Ruth 1:15 - Mbeti ti Nzapa - Tënë so amu fini

¹⁵ Noemi atene na Ruth: “Baa, ita ti mo akiri na popo ti azo ti lo nga na tere ti anzapa ti lo awe. Mo sara tongana ti ita ti mo, mo kiri na ndo ti mo.”

Ruth 1:15 Iomraidhean Croise

2 Agbia 2:2

Élie atene na Élisée: “Mbi gbu gere ti mo, mo ngba na ndo so, ngbanga ti so KOTA GBIA atokua mbi kâ na Betel.” Élisée akiri tënë: “KOTA GBIA ayeke na fini! Mo nga, mo yeke na fini! Fade mbi yeke zia mo pepe!” Tongaso ala kue, ala gue na Betel.

Abia (Psaumes) 125:5

Me ti azo so agirisa nzoni lege ti mu lege ti kirikiri, ayeke nzoni KOTA GBIA atumba ala, ala na azo ti sarango sioni. Ayeke nzoni siriri aduti na Israel!

Abia (Psaumes) 36:3

Lo baa tere ti lo kota ahon ti so lo yeke; nilaa lo ye ti hinga siokpari ti lo pepe si lo zia lege ni pepe.

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Wungo ti azo 10:30

Hobab akiri tënë na lo: “Mbi yeke gue pepe; mbi yeke kiri na kodro ti mbi, na ya ti sewa ti mbi.”

Nzoni Tënë so Luc asu na mbeti 24:28

So ala ga nduru na kete kodro so ala yeke gue daa, Jésus asara, mo baa mo tene, lo yeke hon ti gue.

Ahebro 10:38

Nzapa atene: “Zo so aga mbirimbiri na le ti mbi na lege ti mabe, fade lo yeke duti na fini. Me tongana lo zia lege ti mabe, fade mbi yeke wara ngia na lege ti lo pepe.”

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Josué 24:19

Josué atene na azo ni, atene: “Ala lingbi ti sara kua na KOTA GBIA pepe, ngbanga ti so lo yeke Nzapa so lo yeke nde si lo yeke nzoni kue; lo yeke Nzapa so ayeke sara mbanda ti azo ti lo. Ndali ngangu li ti ala na siokpari ti ala, fade lo yeke zi tënë na li ti ala pepe.

1 Jean 2:19

Azo ni so ayeke azo ti e pepe, nilaa ala londo na popo ti e si ahon. Tongana azo ni ayeke fade azo ti e, ka ala ngba na popo ti e. Me ala zia e ahon ti fa polele na le ti azo atene, mbeni zo oko na popo ti ala ayeke zo ti e pepe.

Awafango-ngbanga 11:24

Sese so nzapa ti mo Kemosh amu na mo so, ayeke ti mo pepe? Ti e, sese so KOTA GBIA, Nzapa ti e amu na e awe so, ayeke ti e pepe?

Ruth 1:14

Ruth na Orpa akiri atoto ngangu. Na pekoni, Orpa agbu mama ti koli ti lo na ya ti maboko ti lo, lo su ngbangba ti lo ti kiri. Me Ruth angba gi na tere ti mama ti koli ti lo.

Ruth 1:16

Me Ruth akiri tënë, atene: “Mo gbu mbi na ngangu titene mbi kiri na ndo ti mbi si mbi zia gi mo oko pepe. Ndo so mo yeke gue ande daa, mbi nga, mbi yeke gue daa. Ndo so mo yeke lango ande daa, mbi nga, mbi yeke lango daa. Azo ti mo ayeke ga azo ti mbi; Nzapa ti mo ayeke ga Nzapa ti mbi.