Osée 9:6 - Mbeti ti Nzapa - Tënë so amu fini

⁶ Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.

Osée 9:6 Iomraidhean Croise

2 Agbia 13:7

Na ndani, aturugu so angba na Yoakaz ayeke gi azo ti kpengo na mbarata baleoku, apusu ti mbarata baleoko na aturugu so ayeke tambula na gere saki baleoko. Biani, gbia ti Sirii afâ ambeni turugu ni mingi. Lo sara ala tongana fuku ti sese so zo ayeke do na gbe ti gere.

Abia (Psaumes) 107:34

sese so kobe ale daa nzoni aga sese ti ingo ndali ti sioni ti azo ti kodro ni.

Amato 24:31

Mbi baa so, akamba ti ki na asioni pere amu le ti yaka ni kue; gbagba so a sara na tere ti yaka ni atuku kue na sese.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 19:13

Amakonzi ti Soan aga azo ti buba awe, amakonzi ti Manfis ahanda tere ti ala. Amakonzi ti akete mara laa ayeke gue na Ezipte na sioni lege.

Ésaïe 27:12

Na lango ni so, *KOTA GBIA ayeke pika ale ti kobe titene ale ni asigigi, ti londo na *bale ti Efrate ngbii asi na ngu ti Ezipte. Ti ala azo ti Israel, lo yeke ro ala oko na oko tongana ti so a yeke ro ale ti kobe.

Ésaïe 32:13

ndali ti sese ti azo ti mbi so aki na akeke ti ki amu ndö ni kue. Ataa ada so lani azo ayeke duti na ngia daa na agbata so azo ayeke sara matanga daa mingi, aki na akeke ti ki ni amu ni kue.

Ésaïe 34:13

Akamba ti ki ayeke sigigi na yangbo ti gbia, asioni pere na akeke ti ki ayeke mu ndö ti ngangu gbagba. Kodro ni ayeke ga ndo ti lango ti *anzagua, ndo so *anaamo ayeke duti daa.

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Ésaïe 7:23

Na lango ni so nga, yaka ti vinye so a lu gere ni saki oko si ngere ni ayeke ale ti nginza saki oko, fade yaka ni ayeke ga ndo ti aki na ti akamba ti ki.

Jérémie 2:16

Ataa azo ti gbata ti Manfis na ti Tapanes asuru ya ti kangu ti li ti mo.

Jérémie 42:22

Ti fadeso, kite ni ayeke daa pepe: fade ala yeke kui na lege ti bira, kota nzara na sioni kobela ti bubango kodro na ya ti kodro so ala ye ti gue ti honde tere ti ala daa.”

Jérémie 44:1

Tënë ti Nzapa asi na Jérémie ndali ti azuife so kue aduti na sese ti Ezipte, na gbata ti Migdol, ti Tapanes, ti Manfis nga na ala so ayeke na sese ti Patros. Tongaso Jérémie atene na ala:

Jérémie 44:12

Mbi yeke mu tanga ti azo ti Juda so angba si ala ye ti gue na Ezipte ti honde tere ti ala kâ, fade ala yeke kui kue. Na ya ti kodro so laa ala yeke kui kuâ ti bira wala ti kota nzara, ti londo na akete zo asi na akota zo. Biani, fade ala yeke kui na lege ti bira na kota nzara; ala yeke ga tapande ndali ti azo so ayeke deba amba ti ala; ala yeke ga ye ti dongo be, ye ti dengo ba na ye ti ziango kamene na le ti zo.

Jérémie 44:13

Mbi yeke ga na tere ti azo so ayeke lango na Ezipte tongana ti so mbi ga na tere ti azo ti Jérusalem: na lege ti bira, kota nzara na sioni kobela ti bubango kodro.

Jérémie 46:14

“Ala azo, ala fa tënë ni na Ezipte; ala sara si azo ama tënë ni na Migdol, na Manfis nga na Tapanes. Ala tene na ala, atene: ‘Ala londo! Ala leke tere ti ala!’ Biani, azo so ayeke nduru na tere ti ala, bira ahunzi ala awe!

Jérémie 46:19

Azo ti kodro ti Ezipte, ngoi titene ala ro akungba ti ala ti gue na kodro wande alingbi awe. Biani, fade gbata ti Manfis ayeke ga ngonda, wâ ayeke gbi ni, zo ayeke kiri ti duti daa pepe.

Ezekiel 30:13

“Tënë so mbi Kota Gbia NZAPA, mbi tene ayeke so: Mbi yeke buba ayanda si mbi yeke zi abuba nzapa so ayeke na gbata ti Manfis. Mbeni makonzi ayeke kiri ti duti na Ezipte pepe; mbi yeke sara titene mbeto amu ya ti kodro ni kue.

Ezekiel 30:16

Mbi yeke bi wâ na Ezipte. Tere ti azo ti Sin ayeke do na mbeto. A yeke koro du na tere ti gbagba ti No si ngu ayeke suku amu ya ti gbata ti Manfis kue.

Osée 10:8

Ando so azo aleke na nduzu ti voro anzapa ti mvene daa so, fade a yeke buba ni kue; ando ni so laa ayeke siokpari ti azo ti Israel. Fade akamba ti ki na aki ayeke kanga ndö ti agbalaka ti ala. Fade azo ti Samarii ayeke tene na akota hoto: “Ala kanga ndö ti e!” Ala yeke tene na akete hoto: “Ala ti na ndö ti e!”

Osée 11:11

Ala yeke londo na Ezipte ti ga na dongo tere tongana akete ndeke; ala yeke londo na Asirii ti ga tongana ambipa. “Fade mbi yeke sara titene ala lango na ya ti kodro ti ala”; so tënë ti yanga ti KOTA GBIA laa.

Osée 2:6

“Fade mbi yeke ye amolenge ti lo pepe, ngbanga ti so ala yeke amolenge ti ndumba.

Osée 7:11

Azo ti Efraim ayeke tongana mbipa so le ti lo azi pepe si lo hinga ndo pepe. Ala iri Ezipte, na pekoni ala kpe na sese ti Asirii.

Osée 7:13

“Mawa na azo ti Efraim, ngbanga ti so ala kpe yongoro na tere ti mbi! Kota kpale na ndö ti ala, ngbanga ti so ala tomboka na tere ti mbi! Ala so ayeke tene mvene na tere ti mbi so, fade mbi yeke zi ala tongana nyen?

Osée 7:16

Tongana ala yeke kiri, ala yeke kiri na mbage ti mbi pepe. Ala yeke tongana kokora so aba bango. Fade amakonzi ti ala ayeke kui na ya ti bira ndali ti sioni yanga ti ala; ye so ayeke sara si azo ayeke he ala na ngia na sese ti Ezipte.”

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Osée 9:3

Fade azo ti Efraim ayeke ngba na ya ti kodro ti *KOTA GBIA pepe; ala yeke kiri na sese ti Ezipte si na sese ti Asirii, ala yeke te kobe so ayeke *sioni.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

Sofonii 1:11

Ala azo ti vaka Ti-gbeni, ala dekongo ngangu, ngbanga ti so a fâ azo ti kango ye kue awe, a hunzi azo ti dengo buze kue awe.

1 Samuel 13:6

So azo ti Israel abaa so ala yeke na ya ti ye ti ngangu, ngbanga ti so azo ti Filistii aga nduru nduru na ala, ala kpe ahonde tere ti ala na ya ti adu ti têne, na ya ti adu, na gbe ti akota têne, na gbe ti sese nga na ya ti adu ti ngu.