Philémon 1:10 - Mbeti ti Nzapa - Tënë so amu fini

¹⁰ Mbi gbu gere ti mo ndali ti Onezime; lo ga molenge ti mbi ge na da ti kanga ndali ti so lo ma na be na lege ti mbi.

Philémon 1:10 Iomraidhean Croise

2 Samuel 18:5

Gbia amu yanga na Yoab, na Abishai nga na Itai, atene: “Ndali ti mbi, ala sara ye ti ngangu pepe na maseka-koli Absalom!” Aturugu kue ama tënë so gbia atene na amakonzi ndali ti Absalom so.

Marc 9:17

Mbeni koli so ayeke na popo ti gba ti azo ni atene na lo: “Wafango-ye, mbi ga na mo molenge ti mbi so lo yeke na mbeni sioni yingo so akanga yanga ti lo.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

1 Korente 4:14

Mbi su mbeti so na ala ti zia kamene na le ti ala pepe, me ti mu wango na ala tongana ti so zo ayeke sara na amolenge ti lo so lo ye ala mingi.

1 Korente 4:15

Biani, ataa azo saki baleoko laa afa lege na ala si ala ga oko na Christ, ala yeke na ababâ mingi pepe: mbi laa mbi du ala si ala ga oko na Christ na lege ti Nzoni Tënë so mbi fa na ala.

Galasii 4:19

Amolenge ti mbi, tongana ti so mama ti ngo ayeke baa pasi na ndembe ti dungo ni, mbi nga, mbi yeke baa pasi ndali ti ala ngbii dutingo ti ala aga tongana ti Christ.

Kolose 4:9

Onezime, taa ita ti e so mbi ye lo mingi, lo na Tishike laa ague; lo yeke mbeni zo ti ala. Fade a-ita use so ayeke fa na ala tënë ti aye so kue ayeke si ge.

1 Timothée 1:2

Mbi tokua mbeti so na mo Timothée so mo yeke taa molenge ti mbi na lege ti mabe. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

Tite 1:4

Mbi tokua mbeti so na mo Tite so mo yeke taa molenge ti mbi na lege ti oko mabe so e yeke na ni. Ayeke nzoni Nzapa Babâ na Wasongo e, Jésus Christ asara nzoni be na mo si amu na mo siriri!

Philémon 1:11

Ando, mo wara nzoni ye na lege ti lo pepe, me fadeso mbi na mo kue, e yeke wara nzoni ye na lege ti lo.

Philémon 1:13

Mbi yeke fade na nzara ti bata lo na tere ti mbi, tongaso si lo sara kua so mo wani, mo lingbi fade ti sara na mbi, na ndembe so mbi yeke na da ti kanga ndali ti Nzoni Tënë.

3 Jean 1:4

Tongana mbi ma a tene, amolenge ti mbi ayeke sara ye na lege ti taa-tënë, mbeni ye ti zia ngia na be ti mbi ti hon so ayeke daa pepe.