Ruth 1:16 - Mbeti ti Nzapa - Tënë so amu fini

¹⁶ Me Ruth akiri tënë, atene: “Mo gbu mbi na ngangu titene mbi kiri na ndo ti mbi si mbi zia gi mo oko pepe. Ndo so mo yeke gue ande daa, mbi nga, mbi yeke gue daa. Ndo so mo yeke lango ande daa, mbi nga, mbi yeke lango daa. Azo ti mo ayeke ga azo ti mbi; Nzapa ti mo ayeke ga Nzapa ti mbi.

Ruth 1:16 Iomraidhean Croise

2 Samuel 15:21

Itai akiri tënë na gbia: “KOTA GBIA ayeke na fini! Gbia, kota zo ti mbi ayeke nga na fini! Ndo so kue gbia ti mbi ayeke gue daa, ataa ayeke ti kui wala ti ngba na fini, mbi yeke gue daa.”

Abia (Psaumes) 45:10

Amolenge-wali ti gbia ayeke kâ, ala yu aye ti pendere ti mo. Na mbage ti maboko ti mo ti koli, wali ti gbia aluti; lo yu aye ti pendere so ayeke na lôro ti nzoni ni.

Amato 17:17

Zo so aye mba ti lo, lo yeke ye lo na ngoi kue. A du ita titene lo mu maboko na ya ti ye ti ngangu.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 3:29

Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”

Osée 13:4

“Mbi laa, mbi yeke *KOTA GBIA, Nzapa ti mo, Israel, ti to nda ni na sese ti Ezipte ngbii asi fadeso. Mo hinga mbeni Nzapa nde pepe, gi mbi oko; mbeni wasongo mo ayeke daa pepe, gi mbi oko.

Zakarii 8:23

Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Matthieu 8:19

Mbeni wafango-ndia aga nduru na tere ti lo si atene na lo: “*Kota Gbia, fade mbi yeke mu peko ti mo na ndo so kue mo yeke gue daa.”

Jean 13:37

Pierre atene na lo: “Kota Gbia, ngbanga ti nyen si mbi lingbi ti mu peko ti mo fadeso pepe? Mbi yeke nduru ti ka fini ti mbi ndali ti mo!”

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

1 Tesalonike 1:9

Azo kue ayeke tene tënë ti yambango so ala yamba lani na e na ndembe so e si na ndo ti ala. Azo atene nga tënë ti ziango so ala zia lege ti anzapa nde ti kiri na mbage ti Nzapa titene ala sara kua na lo, lo so lo yeke na fini si lo yeke taa Nzapa.

Josué 24:18

KOTA GBIA atumba amara kue na dawa ti e, mbirimbiri azo ti mara ti Amori so ayeke lango ando na sese ni so. Tongaso, e nga, fade e yeke sara kua na KOTA GBIA, ngbanga ti so lo yeke Nzapa ti e.”

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.

Ruth 1:15

Noemi atene na Ruth: “Baa, ita ti mo akiri na popo ti azo ti lo nga na tere ti anzapa ti lo awe. Mo sara tongana ti ita ti mo, mo kiri na ndo ti mo.”

Ruth 1:17

Ndo so mo yeke kui ande daa, mbi nga, mbi yeke kui daa si a yeke lu mbi daa. Gi kuâ laa ayeke kangbi popo ti mbi na mo. Tongana mbi hon mbi zia mo, ayeke nzoni KOTA GBIA asara ye ti ngangu mingi na mbi!”

Ruth 2:6

Zo ni akiri tënë, atene: “Mbeni maseka-wali ti mara ti Moab laa; lo na Noemi laa alondo na sese ti Moab si aga.

Ruth 4:15

Fade lo yeke sara titene mo duti nzoni; lo laa lo yeke bata mo na ngoi so mo yeke ga kangba biani biani; molenge ni ayeke bata mo, ngbanga ti so wali ti molenge ti mo so aye mo mingi so laa adu lo. Wali ti molenge ti mo ni asara nzoni na mo ahon amolenge-koli mbarambara.”