongo nda ti aye 43:14

Ayeke nzoni Nzapa so ngangu ti lo ahon angangu kue so, asara titene koli so abaa ala na nzoni le; lo zia lege na ita ti ala so angba kâ so, nga na Benjamin titene ala kiri. Tongana ayeke titene a zi amolenge ti mbi na maboko ti mbi, a zi ala.”

Mbeti ti Job 11:7

Mo lingbi ti hinga ye so ayeke na be ti Nzapa kâ? Nzapa so ngangu ti lo ahon angangu kue so, mo lingbi ti hinga mbirimbiri ti lo so ahon aye ti mbirimbiri kue?

Mbeti ti Job 19:6

Ayeke nzoni ala hinga atene, Nzapa laa asara mbana na mbi, lo laa lo gbu mbi na ya ti gbanda ti lo.

Mbeti ti Job 5:17

Biani, ti lo nzoni, zo so Nzapa agboto mê ti lo! Tongaso, lo so ngangu ti lo ahon angangu kue, mo ke pika ti lo pepe.

Mbeti ti Job 6:4

Biani, Nzapa so ngangu ti lo ahon angangu kue akpo mbi na ale ti kokora ti lo; sioni yoro ti yanga ti ale ti kokora ni alinda na ya ti tere ti mbi. Aye so Nzapa ayeke tokua ti zia mbeto na be ti azo aleke tere ti tiri bira na mbi.

Mbeti ti Job 9:18

Lo yeke zia lege kete na mbi pepe titene mbi wu pupu; me lo yeke sara si sengo ye asi singo na be ti mbi.

Abia (Psaumes) 73:14

Lakue, angangu ye ayeke si na mbi, lakue na ndaperere, a yeke pika mbi.

Abia (Psaumes) 88:15

KOTA GBIA, mo ke mbi ngbanga ti nyen? Mo honde le ti mo na mbi ngbanga ti nyen?

Sigingo 15:23

Ala si na Mara, me ala lingbi ti nyon ngu ti Mara ni pepe, ngbanga ti so ngu ni asee sengo. Ndani laa azo adi iri ti ngu ni so Mara.

Sigingo 6:3

Ando mbi si na Abraham, na Isaac nga na Jacob tongana ‘Nzapa so ngangu ti lo ahon angangu kue’. Me iri ti mbi so ayeke ‘KOTA GBIA’ so, mbi fa ni na ala pepe.

Ésaïe 38:13

Kozo si ndo ahan, mbi yeke ye oko pepe. KOTA GBIA afâ ya ti abio ti mbi kue tongana ti so bamara ayeke sara. Na kota lâ ngbii asi na lakui, mo hunzi na mbi awe.

Ahebro 12:11

Tongana a pika zo ti kiri na lo na nzoni lege, be ti lo ayeke nzere na ndembe ni pepe; na le ti zo ni ye ni akpa ye ti vundu. Me mbeni lâ, tongana li ti lo aga daa awe, lo yeke wara aye ti peko ni: siriri na sarango ye ti mbirimbiri.

Aye so Nzapa afa 1:8

*Kota Gbia Nzapa, lo so ngangu ti lo ahon angangu kue, lo so lo yeke laso, lo so lo yeke ando si lo yeke ga, atene: “Mbi yeke *Alfa na *Omega.”

Aye so Nzapa afa 21:22

Mbi baa kota da ti Nzapa na ya ti gbata ni pepe, ngbanga ti so kota da ti Nzapa ni ayeke *Kota Gbia wani, Nzapa so ngangu ti lo ahon angangu kue, lo na Molenge ti Taba.