Philémon 1:16 - Mbeti ti Nzapa - Tënë so amu fini

¹⁶ Ti fadeso, lo yeke gi ngbaa pepe, me lo hon ngbaa awe; lo yeke ita so e ye lo mingi. Mbi ye lo ahon ndoni, mo nga, fade mo yeke ye lo ahon ndoni, ngbanga ti so lo yeke mba ti mo zo si lo yeke nga mba ti mo, zo ti *Kota Gbia.

Philémon 1:16 Iomraidhean Croise

Matthieu 23:8

Me ti ala azo ti mbi, ayeke nzoni ala yeda titene azo airi ala ‘Wafango-ye’ pepe, ngbanga ti so ala kue ayeke a-ita si Wafango-ye na ala ayeke gi oko.

Awatokua 9:17

Tongaso Ananias ague, lo li na ya ti da so Saul ayeke daa; lo zia maboko na ndö ti Saul, lo tene: “Ita ti mbi Saul, Kota Gbia laa atokua mbi. Jésus so asi na mo na lege na gango ti mo, lo tokua mbi titene mo kiri mo baa ndo si mo si singo na Yingo-Vuru.”

1 Korente 7:22

Biani, zo so ayeke ngbaa si Kota Gbia airi lo, andaa Kota Gbia azi lo na gbe ti ngbaa ni awe. Zo so ayeke ngbaa pepe si Kota Gbia airi lo, lo ga ngbaa ti Christ awe.

Kolose 3:22

Angbaa, ala ma yanga ti awa ti ala ti ndö ti sese so na ya ti aye kue. Ala sara kua gi ndali ti le ti awa ti ala pepe, mo baa mo tene, ala yeke gi ti ga nzoni na le ti azo; me ala sara kua ti ala na be ti ala oko ndali ti so, ala yeke kpe mbeto ti Kota Gbia.

1 Timothée 6:2

Angbaa so awa ti ala ama na be, ala yeke a-ita ti ala azo ti Nzapa, me so laa amu lege na angbaa ni ti baa awa ti ala tongana asenge zo pepe. Me alingbi angbaa asara kua nzoni ahon ti kozoni, ngbanga ti so azo so ayeke baa nzoni na peko ti kua ti ala ni ayeke a-ita ti ala so ama na be si Nzapa aye ala mingi. Baa, ye so mo lingbi ti fa na azo si mo mu yanga na ala ti sara ni laa.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.