Rome 2:3 - Mbeti ti Nzapa - Tënë so amu fini

³ Mo so mo yeke fâ ngbanga na li ti azo so ayeke sara aye so si mo nga, mo yeke sara mara ti aye ni so, mo baa ti mo, mo tene, ngbanga ti Nzapa ayeke ti ande na li ti mo pepe?

Rome 2:3 Iomraidhean Croise

2 Samuel 10:3

akota zo ti kodro ti Amon atene na Hanun, wa ti ala: “Mo baa ti mo, mo tene, David aye ti ne kuâ ti babâ ti mo si lo tokua azo ti kangbi mua na mo so? Lo tokua azo ti lo so ti tambula, ti *bembe ndo na ya ti gbata ni si mbeni lâ, ala mu ni pepe?”

Mbeti ti Job 35:2

Job, so mo yeke tene: “Mbi yeke mbirimbiri mbi hon Nzapa” so, mo baa ti mo, mo tene, tënë ti mo ayeke na legeni?

Abia (Psaumes) 50:21

Baa, aye so kue mo sara so laa; mo ye titene mbi kai na ndö ni? Mo baa ti mo, mo tene, mbi yeke tongana mo? Mbi yeke bi tënë na li ti mo, mbi yeke fa asioni ye ni kue polele na le ti mo.

Abia (Psaumes) 56:7

Ala honde tere ti ala, ala yeke *bembe ndo ti baa ndo so mbi yeke gue daa si ala gi lege ti fâ mbi.

Amato 11:21

Taa-tënë, fade zo ti sioni ayeke wara ngbanga ti sioni ti lo; me azo ti mbirimbiri kue ayeke sigigi daa.

Amato 16:5

Be ti KOTA GBIA ake azo ti baba mingi. Biani, fade peko ni ayeke ngba senge na ala pepe.

Ezekiel 17:15

Me lo tomboka na tere ti gbia ti Babilone. Lo tokua azo na Ezipte titene kodro ni amu na lo ambarata na gba ti aturugu. Zo so asara ye so, fade ye ni ayeke ga nzoni na lo laa? Lo yeke sigigi na ya ti kpale ni? Oko pepe, ngbanga ti so lo wani, lo buba lege ti mbuki ni awe.

Ezekiel 17:18

So gbia ti Israel ni abaa dengo ba ni tongana mbumbuse ye, lo buba ya ti mbuki ni. So lo sara ye tongaso, fade lo yeke sigigi na ya ni pepe.

Daniel 10:19

Na pekoni, lo tene na mbi, lo tene: ‘Mo koli so Nzapa aye lo mingi so, mo sara mbeto pepe! Ayeke nzoni mo duti na siriri! Wara ngangu, kpengba tere ti mo!’ So lo yeke tene tënë na mbi, ngangu ti mbi ato nda ti ga daa si mbi tene na lo, mbi tene: ‘Babâ, mo lingbi ti tene tënë senge, ngbanga ti so mo mu na mbi ngangu awe.’

Matthieu 23:33

Ala angbo, ala asioni mara ti ngbo! Fade ala yeke sara tongana nyen ti kpe ngbanga so ayeke ku ala na ndo so wâ ayeke gbi daa lakue so?

Matthieu 26:53

Mo baa mo tene, mbi lingbi ti hunda na Babâ ti mbi ti mu na mbi maboko pepe? Lo lingbi ti tokua na mbi fafadeso *a-ange so wungo ti ala ahon wungo ti aturugu na ya ti akota bongbi baleoko na use.

Nzoni Tënë so Luc asu na mbeti 12:14

Jésus atene na lo: “Koli, zo wa laa amu mbi titene mbi fâ ngbanga na popo ti ala, ti kangbi ya ti aye ti ala?”

Nzoni Tënë so Luc asu na mbeti 22:58

Kete na pekoni, mbeni koli abaa Pierre si atene na lo: “Mo nga, mo yeke mbeni zo ti Jésus!” Me Pierre atene: “Mbi yeke ti mbi zo ti lo pepe!”

Nzoni Tënë so Luc asu na mbeti 22:60

Pierre akiri tënë na lo, atene: “Mbi gi li ti mbi na tënë ti mo ni gbaa!” Gi so tënë angba na yanga ti lo, koli-kondo atoto.

Rome 1:32

Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

Rome 2:1

Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

Rome 2:2

Biani, e hinga so, na lege ti taa-tënë, Nzapa ayeke fâ ngbanga na li ti zo so ayeke sara aye tongaso.

Rome 9:20

Mo zo, mo yeke ti mo zo wa ti kiri tënë na Nzapa? Ta ti sese so zo asara na maboko ti lo alingbi ti hunda zo so asara lo, atene: “Ngbanga ti nyen si mo leke mbi tongaso?”

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.