Osée 9:8 - Mbeti ti Nzapa - Tënë so amu fini

⁸ Zo so ayeke sara sanziri ti azo ti Efraim ayeke mbi wayanga-Nzapa. Mbi yeke nduru na Nzapa ti mbi. Me azo ayeke zia kuku ti gbu na mbi na ndö ti alege so kue mbi yeke hon daa. Ataa na ya ti da ti Nzapa ti mbi, ala yeke sara ngangu na mbi.

Osée 9:8 Iomraidhean Croise

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 18:1

Lango mingi ahon na pekoni, na ngu ota ni so ngu apika pepe, tënë ti *KOTA GBIA asi na Élie, atene: “Gue mo fa tere ti mo na gbia Akab; fade mbi yeke tokua ngu-Nzapa na ndö ti sese.”

1 Agbia 18:19

Fadeso, mo tokua titene azo ti Israel kue abongbi na tere ti mbi na ndö ti hoto ti Karmel. Mo tokua nga titene awayanga ti nzapa Baal so wungo ti ala ayeke ngbangbo osio na baleoku aga; awayanga ti nzapa-wali *Ashera so wungo ti ala ayeke ngbangbo osio aga, ala so ayeke te kobe lani na ndö ti meza ti Yezabel, wali ti gbia so.”

1 Agbia 22:11

Na popo ti awayanga-nzapa ni, Sidekia, molenge ti Kenaana ayeke daa; lo mu wen, lo leke na adidi si lo tene: “Tënë so KOTA GBIA atene ayeke so: ‘Na adidi so, fade mo yeke fâ azo ti Sirii ngbii mo hunzi ala kue.’ ”

1 Agbia 22:22

Yingo ni akiri tënë, atene: ‘Fade mbi yeke gue si mbi yeke ga yingo ti mvene na yanga ti awayanga-nzapa kue ti gbia.’ KOTA GBIA atene na lo: ‘So nzoni lege ti handango lo laa; gue, mo sara gi tongaso.’ ”

1 Agbia 22:28

Mishe akiri tënë na lo, atene: “Tongana mo kiri na nzoni tere biani, andaa KOTA GBIA atene tënë na lege ti mbi pepe.” Lo kiri lo tene: “Ala amara kue, ala ma!”

1 Agbia 22:6

Tongaso gbia ti Israel abongbi awayanga-nzapa nduru na ngbangbo osio si lo hunda ala, lo tene: “Alingbi mbi gue, mbi tiri bira na Ramot, na sese ti Galaad wala mbi zia lege ni?” Ala kiri tënë na lo, atene: “Mo lingbi ti gue senge! Fade Kota Gbia ayeke zia gbata ni na maboko ti mo, gbia.”

2 Agbia 13:21

Mbeni lâ, azo ague ti lu mbeni kuâ; mo ye ti baa, ala baa ambeni zo ti nzi ni so. Azo ti lungo kuâ ni abi kuâ ni na ya ti du ti kuâ ti Élisée. Gi so kuâ ni andu abio ti Élisée, zo ni akiri na fini si lo luti na ndö ti gere ti lo.

2 Agbia 2:14

Lo zi kota bongo ti de so alondo na ndö ti go ti Élie si ati so, lo pika na le ti ngu ni si lo tene: “KOTA GBIA, Nzapa ti Élie ayeke na ndo wa?” Élisée akiri apika le ti ngu ni si ya ti ngu ni akangbi mbage na mbage si lo hon daa.

2 Agbia 2:21

Élisée ague na li ti ngu ni, lo tuku ingo ni na ya ti ngu ni si lo tene: “Tënë so *KOTA GBIA atene ayeke so: ‘Mbi sara si ngu so aga *nzoni awe! Fade ngu so ayeke kiri ti sara si kuâ aga na ya ti kodro so pepe; ayeke sara si sese ni akiri ti du ale ti kobe.’ ”

2 Agbia 4:41

Zo ti Nzapa atene: “Ala ga na mbi farini.” Lo tuku farini ni na ya ti tawa si lo tene na zo ti kua ti lo: “Fu kobe ni na azo, ala te!” Mbeni sioni ye oko akiri angba na ya ti tawa ni pepe.

2 Agbia 4:43

Zo ti kua ti lo akiri tënë: “Wungo ti azo ni ayeke ngbangbo oko. Fade mbi yeke kangbi ni na ala tongana nyen?” Élisée atene: “Kangbi kobe na azo ni kue, ala te! Biani, tënë so *KOTA GBIA atene ayeke so: ‘Fade azo ayeke te kobe, tanga ni ayeke ngba.’ ”

2 Agbia 5:14

Tongaso Naaman azu na ngu ti Jourdain, lo li na ya ti ngu ni fani mbarambara alingbi na tënë so zo ti Nzapa atene. Na pekoni, tere ti lo aga *nzoni: poro ti tere ti lo akiri aga tongana ti kete molenge.

2 Agbia 5:27

Biani, fade buruma ti Naaman ayeke ga ti ngba na tere ti mo nga na tere ti *ahale ti mo kpu na kpu!” So Gehazi azia Élisée ti gue, buruma amu tere ti lo si poro ti tere ti lo avuru vurungo tongana tukia.

2 Agbia 7:19

Turugu ti kota kamba ti gbia atene lani na Élisée: “Ataa KOTA GBIA azi fenetere na yayu, atënë so mo tene so, fade ayeke ga taa-tënë?” Élisée akiri tënë, atene: “Fade mo yeke baa ye ni na le ti mo, me mo yeke te kobe ni pepe.”

2 Agbia 7:2

Mbeni turugu ti kota kamba ti gbia ti Israel, lo so lo yeke lakue nduru na tere ti gbia akiri tënë na Élisée, atene: “Ataa KOTA GBIA azi fenetere ti yayu, atënë so mo tene so, fade ayeke ga taa-tënë?” Élisée akiri tënë: “Fade mo yeke baa ye ni na le ti mo, me mo yeke te ande kobe ni pepe.”

Abia (Psaumes) 124:7

E sigigi na ya ti gbanda ti azo ni tongana ndeke so asigigi na ya ti gbanda so agbu lo. Ya ti gbanda ni asuru si e kpe, e hon.

Zo ti bongbingo azo 9:12

Lango so ye ti vundu ayeke si na zo, lo hinga ni pepe. Ye ti sioni ayeke wara azo biaku tongana ti so gbanda agbu susu, wala tongana ti so kuku agbu ndeke.

B. ti abia 3:3

Asanziri so ayeke hon na ya ti gbata awara mbi si mbi hunda ala, mbi tene: “Lo so be ti mbi aye lo so, ala baa lo?”

Ésaïe 62:6

Jérusalem, na ndö ti gbagba ti mo ti bira, mbi zia asanziri. Na kota lâ wala na bi, ala lingbi ti duti kpoo pepe. “Ala so ayeke dabe ti KOTA GBIA na Jérusalem, ala wu tere ti ala pepe!

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 14:13

Mbi kiri tënë: “Ae Kota Gbia NZAPA, awayanga-Nzapa atene na azo ni, atene: ‘Fade bira na nzara ayeke si na ala pepe. Me Nzapa ayeke mu na ala taa siriri na ndo so.’ ”

Jérémie 23:13

“Na popo ti awayanga-Nzapa ti Samarii, mbi baa ye ti ziango ngonzo na be ti zo: ala tene peko ti tënë ti yanga ti *Baal, ala sara si Israel, azo ti mbi, ague kirikiri.

Jérémie 31:6

Biani, mbeni lango ayeke ga so asanziri ayeke dekongo na li ti ahoto ti Efraim, atene: Ala londo! E gue na *Sion, e gue na mbage ti KOTA GBIA Nzapa ti e!’ ”

Jérémie 6:14

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Jérémie 6:17

Mbi zia asanziri na ndö ti ala ti tene na ala ti sara hange; asanziri ni atene: ‘Ala dingi mê ti ala ti ma toto ti didi!’ Me ala kiri tënë: ‘Ngbanga ti e ayeke daa ape!’

Abia ti demango tere 2:14

Awayanga-Nzapa ti ala awara ambeni tënë ndali ti ala na ya ti mbeni ye tongana bango-li; me atënë ni gi mvene, gi abuba tënë. Awayanga-Nzapa ni afa asioni ti ala, azo ti gbata ti Sion na gigi pepe; ye so alingbi fade ti zi ala na ya ti ngbaa. Biani, atënë ti awayanga-Nzapa ni gi mvene na asenge senge tënë.

Abia ti demango tere 4:13

Me akpale so ati na ya ti kodro ni, ngbanga ti so awayanga-Nzapa asara siokpari, awayango-sandaga asara sioni mingi: ala tuku mene ti azo ti mbirimbiri ti gbata ni. Nilaa, akpale so ati na ya ti kodro ni.

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Ezekiel 33:7

“Molenge ti zo, mo laa mbi zia mo sanziri ndali ti azo ti Israel. Fade mo yeke ma tënë ti yanga ti mbi si mo yeke gboto mê ti ala na mbi.

Osée 5:1

*KOTA GBIA atene: “Ala awayango-sandaga, ala ma tënë so, ala azo ti Israel, ala duti kpoo, ala ma tënë so, ala asewa ti gbia, ala dingi mê ti ala, ala ma tënë so: ala laa alingbi fade ti fâ ngbanga mbirimbiri, me kâ na Mispa, ala ga tongana kuku, ala ga tongana gbanda so a zia na ndö ti hoto ti Tabor;

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Osée 9:9

Ala linda lindango na ya ti sarango sioni ye tongana ti so ala sara ando na Gibea. Me fade Nzapa ayeke dabe ti lo na sioni ti ala, lo yeke ga ti kiri peko ti sioni na ala ndali ti asiokpari ti ala.

Mishe 7:4

Zo ti nzoni na popo ti ala ayeke tongana aki; zo ti mbirimbiri na popo ti ala ayeke sioni ahon gba ti akeke ti ki. Lango ti fango ngbanga na ndö ti ala alingbi awe, lango so asanziri ti ala, awayanga-Nzapa, atene tënë ni kozoni awe so. Fadeso be ti ala afun kue awe.

Jean 15:24

Aye so zo asara laoko pepe, mbi sara ni na popo ti azo ti dunia. Tongana mbi sara ni fade pepe, ka siokpari ayeke na li ti ala pepe. Fadeso, ala baa aye so kue mbi sara, me ala ngba ti ke mbi nga na Babâ ti mbi.

Rome 3:7

Me tongana mvene ti mbi ayeke sara titene taa-tënë ti Nzapa asigigi polele si azo ayeke gonda lo, ndali ti nyen si a fâ ngbanga na li ti mbi tongana zo ti siokpari so?

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.