Ruth 1:14 - Mbeti ti Nzapa - Tënë so amu fini

¹⁴ Ruth na Orpa akiri atoto ngangu. Na pekoni, Orpa agbu mama ti koli ti lo na ya ti maboko ti lo, lo su ngbangba ti lo ti kiri. Me Ruth angba gi na tere ti mama ti koli ti lo.

Ruth 1:14 Iomraidhean Croise

Tongo nda ti aye 31:28

Mo zia mbi su ngbangba ti amolenge ti mbi ti wali na a-ata ti mbi pepe. Biani mo sara ye tongana zo so li ti lo ayeke daa pepe.

2 Samuel 19:39

Gbia atene: “Nzoni! Fade mbi na Kimham, e yeke gue; mbi yeke sara na lo tongana ti so anzere na be ti mo. Ye so kue mo yeke hunda na mbi, mbi yeke mu na mo.”

1 Agbia 19:20

Élisée azia abagara ni, lo mu loro na peko ti Élie si lo tene na lo: “Mo zia, mbi gue, mbi su ngbangba ti babâ na mama ti mbi si; na pekoni fade mbi yeke ga ti mu peko ti mo.” Élie atene na lo: “Mo gue! Mo kiri na yanga ti kua ti mo. Nyen laa mbi sara na mo, nyen?”

Amato 17:17

Zo so aye mba ti lo, lo yeke ye lo na ngoi kue. A du ita titene lo mu maboko na ya ti ye ti ngangu.

Amato 18:24

Zo so ayeke na gba ti akamarade, ye so alingbi ti ga kota kungba na ndö ti lo; me taa kamarade ayeke sara na mo ahon ita ti mo.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Zakarii 8:23

Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Matthieu 10:37

Zo so aye babâ wala mama ti lo ahon mbi, lo lingbi ti duti disiple ti mbi pepe; zo so aye molenge ti lo ti koli wala ti wali ahon mbi, lo lingbi ti duti disiple ti mbi pepe.

Matthieu 16:24

Na pekoni, Jésus atene na adisiple ti lo: “Tongana mbeni zo aye ti mu peko ti mbi, ayeke nzoni lo zia ti gbu li ti lo na ndö ti lo wani, lo yo keke ti kroa ti lo si lo mu peko ti mbi.

Matthieu 19:22

So maseka-koli ni ama tënë so, lo gue na vundu na be ti lo, ngbanga ti so lo yeke na mosoro mingi.

Awatokua 17:34

Ambeni oko oko na popo ti ala amu peko ti lo si ala ma na be. Na popo ti azo ni Denis, mbeni zo ti Areopaze ni, lo na mbeni wali so iri ti lo Damaris na ambeni zo.

Ndia ti fani use ni 10:20

Alingbi ala kpe mbeto ti KOTA GBIA Nzapa ti ala, ala voro lo, ala ngba gi na tere ti lo, ala deba yanga ti ala gi na iri ti lo.

Ndia ti fani use ni 4:4

Me ala, azo so abata be ti ala na KOTA GBIA Nzapa ti ala, ala kue, ala ngba na fini laso.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

Ahebro 10:39

Ti e, e yeke azo so ayeke zia lege ti mabe pepe ngbanga ti e girisa. Me e yeke azo so ama na be ti soo kuâ.

Ruth 1:13

fade ala yeke ku ande amolenge ni ngbii titene ala kono si ala mu ala? Ala yeke ke ti mu akoli ti ku ala? Amolenge ti mbi, tënë ni ayeke tongaso pepe. KOTA GBIA asara ngangu na mbi mingi; be ti mbi ayeke na vundu mingi ndali ti ala.”

Ruth 1:15

Noemi atene na Ruth: “Baa, ita ti mo akiri na popo ti azo ti lo nga na tere ti anzapa ti lo awe. Mo sara tongana ti ita ti mo, mo kiri na ndo ti mo.”

Ruth 1:7

Lo na akogara ti lo use kue alondo na ndo so ala yeke daa, ala mu lege ti kiri na sese ti Juda.

Ruth 2:11

Booz akiri tënë, atene: “Aye so kue mo sara na mama ti koli ti mo na peko ti kuâ ti koli ti mo so, azo atene na mbi tënë ni; ala fa na mbi so mo zia babâ ti mo, na mama ti mo, na kodro so a du mo daa ti gue na popo ti azo so mo hinga ala kozoni pepe.