Osée 9:9 - Mbeti ti Nzapa - Tënë so amu fini

⁹ Ala linda lindango na ya ti sarango sioni ye tongana ti so ala sara ando na Gibea. Me fade Nzapa ayeke dabe ti lo na sioni ti ala, lo yeke ga ti kiri peko ti sioni na ala ndali ti asiokpari ti ala.

Osée 9:9 Iomraidhean Croise

Sigingo 32:7

Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Ésaïe 31:6

Ala azo ti Israel, ala ke lani KOTA GBIA mingi! Ala kiri fadeso na mbage ti lo ma!

Jérémie 14:10

Tënë so KOTA GBIA atene na azo so ayeke so: “Biani, ala ye gi ti tambula kirikiri, ngbonda ti ala agbu sese pepe.” Ye ni anzere na be ti KOTA GBIA pepe. Fadeso, lo dabe ti lo na asioni ti ala, lo yeke pika ala ndali ti aye ti kirikiri ti ala.

Ezekiel 21:28

Azo ti Jérusalem atene na be ti ala atene, tënë ti zeke so ayeke gi ye senge, ngbanga ti so a deba yanga na ala awe ti bata ala. Me gbia ti Babilone adabe ti ala na sioni ti ala; tongaso, a yeke gbu ala titene ala ga azo ti kanga.

Osée 10:9

Ti londo na sioni ye so mo sara na Gibea ngbii asi fadeso, mo Israel, mo sara siokpari awe; ni laa mo ngba gi ngbango daa so! Ayeke na legeni titene bira alondo na tere ti azo ti sioni so gi na Gibea pepe?

Osée 4:9

Oko ye so ayeke si na azo ti mbi, ni laa ayeke si na awayango-sandaga. Fade mbi yeke kiri na ala peko ti sioni dutingo ti ala, mbi yeke kiri na ala peko ti sioni sarango ye ti ala.

Osée 5:8

Kota Gbia atene: “Ala huru didi na Gibea, ala huru tatalita na Rama, ala dekongo na azo ti Bet-Aven ti fa na ala tënë ti bira. Ala azo ti mara ti Benjamin, azo ayeke ga na peko ti ala ti tiri bira na ala.

Osée 7:2

Ala yeke tene na be ti ala pepe, atene: asioni ye so kue ala yeke sara so, mbi hinga ni pepe; fadeso asarango ye ti ala ni akanga ala mbage na mbage awe, aye ni kue ayeke na le ti mbi.

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Osée 9:8

Zo so ayeke sara sanziri ti azo ti Efraim ayeke mbi wayanga-Nzapa. Mbi yeke nduru na Nzapa ti mbi. Me azo ayeke zia kuku ti gbu na mbi na ndö ti alege so kue mbi yeke hon daa. Ataa na ya ti da ti Nzapa ti mbi, ala yeke sara ngangu na mbi.

Sofonii 3:7

Mbi tene na be ti mbi, mbi tene: ‘Mo gbata so, tongana mo kpe fade mbeto ti mbi, tongana mo ma fade wango ti mbi, ka a yeke buba mo pepe.’ Me lakue so mbi yeke ga ti pika mo, azo ti mo ayeke kpe hio ti sara sioni ahon ndoni.

Awafango-ngbanga 19:12

Kota zo ti lo ni akiri tënë na lo: “E lingbi ti luti na kodro ti awande pepe. Ge so mbeni zo ti mara ti Israel ayeke daa pepe; e gue na gbata ti Gibea, e lango kâ.”

Awafango-ngbanga 19:16

Na lakui ni, mbeni mbakoro-koli alondo na yaka si lo yeke kiri na kodro. Koli ni ayeke zo ti Efraim, ndo so ahoto ayeke daa; lo yeke lango tongana gene na Gibea. Azo ti gbata ni ayeke ti ala azo ti mara ti Benjamin.

Awafango-ngbanga 19:22

So ala ngba ti te, ti nyon, akoli ti gbata ni na agodobe aga si ala ngoro da ni kue. Ala pika yanga ti da ni ngangu si ala tene na mbakoro-koli ni so ayeke wa ti da ni, atene: “Sigigi na koli so ayeke na ya ti da ti mo so. E ye ti lango na lo.”

Awafango-ngbanga 20:43

Azo ti Israel angoro azo ti Benjamin; ala tumba peko ti ala, ala sara sana na ala ngbii asi nduru na Gibea, na mbage ti To.